နိုင်ငံတကာပြည်သူ့ကဏ္ဍစာရင်းစံများ အကောင်အထည်ဖော်မှု ကြိုတင်ပြင်ဆင်ရေး ကော်မတီ (IIPC) ၂/၂၀၂၀ အစည်းအဝေးကို ၁၁-၉-၂၀၂၀ရက်နေ့၊ နံနက်၁၀:၀၀နာရီတွင် WebEx link ဖြင့် Online Meeting ပြုလုပ်ခဲ့ကြပါသည်။
အဆိုပါကော်မတီအစည်းအဝေးသို့ ကော်မတီဉက္ကဋ္ဌဖြစ်သည့် ပြည်ထောင်စုစာရင်းစစ်ချုပ်ရုံးမှ အမြဲတမ်း အတွင်းဝန်၊ ဒုတိယဉက္ကဋ္ဌများဖြစ်သည့် ငွေတိုက်ဦးစီးဌာနမှ ညွှန်ကြားရေးမှူးချုပ်နှင့် ရသုံးမှန်းခြေငွေစာရင်းဦးစီးဌာနမှ ညွှန်ကြားရေးမှူးချုပ် (ကိုယ်စား) ဒုတိယညွှန် ကြားရေးမှူးချုပ် ၊ အဖွဲ့ဝင်များဖြစ်သည့် ပြည်ထောင်စုစာရင်းစစ်ချုပ်ရုံးမှ ညွှန်ကြားရေးမှူးချုပ်၊ မြန်မာနိုင်ငံတော်ဗဟိုဘဏ်၊ ပညာရေးဝန်ကြီးဌာန၊ စီမံကိန်းရေးဆွဲရေးဦးစီးဌာနတို့မှ ဒုတိယ ညွှန်ကြားရေးမှူးချုပ်များ၊ မြန်မာ့စီးပွားရေးဘဏ်မှ အထွေထွေမန်နေဂျာနှင့် အတွင်းရေးမှူးဖြစ်သည့် ပြည်ထောင်စု စာရင်းစစ်ချုပ်ရုံးမှ ဒုတိယအမြဲတမ်းအတွင်းဝန်တို့ တက်ရောက်ဆွေးနွေးခဲ့ကြပါသည်။
အဆိုပါအစည်းအဝေးတွင် ၂၃.၆.၂၀၂၀ ရက်နေ့တွင်ကျင်းပခဲ့သော ၁/၂၀၂၀ အစည်းအဝေး ဆုံးဖြတ်ချက်များ အပေါ် ဆောင်ရွက်ပြီးစီးမှုအခြေအနေနှင့် ဆက်လက်ဆောင်ရွက်ရမည့် ကိစ္စ ရပ်များကို ဆွေးနွေးခဲ့ကြပါသည်။ ထို့ပြင် အများလက်ခံကျင့်သုံးနေသည့် စာရင်းထားနည်းစနစ်မှ နိုင်ငံတကာပြည်သူ့ကဏ္ဍစာရင်းစံများ (IPSAS) သို့ အသွင် ကူးပြောင်းရေးနှင့် စပ်လျဉ်း ၍ သိရှိဆောင်ရွက်ရန် လိုအပ်သည့် Accounting Policies and Explanatory Notes ၊ The Effects of Changes in Foreign Exchange Rates ၊ ဘဏ္ဍာငွေအရ/ အသုံးဆိုင်ရာစာရင်းများ ပြုစုရေးဆွဲရန် နည်းစနစ်အရ ပုံစံ(ရသစ-၁)၊ (ရသစ-၆) ရသုံးစာရင်း (နှစ်ချုပ်)နှင့်အတူ ဖော်ပြရမည့် အကြောင်း အရာများ၏ လက်ရှိအခြေအနေနှင့် Notes to the Financial Statements နမူနာပုံစံတို့ကို ပြည်ထောင်စု စာရင်းစစ်ချုပ်ရုံးကလည်းကောင်း၊ System of National Accounts ပါ Sector ခွဲခြားမှုများနှင့်စပ်လျဉ်း၍ စီမံကိန်းရေးဆွဲရေးဦးစီးဌာနက လည်းကောင်း အသီးသီးဆွေးနွေး တင်ပြခဲ့ကြပါသည်။