၁။ ပြည်ထောင်စုစာရင်းစစ်ချုပ်ဦးမော်သန်းသည် အာရှဖွံ့ဖြိုးရေးဘဏ် (ADB) မှ Senior Financial Management Specialist ဖြစ်သူ Ms. Augustina Musa ဦးဆောင်သောအဖွဲ့အား ၂၀၁၉ ခုနှစ်၊ နိုဝင်ဘာလ (၁၉) ရက်နေ့၊ နံနက် ၁၀:၀၀ နာရီတွင် နေပြည်တော်ရှိ ပြည်ထောင်စုစာရင်းစစ်ချုပ်ရုံး၊ ဧည့်ခန်းမ၌ လက်ခံတွေ့ဆုံခဲ့ပါသည်။
၂။ ထိုသို့တွေ့ဆုံရာတွင် မြန်မာနိုင်ငံ၏ ဘဏ္ဍာရေးအစီရင်ခံတင်ပြခြင်းနှင့်စစ်ဆေးခြင်းကဏ္ဍ ဖွံ့ဖြိုးတိုးတက်ရေးအတွက် ADB မှထောက်ပံ့ကူညီပေးနိုင်မည့်နယ်ပယ်များ၊ ADB ၏ ငွေကြေးအထောက်အပံ့ဖြင့်ဆောင်ရွက်နေသည့် စီမံကိန်းများ၏ ဘဏ္ဍာရေးရှင်းတမ်းများအား ပုဂ္ဂလိကစာရင်းစစ်များဖြင့် စစ်ဆေးနိုင်ရန် လိုအပ်ချက်များနှင့်စပ်လျဉ်း၍ ဆွေးနွေးခဲ့ကြပါသည်။
၃။ အဆိုပါဆွေးနွေးပွဲသို့ ပြည်ထောင်စုစာရင်းစစ်ချုပ်ရုံးမှ အမြဲတမ်းအတွင်းဝန်၊ ညွှန်ကြားရေးမှူးချုပ် (စစ်ဆေးရေး) နှင့် တာဝန်ရှိသူများ တက်ရောက်ခဲ့ကြပါသည်။