၁။ ၂၀၁၄ ခုနှစ်၊ အောက်တိုဘာလ(၃၁)ရက်နေ့ ညနေ ၁၆း၀၀နာရီ၌ ပြည်ထောင်စု စာရင်းစစ်ချုပ်ရုံး စုပေါင်းခန်းမတွင် လက်ထောက်ညွှန်ကြားရေးမှူး/ခရိုင်စာရင်းစစ် အရာရှိများ မွမ်းမံသင်တန်း (၁/၂၀၁၄) သင်တန်းဆင်းပွဲအခမ်းအနား ကျင်းပခဲ့ရာ ပြည်ထောင်စုစာရင်းစစ်ချုပ် (ကိုယ်စား) ဒုတိယစာရင်းစစ်ချုပ် ဦးမျိုးမြင့် တက်ရောက်၍ သင်တန်းဆင်းလမ်းညွှန်အမှာစကား ပြောကြားခဲ့ပါသည်။
၂။ အဆိုပါ အခမ်းအနားသို့ ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ ကထိကများနှင့် သင်တန်းသား/ သင်တန်းသူ (၁၇၅)ဦး တက်ရောက်ခဲ့ကြပါသည်။
၃။ အခမ်းအနားတွင် ဒုတိယစာရင်းစစ်ချုပ် ဦးမျိုးမြင့်က အောက်ပါအချက်များကို လမ်းညွှန် မှာကြားခဲ့ပါသည်-
- သင်တန်းကာလ(၅)ရက်အတွင်း ပြည်ထောင်စုစာရင်းစစ်ချုပ်ရုံးမှ ကထိကများ သင်ကြားပို့ချခဲ့ပါကြောင်း
- သင်တန်းမှ သိသင့်သိထိုက်သည်များ ရရှိသွားပြီဟု ယူဆကြောင်း
- စာရင်းစစ် စီမံခန့်ခွဲမှုအပိုင်းက စာရင်းစစ်ရုံးတစ်ရုံးလုံးကို တာဝန်ယူရကြောင်း၊ စာရင်း စစ်စီမံခန့်ခွဲရေးပိုင်းများနှင့်ပတ်သက်ပြီး ရှင်းလင်းစွာ သိရှိပြီဟု မှတ်ယူကြောင်း
- စစ်ဆေးရေးဆောင်ရွက်နေစဉ်နှင့် အစီရင်ခံစာများ ညှိနှိုင်းဆောင်ရွက်နေစဉ်တွင် စာရင်းစစ်အရာရှိများ၏ တွေးခေါ်မှု ပြောဆိုဆက်ဆံမှု အရေးကြီးကြောင်း
- မှန်ကန်မျှတသည့် တွေ့ရှိချက်အပေါ် အခြေခံပြီး သက်ဆိုင်ရာဌာနများ၏ ဖြေရှင်းချက် ကို လက်ခံပေးရန်ဖြစ်ကြောင်း
- ဌာနများ၌ ငွေလုံးငွေရင်းအသုံးစရိတ်ပိုင်းတွင် တည်ဆောက်ရေးလုပ်ငန်းများအတွက် ရန်ပုံငွေခွဲဝေချထားပေးမှုများကြောင်းနှင့် လုပ်ငန်းအများစုသည် ကန်ထရိုက်တာနှင့် လုပ်ကိုင်မှုများပြားကြောင်း
- စစ်ဆေးတွေ့ရှိချက်နှင့်ပတ်သက်ပြီး ဌာနတာဝန်ခံ၊ ကန်ထရိုက်တာနှင့် စာရင်းစစ်များ ထိတွေ့ဆက်ဆံဆွေးနွေးရမည်ဖြစ်ကြောင်း၊ ထိုသို့ ဆွေးနွေးရာတွင် စာရင်းစစ်ဌာန အကြီးအကဲနှင့် ကန်ထရိုက်တာ၊ စာရင်းစစ်ဌာနအကြီးအကဲနှင့် စစ်ဆေးရေးဌာန အကြီးအကဲ one by one နှစ်ယောက်ထဲ ထိတွေ့ဆက်ဆံမှု မရှိစေချင်ကြောင်း
- ကန်ထရိုက်တာနှင့် စစ်ဆေးရေးအဖွဲ့များ ထိတွေ့ဆက်ဆံရာတွင် ရုံးချိန်အတွင်း လုပ်ငန်းခွင်မှာ တွေ့ဆုံအလုပ်လုပ်ရန်ဖြစ်ကြောင်း
- လူဆိုသည်မှာ မှားတတ်ကြကြောင်း၊ ရိုးရိုးသားသားမှားလျှင် ဖြေရှင်းဖို့ လွယ်ကူပါ ကြောင်း၊ ပြဿနာမရှိပါကြောင်း
- မည်သည့်ကိစ္စတွက်မဆို မိမိစာရင်းစစ်အဖွဲ့အတွက် သက်သေအထောက်အထားရှိရန် လိုကြောင်း
- လုပ်ငန်းတာဝန်များ ဆတက်ထမ်းပိုးတိုးပြီး ဆောင်ရွက်နိုင်ကြပါစေကြောင်း နိဂုံးချုပ် စကားပြောကြားခဲ့ပါသည်။
၄။ သင်တန်းဆင်းပွဲအခမ်းအနားကို ညနေ ၁၆း၃၀ နာရီတွင် ရုပ်သိမ်းခဲ့ပါသည်။