လက်မှတ်ရပြည်သူ့စာရင်းကိုင် (ပထမပိုင်း) သင်တန်း အမှတ်စဉ်(၄၂) ဝင်ခွင့်စာမေးပွဲ ကျင်းပရန်ကိစ္စ

လက်မှတ်ရပြည်သူ့စာရင်းကိုင် (ပထမပိုင်း) သင်တန်း အမှတ်စဉ်(၄၂) သင်တန်းသားလျှောက်လွှာခေါ်ယူခြင်း

အရည်အချင်းစစ်စာမေးပွဲကျင်းပရန်ကိစ္စ

၁။၂၀၁၅ ခုနှစ်၊ ဒီဇင်ဘာလ (၁) ရက်နေ့ နံနက် ၉း၀၀ နာရီတွင် ပြည်ထောင်စု စာရင်းစစ်ချုပ်ရုံး၊ စုပေါင်းခန်းမ၌ ဒီပလိုမာ စာရင်းကိုင် (ပထမပိုင်း) ၂၀၁၅-၂၀၁၆ ပညာသင်နှစ် သင်တန်းဆင်းပွဲ အခမ်းအနား ကျင်းပရာ ဒုတိယ စာရင်းစစ်ချုပ် ကိုယ်စား အမြဲတမ်း အတွင်းဝန် ဒေါ်ခင်စန်းဦး တက်ရောက်၍ သင်တန်းဆင်း အမှာစကား ပြောကြားခဲ့ပါသည်။
၂။အဆိုပါ အခမ်းအနားသို့ ညွှန်ကြားရေးမှူးချုပ် ( စစ်ဆေးရေး ဦးစီးဌာန)၊ ဒုတိယ ညွှန်ကြားရေးမှူးချုပ်များ၊ ညွှန်ကြားရေးမှူးများ၊ ဒုတိယ ညွှန်ကြားရေးမှူးများ၊ ကထိကများနှင့် သင်တန်းသူ/သား (၃၀၉) ဦး တက်ရောက်ခဲ့ကြ ပါသည်။
၃။အခမ်းအနားတွင် အမြဲတမ်းအတွင်းဝန်ဒေါ်ခင်စန်းဦး ကအောက်ပါအချက်များကို လမ်းညွှန်မှာကြားခဲ့ပါသည်-
-IQ ဆိုသည့် ဉာဏ်ရည်ထက်မြက်မှု တစ်ခုတည်းဖြင့် ဘဝကို ရင်ဆိုင်သည့်အခါ လုံလောက်မှု မရှိကြောင်း၊
-IQ ဆိုသည့် ဉာဏ်ရည် ထက်မြက်မှုနှင့်အတူ EQ ဆိုသည့် စိတ်ခံစားမှုကို ဉာဏ်ရည်သုံးပြီး စီမံမှသာ ဘဝ၏ အောင်မြင်မှုကို ရရှိနိုင်မည်ဖြစ်ကြောင်း၊
-တက်ရောက်လာကြသည့် DAကျောင်းသား/သူများ အားလုံးသည် ရင့်ကျက်နေပြီဖြစ်သည့်အတွက် မိမိဘဝတိုးတက်ရေး ရည်မှန်းချက် စိတ်ကူးယဉ် အိပ်မက်ကို လက်တွေ့ အကောင်အထည်ဖော်ဆောင်ရွက်ကြရာတွင် အမှားအမှန်ကို ဝေဖန်ပိုင်းခြားပြီး ဉာဏ်ပညာနဲ့ ဆင်ခြင်သုံးသပ်ကာ မိမိကိုယ်ကို ထိန်းသိမ်းစောင့်ရှောက်ဖို့ လိုမည်ဖြစ်ပါကြောင်း၊
-ဝန်ထမ်းများဖြစ်သည့်အတွက် တာဝန်သိစိတ်၊ တာဝန်ယူရဲသည့်စိတ်၊ တာဝန်ခံတတ်သည့် စိတ် ရှိရမည်ဖြစ်ကြောင်း၊
-လူအားလုံးသည် အကောင်း၊ အဆိုးဒွန်တွဲနေသည့်အတွက် မကောင်းသည့် အပြုအမူကို ပြုပြင်ပြောင်းလဲ၍ ကောင်းသည့် အပြုအမူကို အတုယူရမည်ဖြစ်ကြောင်း၊
-လူတစ်ဦးချင်းစီ၏ Mindset ကို အရင်ဆုံး ပြောင်းလဲရန်လိုကြောင်း၊
-DAအောင်မြင်ပြီးလျှင် စာရင်းကျွမ်းကျင်သူ၊ CPAအောင်မြင်ပြီးပါက စာရင်း ပညာရှင်ဖြစ်မည်ဖြစ်၍ အောင်မြင်မှုကို ဆွတ်ခူးနိုင်ရန် ပြင်းပြသည့် ဆန္ဒမွေးမြူရမည်ဖြစ်ကြောင်း၊
-ကိုယ်ကျင့်တရားမှာ ရိုးသားမှုသည် အဓိကဖြစ်၍ ပကတိအရည်အချင်းဖြင့် ရိုးရိုးသားသား ကြိုးကြိုးစားစား စာမေးပွဲဖြေဆိုကြရန် ဖြစ်ကြောင်း၊
-သင်ကြား ပို့ချသည့် ကထိကများ၏ ပို့ချမှုကို ကျေညက် နားလည်သဘောပေါက်ပါက အလွယ်တကူ ဖြေဆိုနိုင်မည်ဖြစ်ကြောင်း၊
-နိဂုံးချုပ်အနေဖြင့် မကြာခင်ဖြေဆိုရမည့် စာမေးပွဲတွင် ရိုးသားကြိုးစား၍ အမှတ်ကောင်းကောင်းနှင့် အောင်မြင်မှုကို ဆွတ်ခူးနိုင်ပါစေကြောင်း၊ ဘဝနှင့်အလုပ်ကို ဟန်ချက်ညီအောင် လုပ်ကိုင်ရင်း ဝန်ထမ်းဘဝ၏ ရှေ့ဆက်သွားရမည့် အနေအထားတွင် အတွေး၊ အပြော၊ အပြုအမူကအစ တစ်ထပ်တည်းကျပြီး မိမိဘဝ အနာဂတ်ကို မိမိကိုယ်တိုင် ဖန်တီးနိုင်သူအဖြစ် လုပ်ငန်းတာဝန်များကို ထူးချွန်ပေါက်မြောက်၊ ပျော်ရွှင်ချမ်းမြေ့စွာ ကျရာကဏ္ဍတွင် ဆောင်ရွက်နိုင်ကြပါစေကြောင်း၊
၄။ သင်တန်းဆင်းပွဲ အခမ်းအနားကို နံနက် ၉:၃၀ နာရီတွင် ရုပ်သိမ်းခဲ့ပါသည်။