၁။ ၂၀၁၆ခုနှစ်၊ ဇန်နဝါရီလ (၅)ရက်နေ့ နံနက်(၁၀း၀၀)နာရီတွင် ပြည်ထောင်စုစာရင်းစစ်ချုပ်ရုံး၊ စုပေါင်းခန်းမ၌ စာရင်းစစ်(၃)များ လုပ်ငန်းခွင်ကျွမ်းကျင်မှှု အမှတ်စဉ်(၄၃)သင်တန်းဖွင့်ပွဲ အခမ်းအနား ကျင်းပရာ ဒုတိယစာရင်းစစ်ချုပ်ကိုယ်စား အမြဲတမ်းအတွင်းဝန် တက်ရောက်၍ သင်တန်းဖွင့်အမှာ စကားပြောကြားခဲ့သည်။
၂။ အဆိုပါ အခမ်းအနားသို့ ညွှန်ကြားရေးမှူးချုပ် စစ်ဆေးရေးဦးစီးဌာန၊ ဒုတိယ ညွှန်ကြားရေးမှူးချုပ်များ၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ ကထိကများ၊ သင်တန်းသား/သူ (၁၂၃)ဦး တက်ရောက်ခဲ့ပါသည်။
၃။ အခမ်းအနားတွင် အမြဲတမ်းအတွင်းဝန်မှ သင်တန်းဖွင့်အမှာစကား ပြောကြားရာတွင် -
- စီးပွားရေးတက္ကသိုလ်မှ မွေးထုတ်ပေးလိုက်သော B.Com, B.Act နှင့် DA ဘွဲ့ရများကို စာရင်းစစ်များအဖြစ် ခန့်အပ်ထားခြင်းဖြစ်ကြောင်း
- ကျောင်းမှ သင်ပေးလိုက်သည့် Theory များကို အခြေခံပြီး လက်တွေ့လုပ်ငန်းခွင်တွင် ကျွမ်းကျင်စွာ အလုပ်လုပ်နိုင်ရန် Skill များ ရရှိရန် ကြိုးစားဆောင်ရွက်ရမည်ဖြစ်ကြောင်း
- Skillများရရှိစေရန် ရည်ရွယ်၍ သင်တန်းဖွင့်လှစ်ပေးရခြင်းဖြစ်ကြောင်း
- နိုင်ငံတော်၏ နိုင်ငံရေး၊ စီးပွားရေး၊ အုပ်ချုပ်ရေးယန္တရားများ ပြုပြင်ပြောင်းလဲလာသည်နှင့် အမျှ ဝန်ထမ်းများ၏ Mindset များ ပြောင်းလဲရန် လိုအပ်ကြောင်း
- ဝန်ထမ်းများသည် လုပ်သင့်တာကိုလုပ်ပြီး မလုပ်သင့်တာကို မလုပ်မိရန်ချင့်ချိန်ဝေဖန် နိုင်သည့် Critical Thinking ရှိရန် လိုအပ်ကြောင်း
- ဝန်ထမ်းများသည် I.Q မြင့်မားရုံသာမက E.Q ဆိုသည့် စိတ်ဓာတ်ရင့်ကျက်ရန်လည်း လိုအပ်ကြောင်း
- ဆရာနှင့်တပည့် အပြန်အလှန်သင်ကြားသည့်စနစ် (2 Ways) ပုံစံနှင့်သင်ကြားမှသာ သင်တန်းသားများ၏ခေါင်းထဲမှာ စွဲမြဲမည်ဖြစ်သည့် အတွက် အပြန်အလှန်မေးခွန်းများမေးမြန်း တတ်ရန် လိုအပ်ကြောင်း
- တပည့်များသည် ဆရာထက် ပိုတော်ပိုတတ်မှသာ တိုးတက်သောနိုင်ငံ၊ အဖွဲ့အစည်း ဖြစ်လာမည် ဖြစ်ကြောင်း
- သင်တန်းမှ သင်ကြားပြသပေးလိုက်သည့် ပညာများကို အခြေခံပြီး လူကြီးများ၏ လုပ်ပုံ ကိုင်ပုံ ပြောဆိုဆုံးမမှှုပုံစံကို ဂါရဝတရားရှေ့ထား၍ နာခံရန် လိုအပ်ကြောင်း လမ်းညွှန် မှာကြားခဲ့ပါသည်။
၄။ အခမ်းအနားကို နံနက် (၁၁း၀၀) နာရီတွင် ရုပ်သိမ်းခဲ့ပါသည်။