ပြည်ထောင်စု စာရင်းစစ်ချုပ်ရုံး၏ စာရင်းစစ်ဆေးခြင်းလုပ်ငန်းများ ထိရောက်စွာ ဆောင်ရွက်နိုင်ရန် နော်ဝေနိုင်ငံ စာရင်းစစ်ချုပ်ရုံးနှင့် ပူးပေါင်း၍ Petroleum ကဏ္ဍ စာရင်းစစ်ဆေးခြင်းဆိုင်ရာ အလုပ်ရုံဆွေးနွေးပွဲကို ပြည်ထောင်စုစာရင်းစစ်ချုပ်ရုံး၊ နေပြည်တော်၌ ၂၀၁၆ ခုနှစ် စက်တင်ဘာလ ၂၆ ရက်နေ့မှ ၂၉ ရက်နေ့အထိ ကျင်းပပြုလုပ်ခဲ့ပါသည်။
အလုပ်ရုံဆွေးနွေးပွဲတွင် နော်ဝေစာရင်းစစ်ချုပ်ရုံး၏ Resources Persons များက Petroleum Sector Value Chains (၇)ဆင့်ဖြစ်သည့် ဥပဒေမူဘောင်၊ Survey ကောက်ယူခြင်း နှင့် သတင်းအချက်အလက်များစီမံခန့်ခွဲခြင်း၊ လုပ်ငန်းသဘောတူစာချုပ်ချုပ်ဆိုခြင်း နှင့် လိုင်စင်ခွင့်ပြုခြင်း၊ လုပ်ငန်းကို စောင့်ကြည့်စစ်ဆေးခြင်း၊ အခွန်ကောက်ခံခြင်း၊ အခွန်စီမံခန့်ခွဲခြင်းနှင့် ခွဲဝေသုံးစွဲခြင်း၊ မူဝါဒများစဉ်ဆက်မပြတ် ဖွံ့ဖြိုးတိုးတက်နေစေရေးအတွက် အကောင် အထည် ဖော် ဆောင်ရွက်ခြင်းများအကြောင်း၊ ရေနံတူးဖော်ထုတ်လုပ်ခြင်းလုပ်ငန်းမှ ဝင်ငွေကောက်ခံမှုနည်း စနစ်၊ ရေနံနှင့်သဘာဝဓာတ်ငွေ့ကဏ္ဍတွင် အဓိက ပါဝင်ပတ်သက်သူ (Stakeholder)များ၏ အခန်း ကဏ္ဍနှင့်တာဝန်ရှိမှုများ၊ ထုတ်လုပ်မှုအပေါ် ခွဲဝေခံစားသည့် သဘောတူစာချုပ်ဆိုင်ရာ ကိစ္စရပ်များ၊ အန္တရာယ် နယ်ပယ်ဆိုင်ရာ ဆန်းစစ်မှုစသည့် အကြောင်းအရာများကို ဆွေးနွေးခဲ့ကြပါသည်။
အလုပ်ရုံဆွေးနွေးပွဲ ကျင်းပခြင်းအားဖြင့် Risk-Based Approach ဖြင့် စစ်ဆေးဆောင်ရွက် ရာတွင် ပို၍အလေးဂရုပြုရမည့် နယ်ပယ်များ၊ လုပ်ဆောင်ချက်များ၊ Audit Tools အဖြစ် အသုံး ပြုနိုင်မည့် သတင်းရင်းမြစ်များကို သိရှိလာရပြီး လက်တွေ့စစ်ဆေးရာတွင် အထောက်အကူ ဖြစ် စေပါသည်။ အလုပ်ရုံ ဆွေးနွေးပွဲသို့ ပြည်ထောင်စု စာရင်းစစ်ချုပ်ရုံး နှင့် နေပြည်တော်စာရင်းစစ်ရုံးတို့မှ အရာထမ်း၊ အမှုထမ်း စုစုပေါင်း(၄၁)ဦး တက်ရောက်ခဲ့ပြီး နော်ဝေနိုင်ငံ စာရင်းစစ်ချုပ်ရုံး၏ Resources Persons များနှင့် လုပ်ငန်းအတွေ့အကြုံများ၊ ဗဟုသုတများ အပြန်အလှန် ဖလှယ်ခြင်း၊ မေးခွန်းများ မေးမြန်း/ ဖြေကြားခြင်း နှင့် ဆွေးနွေးခြင်းများ ပြုလုပ်ခဲ့ကြပါသည်။ နည်းပညာများ မျှဝေပေးခဲ့သည့် နော်ဝေစာရင်းစစ်ချုပ်ရုံး၏ Resources Persons များအား စစ်ဆေးရေး ဦးစီးဌာန ညွှန်ကြားရေးမှူးချုပ်က ဂုဏ်ပြုလက်ဆောင်များ ပေးအပ်ကာ ၂၉-၉-၂၀၁၆ ရက် နေ့တွင် အလုပ်ရုံ ဆွေးနွေးပွဲ အောင်မြင်စွာ ပြီးမြောက်ခဲ့ပါသည်။