၁။ ပြည်ထောင်စုစာရင်းစစ်ချုပ် ဦးမော်သန်းသည် PwC Myanmar Co., Ltd မှ Managing Director ဖြစ်သူ Mr. Ong Chao Choon ဦးဆောင်သောအဖွဲ့အား ၂၀၁၇ ခုနှစ် မေလ ၁၆ ရက်နေ့ နံနက် ၁၀း၀၀ နာရီ တွင် နေပြည်တော်ရှိ ပြည်ထောင်စုစာရင်းစစ်ချုပ်ရုံး ဧည့်ခန်းမ၌ လက်ခံ တွေ့ဆုံခဲ့ပါသည်။
၂။ ထိုသို့တွေ့ဆုံရာတွင် စာရင်းအတတ်ပညာရှင် ကဏ္ဍ ခေတ်မီဖွံ့ဖြိုးတိုးတက်စေရေး ၊ Non- accounting Services နှင့် Professional Services ဆိုင်ရာ လုပ်ငန်းများတွင် နိုင်ငံခြားသားများ၊ နိုင်ငံခြား ကုမ္ပဏီများ၊ နိုင်ငံခြား ရင်းနှီးမြှုပ်နှံသူများ ဝင်ရောက်လုပ်ကိုင်နိုင်ရေး နှင့် ကုမ္ပဏီမှတ်ပုံတင်ခြင်းဆိုင်ရာကိစ္စ ရပ်များ ကို ဆွေးနွေးခဲ့ကြပြီး မြန်မာနိုင်ငံစာရင်းကောင်စီဥပဒေနှင့် စပ်လျဉ်း၍ ၎င်းတို့၏အကြံပြုချက်များ နှင့် အတွေ့အကြုံများကို PwC Myanmar Co., Ltd က ဝေမျှပြောကြားခဲ့ပါသည်။
၃။ အဆိုပါတွေ့ဆုံဆွေးနွေးပွဲသို့ ပြည်ထောင်စု စာရင်းစစ်ချုပ်ရုံး မှ ညွှန်ကြားရေးမှူးချုပ် (စစ်ဆေးရေး) နှင့် တာဝန်ရှိသူများ၊ မြန်မာနိုင်ငံ လက်မှတ်ရပြည်သူ့စာရင်းကိုင်များအသင်းမှ ဒုတိယဥက္ကဌ နှင့် တာဝန်ရှိသူ များ တက်ရောက်ခဲ့ကြပါသည်။