၁။ ၂၀၁၃ ခုနှစ်၊ဇူလိုင်လ(၁၂)ရက် နံနက် ၁၀း၀၀ နာရီတွင် ပြည်ထောင်စုစာရင်းစစ်ချုပ်ရုံး၊ အစည်းအဝေး ခန်းမ၌ စာရင်းစစ်မှူးများလုပ်ငန်းခွင်ကျွမ်းကျင်မှုသင်တန်း အမှတ်စဉ်(၂၇) သင်တန်းဆင်းပွဲအခမ်းအနား ကျင်းပခဲ့ရာ ပြည်ထောင်စုစာရင်းစစ်ချုပ် ဦးသိန်းထိုက် တက်ရောက်၍ သင်တန်းဆင်းလမ်းညွှန်အမှာစကား ပြောကြားခဲ့ပါသည်။
၂။ အဆိုပါ အခမ်းအနားသို့ ဒုတိယစာရင်းစစ်ချုပ်၊ ညွန်ကြားရေးမှူးချုပ်၊ ဒုတိယညွန်ကြားရေးမှူးချုပ်များ၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ ကထိကများနှင့် သင်တန်းသား/သင်တန်းသူ(၁၀၈)ဦး တက်ရောက်ကြပါသည်။
၃။ အခမ်းအနားတွင် ပြည်ထောင်စုစာရင်းစစ်ချုပ် ဦးသိန်းထိုက် က အောက်ပါအချက်များကို လမ်းညွှန် မှာကြားခဲ့ပါသည်-
- ဤရုံး၏ Capacity Building ကိုမြှင့်တင်ရန်အတွက် သင်တန်းများဖွင့်လှစ်ပေးနေခြင်းသည် ကောင်းမွန်သော အစဉ်အလာဖြစ်ကြောင်း၊ သင်တန်းသားများအား ယခုကဲ့သို့ သင်တန်းများ ဖွင့်လှစ်ပြီး အရောင်တင်ပေးခြင်းဖြစ်ကြောင်း၊ စာရင်းပညာကို စိတ်ဝင်စားပြီး မိမိကိုယ်ကို Advance ဖြစ်အောင် အပတ်တကုတ်စဉ်ဆက်မပြတ်လေ့လာဆည်းပူးကြရန်လိုကြောင်း ၊ သင်ပေးလိုက်သည့် ပညာရပ်များနှင့် စစ်ဆေးရေးလုပ်ငန်းများကို ထိရောက်အကျိုးရှိစွာ အသုံးချရန် လိုအပ်ကြောင်း
- သင်တန်းမှသင်ကြားပို့ချမှုစာတွေ့များကို မိမိတို့လက်တွေ့လုပ်ငန်းခွင် အတွေ့အကြုံများနှင့် ပေါင်းစပ်၍ အသုံးချဆောင်ရွက်ရန်လိုကြောင်း မကြာမီကျင်းပမည့် စာမေးပွဲကိုလည်း ထူးချွန်စွာအောင်မြင်အောင် ကြိုးစားကြရန်ဖြစ်ကြောင်း
- စာရင်းများစစ်ဆေးရာတွင်လည်း စနစ်တကျမှန်မှန်ကန်ကန် တိတိကျကျ အကျိုးအကြောင်း ခိုင်လုံစွာ ၊အထောက်အထားပြည့်စုံစွာဖြင့် စစ်ဆေးဆောင်ရွက်ရန်လိုအပ်ပြီး မိမိ၏လုပ်ငန်း အပေါ်မှာ သစ္စာရှိမှု၊စေတနာထားမှုဖြင့်အောင်မြင်အောင် ဆောင်ရွက်ပေးရန်ဖြစ်ကြောင်း
- မိမိစစ်ဆေးရမည့်အဖွဲ့အစည်းများကို ကိုယ်ချင်းစာနာစိတ်ဖြင့် စေတနာထား၍ ဘဏ္ဍာရေး စည်းမျဉ်းများနှင့်မညီညွှတ်မှုများကို ပြင်သင့်တာပြင်ပေးရမည်ဖြစ်ကြောင်း၊ လက်တွေ့ လုပ်ငန်းခွင်တွင် လက်တွေ့ကျကျနှင့် ဆောင်ရွက်သင့်သည်များကိုဆောင်ရွက်ပြီး မိမိတာဝန် များကို စည်းမျဉ်းစည်းကမ်းများနှင့်အညီ ဆောင်ရွက်သွားရမည်ဖြစ်ကြောင်း
၄။ သင်တန်းဆင်းပွဲအခမ်းအနားကို နံနက် ၁၁း၃၀ နာရီတွင် ရုပ်သိမ်းခဲ့ပါသည်။