နော်ဝေနိုင်ငံစာရင်းစစ်ချုပ် မြန်မာနိုင်ငံသို့ လာရောက်လည်ပတ်

နော်ဝေနိုင်ငံစာရင်းစစ်ချုပ် မြန်မာနိုင်ငံသို့ လာရောက်လည်ပတ်

ပြည်ထောင်စုစာရင်းစစ်ချုပ်ရုံးနှင့် နော်ဝေနိုင်ငံစာရင်းစစ်ချုပ်ရုံးတို့အကြား လက်မှတ် ရေးထိုးထားသော နားလည်မှုစာချွန်လွှာအရ ပူးပေါင်းဆောင်ရွက်မှုများ၊ ရှေ့ဆက်လက် ဆောင်ရွက်မည့် အစီအစဉ်များနှင့်စပ်လျဉ်း၍ နှစ်နိုင်ငံစာရင်းစစ်ချုပ်ရုံးများအကြား အဆင့်မြင့် ပုဂ္ဂိုလ်များ တွေ့ဆုံဆွေးနွေးနိုင်ရန်အတွက် နော်ဝေနိုင်ငံစာရင်းစစ်ချုပ် Mr. Per-Kristian Foss နှင့် ဒုတိယညွှန်ကြားရေးမှူးချုပ် Mrs. Gry Anette Midtbo တို့သည် ၂၀၁၈ ခုနှစ် ဒီဇင်ဘာလ (၄) ရက်နေ့မှ (၆) ရက်နေ့အထိ မြန်မာနိုင်ငံသို့ လာရောက်ခဲ့ပါသည်။

ကိုယ်စားလှယ်အဖွဲ့သည် ဒီဇင်ဘာလ (၄) ရက်နေ့တွင် ရန်ကုန်မြို့သို့ရောက်ရှိပြီး နော်ေ၀ နိုင်ငံသံရုံးသို့ သွားရောက်လည်ပတ်ခဲ့ပါသည်။

ဒီဇင်ဘာလ (၅) ရက်နေ့တွင် နေပြည်တော်သို့ မြန်မာ့လေကြောင်းဖြင့်ရောက်ရှိပြီး စီမံကိန်းနှင့်ဘဏ္ဍာရေးဝန်ကြီးဌာနမှ ပြည်ထောင်စုဝန်ကြီး ဦးစိုးဝင်း ဦးဆောင်သောအဖွဲ့ဝင် များနှင့်တွေ့ဆုံ၍ မြန်မာနိုင်ငံ၏ ဘဏ္ဍာရေးဆိုင်ရာစည်းမျဉ်းများနှင့် ပြည်ထောင်စုစာရင်း စစ်ချုပ်ရုံးနှင့် စီမံကိန်းနှင့်ဘဏ္ဍာရေးဝန်ကြီးဌာနတို့အကြား ပူးပေါင်းဆောင်ရွက်ရေးတို့နှင့် စပ်လျဉ်း၍ သိလိုသည်များကို မေးမြန်းဆွေးနွေးခဲ့ပါသည်။

ဒီဇင်ဘာလ (၆)ရက်နေ့ နံနက်ပိုင်းတွင် ပြည်ထောင်စုစာရင်းစစ်ချုပ်နှင့်တွေ့ဆုံ၍ နှစ်နိုင်ငံ စာရင်းစစ်ချုပ်ရုံးတို့အကြား ပူးပေါင်းဆောင်ရွက်မှုများ၊ အတွေ့အကြုံများနှင့် ရှေ့ဆက်လက် ဆောင်ရွက်မည့်ကိစ္စရပ်များနှင့် စပ်လျဉ်း၍ ဆွေးနွေးခဲ့ကြပါသည်။

ထိုနေ့ နေ့လယ်ပိုင်းတွင် ပြည်ထောင်စုလွှတ်တော်သို့ သွားရောက်ခဲ့ပြီး ပြည်ထောင်စု လွှတ်တော် ဒုတိယနာယကနှင့် ပြည်သူ့ငွေစာရင်းပူးပေါင်းကော်မတီ ဥက္ကဋ္ဌ ဦးထွန်းထွန်းဟိန် ဦးဆောင်သောအဖွဲ့နှင့်တွေ့ဆုံ၍ နှစ်နိုင်ငံချစ်ကြည်ရင်းနှီးမှုနှင့် ပူးပေါင်းဆောင်ရွက်မှု တိုးမြှင့်သွားနိုင်ရေး၊ ပြည်သူ့ငွေစာရင်းပူးပေါင်းကော်မတီအနေဖြင့် ပြည်ထောင်စုစာရင်းစစ် ချုပ်ရုံး၏ စာရင်းစစ်အစီရင်ခံစာများနှင့်ပတ်သက်၍ ပူးပေါင်းဆောင်ရွက်လျက်ရှိသော ကိစ္စရပ်များနှင့်စပ်လျဉ်း၍ ဆွေးနွေးခဲ့ကြပါသည်။

ထို့နောက် နော်ဝေနိုင်ငံစာရင်းစစ်ချုပ် ဦးဆောင်သောကိုယ်စားလှယ်အဖွဲ့သည် ထိုနေ့ည ၈နာရီတွင် နေပြည်တော် အပြည်ပြည်ဆိုင်ရာလေဆိပ်မှ ပြန်လည်ထွက်ခွာသွားခဲ့ပါသည်။