မန္တလေးတိုင်းဒေသကြီးရှိ ငလျင်ဒဏ်သင့် သပိတ်ကျင်း၊ စဉ့်ကူးနှင့် စဉ့်ကူးမြို့နယ် စာရင်းစစ်ရုံးများသို့ နိုဝင်ဘာ ၂၁ ရက် နှင့် ၂၂ ရက်တို့တွင် ပြည်ထောင်စုစာရင်းစစ်ချုပ် ဦးသိန်းထိုက်သည် သွားရောက်ကြည့်ရှုစစ်ဆေး၍ ဝန်ထမ်းများနှင့် တွေ့ဆုံအားပေးပြီး ထောက်ပံ့ငွေများ ပေးအပ်ခဲ့သည်။
နိုဝင်ဘာ ၂၂ ရက်တွင် တိုင်းဒေသကြီးအစိုးရအဖွဲ့ရုံးအစည်းအဝေးခန်းမ၌ တိုင်းဒေသကြီး စာရင်းစစ်ချုုပ်ရုံးနှင့် ခရိုင်/မြို့နယ်စာရင်းစစ်ရုံးများမှ ဝန်ထမ်းများနှင့် တွေ့ဆုံ၍ နိုင်ငံတော်၏ ဘဏ္ဍာရန်ပုံငွေ အရ/အသုံးစာရင်းများကို စစ်ဆေးရာ၌ ရသင့်ရထိုက်သည်များ မှန်မှန်ကန်ကန် ရရှိခြင်း ရှိ /မရှိ၊ သတ်မှတ်ထားသည့် စာရင်းအင်းထားသိုပုံနည်းစနစ်နှင့်အညီ ကျင့်သုံးခြင်းရှိ/ ရှိနှင့် လွဲမှားမှုများ မဖြစ်ပေါ်စေရေး အပြုသဘောဖြင့် ကူညီတည့်မတ်ပေးရန်၊ ပြည်သူလူထုကို အခြေပြုသည့် ဖွံ့ဖြိုးတိုးတက်ရေးများ ဆောင်ရွက်ရာတွင် ပြုမူဆက်ဆံပြောဆိုမှုမှစ၍ စာရင်းစစ ဂုဏ်သိက္ခာ၊ ကျင့်ဝတ်နှင့်အညီ ဆောင်ရွက်ကြပြီး တစ်ဦးချင်း အရည်အသွေး အရည်အချင်း ပိုမိုတိုးတက်လာစေရေး ကြိုးပမ်းဆောင်ရွက်ကြရန်တို့ကို ဆွေးနွေးမှာကြားခဲ့ကြောင်း သတင်းရရှိ သည်။