အခြေခံစာရင်းကိုင်နှင့်ရုံးလုပ်ငန်းကျွမ်းကျင်မှုသင်တန်း အမှတ်စဉ် (၂၁၆) သင်တန်းဆင်းပွဲ အခမ်း အနားကို ၂၀၁၂ ခုနှစ်၊ နိုဝင်ဘာလ (၂၉) ရက်နေ့ နံနက် (၁၀း၀၀) နာရီတွင် ပြည်ထောင်စုစာရင်းစစ်ချုပ်ရုံး၊ အစည်းအဝေးခန်းမ၊ နေပြည်တော်၌ ကျင်းပရာ ဒုတိယစာရင်းစစ်ချုပ် ဦးမျိုးမြင့် တက်ရောက်၍ သင်တန်း ဆင်းအမှာစကားပြောကြားခဲ့ပါသည်။
အခမ်းအနားသို့ တာဝန်ရှိသူများ၊ သင်တန်းကထိကများနှင့် သင်တန်းသား၊ သင်တန်းသူ (၁၀၄) ဦး တက်ရောက်ကြပါသည်။
- ပြောင်းလဲလာသော နိုင်ငံတော်အုပ်ချုပ်ရေးစနစ်နှင့်အညီ ဝန်ကြီးဌာနအသီးသီးရှိ သင်တန်း သားများအနေဖြင့် နိုင်ငံတော်၏ ရည်မှန်းချက်များ၊ ဦးတည်ချက်များကို လေ့လာသိရှိပြီး ရည်မှန်းချက်ပြည့်မီရေး အင်တိုက်အားတိုက် ပါဝင်ကြိုးပမ်းဆောင်ရွက်သွားရမည်ဖြစ်ကြောင်း၊
- သင်တန်းမှပို့ချလိုက်သော ဘာသာရပ်များကို လက်တွေ့လုပ်ငန်းခွင်တွင် အကျိုးရှိရှိအသုံးချ ရန်နှင့် မိမိလုပ်ငန်းတာဝန်များကို လုပ်ငန်းကျွမ်းကျင်စွာဖြင့် ဆထက်ထမ်းပိုး အောင်အောင် မြင်မြင် ဆောင်ရွက်ကြရန်လိုအပ်ပါကြောင်းလမ်းညွှန်မှာကြားပါသည်။
ထို့နောက် အခြေခံစာရင်းကိုင်နှင့်ရုံးလုပ်ငန်းကျွမ်းကျင်မှုသင်တန်း အမှတ်စဉ်(၂၁၆) သင်တန်း ဆင်းပွဲအခမ်းအနားကို နံနက်(၁၀း၃၀)တွင် ရုပ်သိမ်းခဲ့ပါသည်။