၁။ နော်ဝေနိုင်ငံစာရင်းစစ်ချုပ်ရုံး (OAGN) မှ Experts များဖြစ်ကြသည့် Mr. Anders Pilskog နှင့် Ms. Ann-Kristrin Nymo တို့မှဦးဆောင်၍ ပြည်ထောင်စုစာရင်းစစ်ချုပ်ရုံးမှ Extractive Industry (EI) Sectorကို Compliance Audit ဆောင်ရွက်မည့်အဖွဲ့နှင့် ၂၀၁၉ ခုနှစ်၊ ဇွန်လ ၁၃ ရက်နေ့မှ ၂၁ ရက်နေ့ထိ နေပြည်တော်ရှိ ပြည်ထောင်စုစာရင်းစစ်ချုပ်ရုံး၊ အစည်းအဝေးခန်းမ၌အလုပ်ရုံဆွေးနွေးပွဲ ကျင်းပပြုလုပ်ခဲ့ပါသည်။
၂။ အလုပ်ရုံဆွေးနွေးပွဲ၌ Mining နှင့် Oil & Gas တို့ကိုဆောင်ရွက်မည့် Compliance Audit ၏ Planning Phase တွင်စာရင်းစစ်အဖွဲ့များက ရေးဆွဲထားသော Audit Plan ၊ သတ်မှတ်ထားသော Subject Matter ၊ Audit Objective ၊ Audit Criteria နှင့် Risk တို့ကို Expertများကသုံးသပ်အကြံပြုခြင်း၊ Planning Phase အပြီးသတ်ရန်အတွက် Group-Work ဆောင်ရွက်ခြင်း၊ Oil & Gas ကုမ္ပဏီများတွင် စီမံကိန်းကုန်ကျစရိတ်ကို ပိုမိုဖော်ပြသည့်အတွက် ဆက်စပ်ရရှိမည့်ဝင်ငွေလျော့နည်းမှု များကိုစစ်ဆေးတွေ့ရှိခဲ့သည့် ပီရူးစာရင်းစစ်ချုပ်ရုံးနှင့် ကင်ညာစာရင်းစစ်ချုပ်ရုံးတို့၏ Case Study များကို ရှင်းလင်းတင်ပြခြင်း၊ သတ္တုကဏ္ဍဆိုင်ရာခိုင်ကြေးများ၊ အခြားသတ္တုကဏ္ဍဆိုင်ရာ အထူးအခွန်များနှင့်စပ်လျဉ်း၍ ဩစတြေးလျနိုင်ငံ၏ လိုက်နာဆောင်ရွက်ရသည့် လမ်းညွှန်ချက်များ၊ Execution Phase တွင် စာရင်းစစ်အဖွဲ့က ဆောင်ရွက်ရမည့်လုပ်ငန်းများ၊ CA Handbook တွင် ထည့်သွင်းရေးသား မည့် Execution phase နှင့်စပ်လျဉ်းသည့် အချက်အလက်များအတွက် Presentations များပြုလုပ်ပေးခြင်းစသည့်တို့ကို ဆောင်ရွက်ခဲ့ပါသည်။
၃။ အလုပ်ရုံဆွေးနွေးပွဲကျင်းပခြင်းအားဖြင့် တက်ရောက်သူများအား Compliance Audit ၏ Planning Phase တွင်ပြည့်စုံအောင်ဆောင်ရွက်ရမည့်အချက်များ၊ အခြားစာရင်းစစ်ချုပ်ရုံးများ၏ EI Sector စစ်ဆေးမှုအတွေ့အကြုံများနှင့် Fieldwork တွင်ထိရောက်စွာစစ်ဆေးနိုင်ရန်ဆောင်ရွက်ရမည့် လုပ်ထုံးလုပ်နည်းများစသည်တို့နှင့်စပ်လျဉ်း၍ အသိပညာဗဟုသုတများရရှိစေပါသည်။
၄။ အဆိုပါ အလုပ်ရုံဆွေးနွေးပွဲသို့ ပြည်ထောင်စုစာရင်းစစ်ချုပ်ရုံးမှ ဒုတိယညွှန်ကြားရေးမှူးချုပ် (၂) ဦး (စစ်ဆေးရေး) နှင့် Compliance Audit Team တွင်ပါဝင်ဆောင်ရွက်မည့်တာဝန်ရှိသူများ စုစုပေါင်း (၂၅)ဦး တက်ရောက်ခဲ့ပါသည်။
၅။ အလုပ်ရုံဆွေးနွေးပွဲနောက်ဆုံးရက်တွင် ပြည်ထောင်စုစာရင်းစစ်ချုပ်ရုံးမှ အမြဲတမ်းအတွင်းဝန်နှင့် ညွှန်ကြားရေးမှူးချုပ် (စစ်ဆေးရေး)တို့ထံ နော်ဝေနိုင်ငံစာရင်းစစ်ချုပ်ရုံးမှ Experts များကလာရောက် တွေ့ဆုံခဲ့ပြီး Compliance Audit ဆောင်ရွက်မည့် EI Sector ၏ ဧရိယာ(၂)ခုအတွက် Audit Program ရေးဆွဲခြင်း၊ Experts များနှင့် Skype Meeting ဆောင်ရွက်ခြင်း၊ Field Work နှင့် Reporting အတွက် Workshop များကျင်းပခြင်း၊ ရှေ့ကာလဆက်လက်ဆောင်ရွက်မည့်ကိစ္စရပ်များကို ဆွေးနွေးခဲ့ကြပါသည်။