ဒီပလိုမာစာရင်းကိုင် (ဒုတိယပိုင်း) အောင်စာရင်းထုတ်ပြန်ခြင်း

၁။ ၂၀၁၆ ခုနှစ်၊ ဇူလိုင်လ (၁၃)ရက်နေ့ နံနက်(၁၀း၀၀)နာရီ၌ ပြည်ထောင်စုစာရင်းစစ်ချုပ်ရုံး၊ စုပေါင်းခန်းမတွင် အလယ်အလတ်အဆင့်/အဆင့်မြင့်စာရင်းကိုင်နှင့် ရုံးလုပ်ငန်းကျွမ်းကျင်မှု အမှတ်စဉ်(၉၆)သင်တန်း သင်တန်းဆင်းပွဲအခမ်းအနားကျင်းပခဲ့ရာ ပြည်ထောင်စုစာရင်းစစ်ချုပ် ဦးမော်သန်း တက်ရောက်၍ သင်တန်းဆင်းလမ်းညွှန်အမှာစကားပြောကြားခဲ့ပါသည်။

၂။ အဆိုပါအခမ်းအနားသို့ အမြဲတမ်းအတွင်းဝန်၊ ညွန်ကြားရေးမှူးချုပ် (စစ်ဆေးရေးဦးစီးဌာန) ဒုတိယညွန်ကြားရေးမှူးချုပ်များ၊ ညွှန်ကြားရေးမှူးများ၊  ဒုတိယညွှန်ကြားရေးမှူးများ၊ ကထိက များနှင့် သင်တန်းသား/သင်တန်းသူ ( ၂၄၂ )ဦး တက်ရောက်ခဲ့ကြပါသည်။

၃။ အခမ်းအနားတွင်  ပြည်ထောင်စုစာရင်းစစ်ချုပ်  ဦးမော်သန်းက  အောက်ပါအချက်များကို  လမ်းညွှန်မှာကြားခဲ့ပါသည်-

• နိုင်ငံတော်အဖွဲ့အစည်းများမှ ဝန်ထမ်းများကို အခြေခံအဆင့်၊ အလယ်အလတ်အဆင့် နှင့် အဆင့်မြင့်စာရင်းကိုင်နှင့် ရုံးလုပ်ငန်းကျွမ်းကျင်မှုသင်တန်းဆိုပြီး အဆင့်(၃)ဆင့်ခွဲခြား ကာ လေ့ကျင့်သင်ကြားပေးခဲ့ကြောင်း
• နိုင်ငံတော်ကြီးအား စနစ်သစ်ဖြင့် ခေတ်မီဖွံ့ဖြိုး တိုးတက်သော နိုင်ငံတော်သစ်အဖြစ် တည်ဆောက်တဲ့နေရာမှာ ဝန်ထမ်းအသီးသီးဟာ ပြည်သူလူထုအကျိုးစီးပွားကို ယခင်က ထက် ပိုမိုကာကွယ်စောင့်ရှောက်ပေးရမှာဖြစ်ကြောင်း
• ကထိကတွေကလည်း တကယ်နားလည်တတ်ကျွမ်းပြီး အရည်အချင်းပြည့်ဝတဲ့ သူတွေ ပေါ်ထွက်လာရန်ဆိုတဲ့ ရည်ရွယ်ချက်တွေထားရှိပြီး သင်ကြားပေးခဲ့တာ ဖြစ်ကြောင်း
• သင်တန်းမှာသင်ကြားပေးလိုက်တဲ့ ဘာသာရပ်အားလုံးဟာ သင်တန်းသူ/သားများ သိသင့်သိထိုက်၊ ကျွမ်းကျင်သင့်ကျွမ်းကျင်ထိုက်တဲ့ အခြေအနေအရပ်ရပ်ကို ခြုံငုံမိအာင် လေ့ကျင့်သင်ကြားပေးခဲ့ခြင်းဖြစ်ကြောင်း
• မိမိအလုပ်ကို ကျွမ်းကျင်အောင်မြင်စွာလုပ်ကိုင်နိုင်ခြင်းအားဖြင့် မိမိမှာအကျိုးရှိသလို မိမိတို့ရဲ့အဖွဲ့အစည်း၊ မိမိတို့ရဲ့နိုင်ငံမှာလည်းအကျိုးရှိပြီး သင်ကြားပို့ချပေးလိုက်တဲ့ ကထိကများ၏ စေတနာကိုလည်း အလေးထားရာရောက်ပါကြောင်း၊  
• လုပ်ငန်းဆောင်ရွက်ရာမှာ စာရင်းများကို စည်းမျဉ်းစည်းကမ်းနဲ့အညီ အမှားအယွင်း မရှိ ရေးဆွဲနိုင်ပြီး မမှန်မကန်မှု၊ လေလွင့်ဆုံးရှုံးမှုတွေမဖြစ်အောင် လုပ်ဆောင်ကြပါလို့ မှာကြားလိုကြောင်း
• နိဂုံးချုပ်အနေနဲ့ သင်တန်းသူ/သားများ အားလုံး စာမေးပွဲကို အဆင့်ကောင်းကောင်းဖြင့် အောင်မြင်၍ မိမိတို့သင်ကြားခဲ့သည့် ပညာရပ်များ နဲ့ နိုင်ငံတော်နှင့်ပြည်သူများ၏ အကျိုးကို ဆထက်ထမ်းပိုး တိုး၍ ဖြည့်ဆည်းဆောင်ရွက်ပေးနိုင်တဲ့ ဝန်ထမ်းကောင်းများ ဖြစ်ကြစေလိုကြောင်း

၄။ သင်တန်းဆင်းပွဲအခမ်းအနားကို နံနက် ၁၀း၃၀ နာရီတွင် ရုပ်သိမ်းခဲ့ပါသည်။

၁။၂၀၁၆ ခုနှစ်၊ ဇူလိုင်လ (၁၂) ရက်နေ့ နေ့လည် ၁၃း၃၀ နာရီ ၌ ပြည်ထောင်စုစာရင်းစစ်ချုပ်ရုံး၊ စုပေါင်းခန်းမတွင် အခြေခံစာရင်းကိုင်နှင့်ရုံးလုပ်ငန်း ကျွမ်းကျင်မှု အမှတ်စဉ်(၂၂၆)သင်တန်း  သင်တန်းဖွင့်ပွဲ အခမ်းအနားကျင်းပခဲ့ရာ ပြည်ထောင်စုစာရင်းစစ်ချုပ် တက်ရောက်၍ သင်တန်းဖွင့် လမ်းညွှန်အမှာစကား ပြောကြားခဲ့ပါသည်။

၂။အဆိုပါအခမ်းအနားသို့ အမြဲတမ်းအတွင်းဝန်၊ ဒုတိယညွှန်ကြားရေးမှူးချုပ်များ၊ ညွှန်ကြားရေး မှူးများ၊ ဒုတိယညွှန်ကြားရေးမှူးများ၊ ကထိကများနှင့် သင်တန်းသား/သင်တန်းသူ (၁၄၄) ဦး တက်ရောက်ခဲ့ကြပါသည်။

၃။အခမ်းအနားတွင် ပြည်ထောင်စုစာရင်းစစ်ချုပ်က လမ်းညွှန်အမှာစကား ပြောကြားရာတွင်-

• ယနေ့ဖွင့်လှစ်သောသင်တန်းတွင် နိုင်ငံ့ဝန်ထမ်းများဖြစ်သည့်ဌာနအသီးသီးမှ စာရင်း တာဝန်ယူသူ၊ ပစ္စည်းတာဝန်ယူသူများ တတ်သင့်တတ်ထိုက်တဲ့စာရင်းဆိုင်ရာပညာရပ် များကိုသင်ကြားပို့ချပေးမည်ဖြစ်ကြောင်း၊
• ပို့ချမည့်ဘာသာရပ်များမှာ ဝန်ထမ်းတိုင်းသိထားသင့်သည့် ဝန်ထမ်းနှင့်သက်ဆိုင် သော စည်းမျဉ်းစည်းကမ်းများ၊ ဘဏ္ဍာငွေအရအသုံးနှင့်ဆိုင်သော စည်းမျဉ်း စည်ကမ်းများနှင့် စာရင်းဆိုင်ရာပညာရပ်များဖြစ်ကြောင်း၊ -      
• သင်တန်းကာလအတွင်း မိမိတို့အတွက်၊မိမိဌာနအတွက် အကျိုးရှိအောင်ပို့ချသော သင်ခန်းစာများကို ဂရုတစိုက်လေ့လာမှတ်သားကြရန်နှင့် စိတ်ပါဝင်စားစွာလေ့လာ သင်ယူမှသာပို့ချသည့်ဘာသာရပ်ကို သဘောပေါက်မှာဖြစ်ကြောင်း၊ ကြိုးစားမှသာ စာမေးပွဲဖြေဆိုနိုင်မှာ ဖြစ်၍မဆုတ်မနစ်သောဇွဲနှင့် ကြိုးစားကြစေလိုကြောင်း၊
• သင်တန်းကို ဘယ်လိုရည်ရွယ်ချက်နဲ့တက်တက် သင်ကြားပို့ချတဲ့ပညာရပ်ကို ဌာန အတွက် အကျိုးရှိစွာအသုံးချနိုင်ရန် အမှန်တကယ်တတ်မြောက်ဖို့လိုအပ်ကြောင်းနှင့် သင်တန်းစာမေးပွဲကို သင်တန်းဆင်းအရည်အချင်းသတ်မှတ်ချက် အဆင့်ဖြင့် ထုတ်ပြန်ပြီး သက်ဆိုင်ရာဝန်ကြီးဌာနများသို့ ပေးပို့သွားမှာဖြစ်ကြောင်း၊
• သင်တန်းစာမေးပွဲကို တစ်ကြိမ်သာဖြေဆိုခွင့်ရှိသဖြင့် အခွင့်အရေးရရှိခိုက်ကြိုးစား ကြရန်နှင့် နိုင်ငံ့ဝန်ထမ်းများဖြစ်သည်နှင့်အညီ စောင့်ထိန်းလိုက်နာရမည့်ကျင့်ဝတ် စည်းကမ်းများကို အလေးထားလိုက်နာစောင့်ထိန်းရန် လိုအပ်ကြောင်း လမ်းညွှန် မှာကြားခဲ့ပါသည်။

၄။သင်တန်းဖွင့်ပွဲအခမ်းအနားကို နေ့လည် ၁၄း၀၀ နာရီတွင် ရုပ်သိမ်းခဲ့ပါသည်။