၁။ ၂၀၁၇ခုနှစ်၊ ဇန်နဝါရီလ (၃၁)ရက်နေ့ မွန်းလွဲ(၂း၀၀)နာရီတွင် ပြည်ထောင်စု စာရင်းစစ်ချုပ်ရုံး စုပေါင်းခန်းမ၌ အခြေခံစာရင်းကိုင်နှင့် ရုံးလုပ်ငန်းကျွမ်းကျင်မှုု အမှတ်စဉ် (၂၂၇) သင်တန်းဆင်းပွဲ အခမ်းအနား ကျင်းပခဲ့ရာ ပြည်ထောင်စု စာရင်းစစ်ချုပ် တက်ရောက်၍ သင်တန်းဆင်းလမ်းညွှန် အမှာစကားပြော ကြားခဲ့ပါသည်။
၂။ အဆိုပါအခမ်းအနားသို့ ညွှန်ကြားရေးမှူးချုပ်(စစ်ဆေးရေးဦးစီးဌာန)၊ ဒုတိယ ညွှန်ကြားရေးမှူးချုပ်များ၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ ဤရုံး ကထိကများနှင့် သင်တန်းသူ/ သင်တန်းသား (၂၀၁)ဦး၊ လျှပ်စစ်နှင့် စွမ်းအင်ဝန်ကြီးဌာနမှ တာဝန်ရှိသူများနှင့် သင်တန်းသူ/သင်တန်းသား ( ၄၀ ) ဦးတို့ တက်ရောက်ခဲ့ပါသည်။
၃။ အခမ်းအနားတွင် ပြည်ထောင်စုစာရင်းစစ်ချုပ်မှ -
- ယခုဖွင့်လှစ်သော သင်တန်းအား (၁-၁၂-၂၀၁၆)ရက်နေ့မှ (၃၁-၁-၂၀၁၇)ရက်နေ့ထိ သင်တန်းကာလ (၂)လဖြင့် ဖွင့်လှစ်ခဲ့ပြီး သင်တန်းသူ/သင်တန်းသား (၂၀၁)ဦးနှင့် လျှပ်စစ်နှင့်စွမ်းအင်ဝန်ကြီးဌာန၌ သီးခြားသင်တန်းဖွင့်လှစ်ခွင့်ပြုပြီး တက်ရောက်ခဲ့သည့် သင်တန်းသူ/သား(၄၀)ဦး စုစုပေါင်း (၂၄၁)ဦး တက်ရောက်ပြီး စာမေးပွဲကို (၆-၂-၂၀၁၇) ရက်နေ့မှ (၁၀-၂-၂၀၁၇) ရက် နေ့ထိ ကျင်းပပြုလုပ်မည်ဖြစ်ကြောင်း
- အခမ်းအနားသို့တက်ရောက်လာသော သင်တန်းသား/သင်တန်းသူများအနေနဲ့ သင်တန်း ကို ပြီးဆုံးအောင်တက်ရောက်သလို စာကျက်ချင်စိတ်ဖြစ်ကြတဲ့အတွက်လည်း ဝမ်းမြောက် ဝမ်းသာ ဖြစ်မိကြောင်းနှင့် စာမေးပွဲ ကိုလည်း ကောင်းစွာ ဖြေဆိုနိုင်လိမ့်မည်ဟု မျှော်လင့်မိပါကြောင်း
- အခြေခံစာရင်းကိုင်ပညာရပ်ဟာ လိုအပ်တဲ့ပညာရပ်ဖြစ်ပြီး မိမိဌာနမှာ တာဝန်ထမ်းဆောင်တဲ့ အခါ သင်တန်းမှပို့ချပေးသော စာတွေ့ဗဟုသုတပညာများကို သက်ဆိုင်ရာကဏ္ဍအလိုက် လက်တွေ့အသုံးချနိုင်အောင် ကြိုးစားကြစေလိုကြောင်း
- သင်တန်းကို အချိန်ကုန်ငွေကုန်ခံပြီး လာရောက်တက်ကြရတာဖြစ်တဲ့အတွက် သင်ကြားပေး လိုက်တဲ့ ဘာသာရပ်များကို လက်တွေ့လုပ်ငန်းခွင်တွင် ဌာနအတွက်၊ နိုင်ငံ့အတွက် အကျိုးရှိ စွာ အသုံးချစေလိုကြောင်း
- သင်တန်းသားများစာမေးပွဲကို ထူးချွန်စွာအောင်မြင်ပြီးနောက် အဆင့်မြင့်အတန်းများဖြစ်တဲ့ အလယ်အလတ်အဆင့်၊ အဆင့်မြင့်စာရင်းကိုင်သင်တန်းများကို တက်ရောက်နိုင်ကြပြီး နိုင်ငံ့ ဝန်ထမ်းများဖြစ်တာနှင့်အညီ စောင့်ထိန်းရမယ့် ကျင့်ဝတ်စည်းကမ်းများကို လိုက်နာ စောင့်ထိန်းကြပြီး နိုင်ငံ့အကျိုး၊ပြည့်သူ့အကျိုးကို ဆထက်ထမ်းပိုး တိုးတက်ဆောင်ရွက်နိုင်သော ဝန်ထမ်းကောင်းများ ဖြစ်ကြစေလိုကြောင်း လမ်းညွှန်မှာကြားခဲ့ပါသည်။
၄။ အခမ်းအနားကို မွန်းလွဲ(၂း၃၀)နာရီတွင် ရုပ်သိမ်းခဲ့ပါသည်။