News and Activities
၁။ ၂၀၁၇ ခုနှစ်၊ ဖေဖော်ဝါရီလ ( ၁ ) ရက် နံနက် ၀၉း၀၀ နာရီတွင် ပြည်ထောင်စုစာရင်းစစ်ချုပ်ရုံး၊ အစည်းအဝေးခန်းမ၌ ၂၀၁၇-၂၀၁၈ ပညာသင်နှစ် ဒီပလိုမာစာရင်းကိုင် (ပထမပိုင်း) သင်တန်းဖွင့်ပွဲ အခမ်းအနား ကျင်းပရာ မြန်မာနိုင်ငံ စာရင်းကောင်စီဥက္ကဋ္ဌ၊ ပြည်ထောင်စုစာရင်းစစ်ချုပ် တက်ရောက်၍ သင်တန်းဖွင့် အမှာစကား ပြောကြားခဲ့ပါသည်။
၁။ ၂၀၁၇ခုနှစ်၊ ဇန်နဝါရီလ (၃၁)ရက်နေ့ မွန်းလွဲ(၂း၀၀)နာရီတွင် ပြည်ထောင်စု စာရင်းစစ်ချုပ်ရုံး စုပေါင်းခန်းမ၌ အခြေခံစာရင်းကိုင်နှင့် ရုံးလုပ်ငန်းကျွမ်းကျင်မှုု အမှတ်စဉ် (၂၂၇) သင်တန်းဆင်းပွဲ အခမ်းအနား ကျင်းပခဲ့ရာ ပြည်ထောင်စု စာရင်းစစ်ချုပ် တက်ရောက်၍ သင်တန်းဆင်းလမ်းညွှန် အမှာစကားပြော ကြားခဲ့ပါသည်။
၁။ ရေနံနှင့်သဘာဝဓာတ်ငွေ့ကဏ္ဍစာရင်းစစ်ဆေးရာတွင် အထောက်အကူဖြစ်စေရန်အတွက် ထုတ်လုပ်မှု အပေါ် ခွဲဝေခံစားသည့် သဘောတူစာချုပ်ဆိုင်ရာ အလုပ်ရုံဆွေးနွေးပွဲ (Workshop on Production Sharing Contract-PSC) ကို ပြည်ထောင်စုစာရင်းစစ်ချုပ်ရုံး၊ နေပြည်တော်၌ ၂၀၁၇ခုနှစ်၊ ဇန်နဝါရီလ (၁၆) ရက်နေ့မှ (၂၀) ရက်နေ့အထိ ကျင်းပပြုလုပ်ခဲ့ပါသည်။
၁။ ပြည်ထောင်စု စာရင်းစစ်ချုပ် ဦးမော်သန်းသည် Institute of Singapore Chartered Accountants (ISCA) ဥက္ကဌဖြစ်သူ Mr. Gerard Ee ဦးဆောင်သော ကိုယ်စားလှယ် အဖွဲ့အား ၂၀၁၇ ခုနှစ် ဇန်နဝါရီလ ၆ ရက်နေ့ နေ့လယ် ၁:၀၀ နာရီ တွင် နေပြည်တော်ရှိ ပြည်ထောင်စု စာရင်းစစ်ချုပ်ရုံး ဧည့်ခန်းမ၌ လက်ခံတွေ့ဆုံခဲ့ ပါသည်။
ဤရုံး ဝန်ထမ်းများ၏ အင်္ဂလိပ်စာ အရည်အသွေး တိုးတက်လာစေရေးအတွက် GIZ အထောက်အပံ့ဖြင့် အင်္ဂလိပ် ဘာသာစကား သင်တန်းကို Initial Assessment Test Result အရသင်တန်းသား (၈၄) ဦး ကို Level(၃)ခု ခွဲ၍ ၅-၉-၂၀၁၆ ရက်နေ့မှ ၂၉-၁၁-၂၀၁၆ရက်နေ့ အထိ ဖွင့်လှစ်သင်ကြားခဲ့ပါသည်။
သင်တန်း ပြီးမြောက်ကြောင်း လက်မှတ်ပေးအပ်သည့် အခမ်းအနားကို ၂၀-၁၂-၂၀၁၆ ရက်နေ့တွင် ဤရုံး၌ ကျင်းပခဲ့ပြီး GIZ၏ Head of Component ဖြစ်သူ Mr.AnthonyDeary မှ သင်တန်းသားများအား သင်တန်း ပြီးမြောက်ကြောင်း လက်မှတ်များ ပေးအပ်ချီးမြှင့်ခဲ့ပါသည်။
၁။ ပြည်ထောင်စု စာရင်းစစ်ချုပ် ဦးမော်သန်းသည် GIZ မှ Mr. Anthony Deary ဦးဆောင်သော အဖွဲ့အား ၂၀၁၆ ခုနှစ်၊ ဒီဇင်ဘာလ ၂၀ ရက် နေ့ နံနက် ၁၀:၄၅ နာရီတွင် နေပြည်တော်ရှိ ပြည်ထောင်စု စာရင်းစစ်ချုပ်ရုံး ဧည့်ခန်းမ၌ လက်ခံတွေ့ဆုံခဲ့ ပါသည်။
၂။ ထိုသို့ တွေ့ဆုံရာတွင် မြန်မာနိုင်ငံ၏ ငွေရေးကြေးရေးနှင့် ဘဏ်လုပ်ငန်းကဏ္ဍတွင် IFRS နှင့် ISA တို့ကို အကောင်အထည်ဖော် လိုက်နာဆောင်ရွက်ရေး ကိစ္စရပ်များ၊ BFRIC Committee ဥက္ကဋ္ဌကို အစားထိုး ဖွဲ့စည်းရန် ကိစ္စနှင့် နောင်အနာဂတ် ကာလများတွင် GIZ မှ ပံ့ပိုးမှု ပေးနိုင်မည့် ကိစ္စရပ်များနှင့် စပ်လျဉ်း၍ ဆွေးနွေးခဲ့ ကြပါသည်။
၁။ ပြည်ထောင်စု စာရင်းစစ်ချုပ် ဦးမော်သန်းသည် KPMG in Hong Kong မှ Chief Operating Officer ဖြစ်သူ Mr. Geoff Wilson ဦးဆောင်သော KPMG ကိုယ်စားလှယ်အဖွဲ့အား ၂၀၁၆ ခုနှစ် ဒီဇင်ဘာလ ၁၆ ရက်နေ့ နေ့လယ် ၁း၃၀ နာရီ တွင် နေပြည်တော်ရှိ ပြည်ထောင်စု စာရင်းစစ်ချုပ်ရုံး ဧည့်ခန်းမ၌ လက်ခံတွေ့ဆုံခဲ့ပါသည်။