ကုလသမဂ္ဂ၏ SDG အကောင်အထည်ဖော်မှုဆိုင်ရာ Performance Audit ကို မဆောင်ရွက်မီ Heads of SAIs နှင့် Senior Officials များအကြား IDI SDGs Audit Model (ISAM) awareness ဖြစ်စေရန် ရည်ရွယ်၍ IDI-ASEANSAI Joint Webinar on Strengthening SAI Audit of SDG Implementation ကို SAI Malaysia က ဦးဆောင်၍ အဖွဲ့ဝင်နိုင်ငံအသီးသီးမှ ကိုယ်စားလှယ်များဖြင့် ၉-၉-၂၀၂၀ ရက်နေ့၊ နေ့လယ် ၁:၃၀ နာရီတွင် Blackboard platform ဖြင့် ကျင်းပပြုလုပ်ခဲ့ပါသည်။
အစည်းအဝေးတွင် ASEANSAI နှင့်Knowledge Sharing Committee-KSC ဥက္ကဋ္ဌဖြစ်သည့် SAI Malaysia မှ Performance Audit Department ၏ ဒုတိယစာရင်းစစ်ချုပ်ဖြစ်သူ Hon. Mr. Khalid Khan Abdullah Khan ကအဖွင့်မိန့်ခွန်းပြောကြား၍ အစည်းအဝေးကို စတင်ပါသည်။
အစည်းအဝေးတွင် IDI ၏ Professional and Relevant SAIs Department မှ Manager ဖြစ်သူ Mr. Yudi Budiman က အစည်းအဝေးကျင်းပရသည့် ရည်ရွယ်ချက်ကိုဆွေးနွေးပြီး panelist များကို ပါဝင်ဆွေးနွေးရန် ဖိတ်ခေါ်ခဲ့ပါသည်။ မြန်မာ၊ ထိုင်း၊ အင်ဒိုနီးရှားနှင့် မလေးရှားတို့မှ ကိုယ်စားလှယ်များက ကုသသမဂ္ဂက ချမှတ်ထားသည့် စဉ်ဆက်မပြတ်ဖွံ့ဖြိုးတိုးတက်ရေးပန်းတိုင်များ အကောင်အထည်ဖော် ဆောင်ရွက်မှုနှင့် စပ်လျဉ်းသည့် စာရင်းစစ်ဆေးခြင်းကို ဆွေးနွေးခဲ့ကြပါသည်။
Panel Discussion ပြီးဆုံးသည့်အခါတွင် IDI ၏ ဒုတိယညွှန်ကြားရေးမှူးချုပ်ဖြစ်သည့် Ms.Archana Shirsat ကကုလသမဂ္ဂ၏ ၂၀၃၀ စဉ်ဆက်မပြတ်ဖွံ့ဖြိုးတိုးတက်ရေးအစီအမံများနှင့် ချိတ်ဆက်၍ စာရင်းစစ်ဆေးရန်ချမှတ်ထားသည့် IDI SDG Audit Model ကိုမိတ်ဆက်ဆွေးနွေးပါသည်။ ထို့နောက် တက်ရောက်လာသောအဖွဲ့ဝင်များ၏ မေးမြန်းချက်များကို Mr. Yudi Budiman က ဦးဆောင်၍ panelists များနှင့် အပြန်အလှန်ဆွေးနွေးခဲ့ပါသည်။ ထို့နောက် Mr. Khalid Khan Abdullah Khan က အစည်းအဝေးနိဂုံးချုပ်အမှာစကား ပြောကြားခဲ့ပြီး မွန်းလွဲ ၃: ၃၀ နာရီတွင် အစည်းအဝေးကို ရုပ်သိမ်းခဲ့ပါသည်။
အဆိုပါအစည်းအဝေးသို့ ပြည်ထောင်စုစာရင်းစစ်ချုပ်၊ အမြဲတမ်းအတွင်းဝန်၊ ညွှန်ကြားရေးမှူးချုပ် (စစ်ဆေးရေး) ၊ ဒုတိယအမြဲတမ်းအတွင်းဝန်၊ ဒုတိယညွှန်ကြားရေးမှူးချုပ်များနှင့် တာဝန်ရှိသူများ တက်ရောက်ခဲ့ကြပါသည်။