၂၀၁၉ ခုနှစ်၊ အောက်တိုဘာလ (၃၁) ရက်နေ့၊ နံနက် ၉:၃၀ နာရီတွင် ပြည်ထောင်စုစာရင်းစစ်ချုပ်၊ ဦးမော်သန်းသည် နိုင်ငံတကာစိုက်ပျိုးရေးဖွံ့ဖြိုးမှု ရန်ပုံငွေအဖွဲ့ (IFAD) မှ Regional Finance Officer ဖြစ်သူ Mr. Alvaro Fernandez ဦးဆောင်သော ကိုယ်စားလှယ်အဖွဲ့အား ပြည်ထောင်စုစာရင်းစစ်ချုပ်ရုံး၊ ဧည့်ခန်းမ၌ လက်ခံတွေ့ဆုံခဲ့ ပါသည်။
ထိုသို့တွေ့ဆုံရာတွင် မြန်မာနိုင်ငံရှိ IFAD စီမံကိန်းများစစ်ဆေးခြင်းတွင် လိုက်နာကျင့်သုံးရမည့် နောက်ဆုံးရေးဆွဲထားသော IFAD Guidelines နှင့် TOR တို့နှင့်ပတ်သက်သည့် ဗဟုသုတများနှင့်စပ်လျဉ်း၍လည်းကောင်း၊ စစ်ဆေးချက်အစီရင်ခံစာ ထုတ်ပြန်ရာတွင် အများပြည်သူသို့ ထုတ်ဖော်ပြမှုဆိုင်ရာ မူဝါဒများနှင့်စပ်လျဉ်း၍လည်းကောင်း ဆွေးနွေးခဲ့ကြပါသည်။ ထို့ပြင် ဗီယက်နမ်နိုင်ငံနှင့် မြန်မာနိုင်ငံအကြား စာရင်းကိုင်မူဝါဒနှင့်စစ်ဆေးရေးနည်းလမ်းများတွင် ကွဲပြားမှုများ၊ စိုက်ပျိုးရေး၊ မွေးမြူရေး နှင့် ဆည်မြောင်းဝန်ကြီးဌာနမှ အကောင်အထည်ဖော်ဆောင်ရွက်နေသည့် FARM Project အတွက် သင့်တော် မည့် Accounting Software တစ်ခု စတင်ရေးဆွဲရေးကိစ္စနှင့် စီမံကိန်းအသုံးစရိတ်များ ပွင့်လင်းမြင်သာစွာ ထုတ်ပြန်နိုင်ရေးကိစ္စ စသည်တို့နှင့်စပ်လျဉ်း၍ အတွေ့အကြုံ၊ ဗဟုသုတများ ဖလှယ်ဆွေးနွေးခဲ့ကြပါ သည်။
အစည်းအဝေးသို့ ညွှန်ကြားရေးမှူးချုပ်(စစ်ဆေးရေး) နှင့် တာဝန်ရှိသူများတက်ရောက်ခဲ့ကြပါသည်။