ပြည်ထောင်စုစာရင်းစစ်ချုပ်ဉီးမော်သန်းသည် နော်ဝေနိုင်ငံစာရင်းစစ်ချုပ်ရုံးမှ Director General ဖြစ်သူ Ms. Tora Jarlsbyအား ၂၀၁၉ ခုနှစ်၊ မေလ ၂၄ ရက်နေ့၊ နံနက် ၉:၄၅ နာရီတွင် နေပြည်တော်ရှိ ပြည်ထောင်စုစာရင်းစစ်ချုပ်ရုံး၊ ဧည့်ခန်းမ၌ လက်ခံတွေ့ဆုံခဲ့ပါသည်။
ထိုသို့တွေ့ဆုံရာတွင် ဤရုံး၏ ဥပဒေမူဘောင်ကို EU Expertများက နိုင်ငံတကာစံများနှင့် နှိုင်းယှဉ်၍ ဆောင်ရွက်ပေးထားသော GAP Analysis ဆိုင်ရာကိစ္စ၊ ဝန်ထမ်းခန့်အပ်မှုနှင့် ဘတ်ဂျက်ဆိုင်ရာကိစ္စ၊ စာရင်းစစ်အစီရင်ခံစာကို လွှတ်တော်သို့တင်ပြမှု၊ ပွင့်လင်းမြင်သာမှုဆိုင်ရာကိစ္စနှင့် Data Analysis အတွက် နော်ဝေစာရင်းစစ်ချုပ်ရုံးက အကူအညီပေးမည့် ကိစ္စရပ်များအားဆွေးနွေးကြခဲ့ ပါသည်။
အဆိုပါတွေ့ဆုံပွဲသို့ ပြည်ထောင်စုစာရင်းစစ်ချုပ်ရုံးမှ အမြဲတမ်းအတွင်းဝန်၊ ညွှန်ကြားရေးမှုးချုပ် (စစ်ဆေးရေး)နှင့် တာဝန်ရှိသူများ တက်ရောက်ခဲ့ကြပါသည်။
အမြဲတမ်းအတွင်းဝန်ဉီးဆောင်သော စီမံခန့်ခွဲရေးပိုင်းမှ တာဝန်ရှိသူများနှင့် Ms. Tora Jarlsby တို့သည် နံနက် ၁၀:၃၀ နာရီမှ ၁၂:၀၀ နာရီအထိ တစ်ကြိမ်၊ နေ့လယ် ၁:၃၀ နာရီမှ ၃:၀၀ နာရီအထိ တစ်ကြိမ် ဤရုံး အစည်းအဝေးခန်း၌ တွေ့ဆုံခဲ့ကြရာတွင် Ms. Tora Jarlsbyက နော်ဝေနိုင်ငံစာရင်းစစ်ချုပ်ရုံး၏ ဖွဲ့စည်းပုံဆိုင်ရာပြောင်းလဲမှုများ၊ စစ်ဆေးရေးနည်းလမ်းသစ်များ၊ ဆောင်ရွက်နေသည့်အစီအစဉ်များနှင့် ခေတ်မီပြောင်းလဲတိုးတက်နေမှုများနှင့်စပ်လျဉ်းသော အတွေ့အကြုံများကိုမျှဝေပြီး ပြည်ထောင်စုစာရင်းစစ်ချုပ်ရုံး၏ ဥပဒေဆိုင်ရာမူဘောင်၊ ဖွဲ့စည်းပုံနှင့် စစ်ဆေးရေးစွမ်းဆောင်ရည်တိုးတက်မြင့်မား စေရေးတို့အတွက်ပြောင်းလဲရေးလုပ်ငန်းစဉ်များနှင့် တွေ့ကြုံရမည့်စိန်ခေါ်မှုများကိုဆွေးနွေးခဲ့ကြ ပါသည်။