ကိုယ်ပိုင်စာရင်းကိုင်လုပ်ငန်းလုပ်ကိုင်ခွင့် ရရှိသူများစာရင်း ထုတ်ပြန်ခြင်း

ကိုယ်ပိုင်စာရင်းကိုင်လုပ်ငန်းလုပ်ကိုင်ခွင့် ရပ်နားသူများစာရင်း ထုတ်ပြန်ခြင်း

၁။ ၂၀၁၅ခုနှစ်၊ ဇူလိုင်လ(၈)ရက်နေ့ နံနက်(၁၀း၀၀)နာရီတွင် ပြည်ထောင်စုစာရင်းစစ်ချုပ်ရုံး၊ စုပေါင်းခန်းမ၌ စာရင်းစစ်(၁)များ လုပ်ငန်းခွင် ကျွမ်းကျင်မှု အမှတ်စဉ် (၃၁)သင်တန်းဆင်းပွဲ အခမ်းအနား ကျင်းပရာ ဒုတိယစာရင်းစစ်ချုပ်ကိုယ်စား အမြဲတမ်းအတွင်းဝန်/ တာဝန်ခံညွှန်ကြားရေးမှူးချုပ် တက်ရောက်၍ သင်တန်းဆင်း အမှာစကားပြောကြားခဲ့သည်။

၂။ အဆိုပါအခမ်းအနားသို့ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ တတိယညွှန်ကြားရေးမှူးများ၊ ကထိကများ၊ သင်တန်းသား/ သူ (၇၅)ဦး တက်ရောက်ခဲ့ပါသည်။

၃။ အခမ်းအနားတွင်အမြဲတမ်းအတွင်းဝန်/တာဝန်ခံ ညွှန်ကြားရေးမှူးချုပ်မှ လမ်းညွှန်အမှာစကားပြောကြားရာတွင် -

• စာရင်းစစ်(၁)များသည် မိမိတို့၏ ပင်မလုပ်ငန်းဖြစ်သည့် စာရင်းစစ်လုပ်ငန်း၏ တိုက်စစ်မှူး အမာခံအင်အားများဖြစ်ကြောင်း
• စာရင်းစစ်(၁)များသည် စာရင်းစစ်အဖွဲ့တွင် အဖွဲ့ခေါင်းဆောင် Leader/Keyplayer များ ဖြစ်သည့်အလျောက် မိမိတို့စွမ်းဆောင်မှု အရည်အသွေးများသည် ရုံး၏ပုံရိပ်ကို ထင် ဟပ် စေကြောင်းနှင့် ရုံး၏ဂုဏ်သတင်းကို အဆင့်အတန်း မြင့်တက်စေနိုင်ကြောင်း
• ဝန်ထမ်းစည်းမျဉ်း၊ ဘဏ္ဍာရေးစည်းမျဉ်းများကို အမြဲတမ်းလေ့လာ နားလည် တတ်ကျွမ်းနေရမည် ဖြစ်ကြာင်း
• သင်တန်းမှ ပို့ချသင်ကြားမှုများသည် ပြည့်စုံပြီဟု မယူဆဘဲ ဆက်လက်လေ့လာပြီး ၎င်းတို့ ကို ပြန်လည် အသုံးချစေလိုကြောင်း
• တိုးတက်သစ်ဆန်းနေသည့် သတင်းအချက်အလက်များအပေါ် အမြဲတမ်း ပညာယူလေ့လာ ဆည်းပူးသင်ယူရမည်ဖြစ်ကြောင်း
• နိဂုံးချုပ် အနေဖြင့် မိမိသိထား၊တတ်ထားသမျှကို မိမိလက်အောက်မှ ဝန်ထမ်းများအား လက်ဆင့်ကမ်း သင်ကြားပေးရန် လိုကြောင်းနှင့် ဗုဒ္ဓဘာသာ လူမျိုးများဖြစ်သည့် အလျောက် ယဉ်ကျေးသိမ်မွေ့ပြီး ကိုယ်ချင်းစာစိတ်ဖြင့် အလုပ်များကို ဆောင်ရွက်သွားရန် လိုကြောင်း မှာကြားသွားပါသည်။

၄။အခမ်းအနားကိုနံနက်(၁၀ း ၃၀)နာရီတွင်ရုပ်သိမ်းခဲ့ပါသည်။

၁။       ၂၀၁၅ ခုနှစ်၊ ဇူလိုင်လ (၇) ရက်နေ့ နံနက် ၁၀း၀၀ နာရီ၌ ပြည်ထောင်စုစာရင်းစစ်ချုပ်ရုံး၊ စုပေါင်းခန်းမတွင် အခြေခံစာရင်းကိုင်နှင့် ရုံးလုပ်ငန်းကျွမ်းကျင်မှု အမှတ်စဉ် (၂၂၄) သင်တန်း  သင်တန်းဆင်းပွဲအခမ်းအနား ကျင်းပခဲ့ရာ အမြဲတမ်းအတွင်းဝန် / တာဝန်ခံညွှန်ကြားရေးမှူးချုပ် ဒေါ်ခင်စန်းဦး တက်ရောက်၍ သင်တန်းဆင်း လမ်းညွှန်အမှာစကား ပြောကြားခဲ့ပါသည်။

၂။       အဆိုပါ အခမ်းအနားသို့ ညွှန်ကြားရေးမှူးချုပ် (စစ်ဆေးရေး)၊ ဒုတိယညွှန်ကြားရေးမှူးချုပ် များ၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ ကထိကများနှင့် သင်တန်းသား/ သင်တန်းသူ (၁၄၈)ဦး တက်ရောက်ခဲ့ကြပါသည်။

၃။       အခမ်းအနားတွင် အမြဲတမ်းအတွင်းဝန်/ တာဝန်ခံညွှန်ကြားရေးမှူးချုပ်က အောက်ပါ အချက်များကို လမ်းညွှန်မှာကြားခဲ့ပါသည်-

• ဤသင်တန်းတွင် သင်တန်းသား သင်တန်းသူများအား ဆရာဗဟိုပြုလေ့လာသင်ကြား ခြင်း (One way communication) ထက် ကျောင်းသားဗဟိုပြုလေ့လာသင်ကြားခြင်း (Two way communication) ဖြင့် အပြန်အလှန် ဆွေးနွေးလေ့လာပြီး (Critical thinking) များ တိုးတက်လာစေရန် ကြိုးစားစေလိုကြောင်း
• အစိုးရသစ်လက်ထက်တွင် ဥပဒေအသစ်များ ပြင်ဆင်နေသည့်အလျောက် ပြောင်းလဲ နေသော ဝန်ထမ်းစည်းမျဉ်း၊ ဘဏ္ဍာရေးစည်းမျဉ်းများကိုလည်း အမြဲတစေ လေ့လာ နေရန် လိုအပ်ကြောင်း
• ဝန်ထမ်းများအရည်အသွေး တိုးတက်စေရန် သင်တန်းများစေလွှတ်ရပြီး သင်တန်းပြီးစီး ၍ ဌာနသို့ ပြန်ရောက်သည့်အခါတွင်လည်း သင်တန်းမတက်ခင်ကာလထက် လုပ်ငန်း တာဝန်များကို တိတိကျကျ ပိုမိုဆောင်ရွက်လာနိုင်မည်ဟု မျှော်လင့်ကြောင်း
• သင်တန်းသား၊ သင်တန်းသူများသည် သင်တန်းမှ ပို့ချခဲ့သည့် ဘာသာရပ်များမှ ရရှိသည့် ဗဟုသုတများကိုလည်း မိမိတို့ လုပ်ငန်းခွင်၌ ထိရောက်စွာ အသုံးချစေလို ကြောင်း
• ဝန်ထမ်းကောင်းမှနိုင်ငံကောင်းမည် ဖြစ်သောကြောင့် ဝန်ထမ်းကျင့်ဝတ်စည်းကမ်းများ အတိုင်း နေထိုင်သွားရန် လိုအပ်ကြောင်း
• ဘုရားရှင်ဟောကြားခဲ့သည့် အချက်(၃)ချက်ဖြစ်သော မကောင်းတာမလုပ်ရန်၊ ကောင်းတာလုပ်ရန်၊ မိမိ၏ စိတ်နှလုံးကို ဖြူစင်စွာထားပြီး လောကအကျိုး၊ နိုင်ငံအကျိုး၊ အားလုံးအကျိုးအတွက် အူမတောင့်သည်ဖြစ်စေ၊ မတောင့်သည်ဖြစ်စေ ကိုယ်ကျင့် တရားကို အစွန်းထင်းမခံဘဲ တာဝန်ဝတ္တရား ကျေပွန်စွာ ထမ်းဆောင်ရန် လိုအပ်ကြောင်း
• နိဂုံးချုပ်အနေဖြင့် မကြာမီတွင် စာမေးပွဲဖြေဆိုတော့မည်ဖြစ်သည့်အတွက် ရိုးရိုး သားသား ကြိုးကြိုးစားစားနှင့် ဖြေဆိုကြပြီး နိုင်ငံ့အကျိုးအတွက် စွမ်းစွမ်းတမံ အလုပ်အကျွေးပြုနိုင်သော နိုင်ငံဝန်ထမ်းကောင်းများ ဖြစ်ကြပါစေကြောင်း။

၄။       သင်တန်းဆင်းပွဲ အခမ်းအနားကို နံနက် (၁၀း၃၀) နာရီတွင် ရုပ်သိမ်းခဲ့ပါသည်။