ညွှန်ကြားရေးမှူးများ စစ်ဆေးရေးလုပ်ငန်းနှင့်စီမံရေးရာကိစ္စရပ်များ ဆွေးနွေးခြင်း

ပြည်ထောင်စုစာရင်းစစ်ချုပ်ရုံး

သတင်းထုတ်ပြန်ချက်

၁။        ၂၀၁၉ ခုနှစ်၊ အောက်တိုဘာလ ၂၂ ရက် ( အင်္ဂါနေ့ ) နံနက် ၉ : ၃၀ မှ ညနေ ၆ : ၀၀ နာရီ အထိ ပြည်ထောင်စုစာရင်းစစ်ချုပ်ရုံး၊ အစည်းအဝေးခန်းမ၌ ညွှန်ကြားရေးမှူးများ စစ်ဆေးရေးလုပ်ငန်းနှင့် စီမံရေးရာကိစ္စရပ်များ ဆွေးနွေးသည့်အခမ်းအနား ကျင်းပခဲ့ပါသည်။

၂။         အဆိုပါဆွေးနွေးပွဲသို့ ရုံးအဖွဲ့၊ စီမံရေးရာ၊ လေ့ကျင့်ရေးနှင့်သုတေသနဦးစီးဌာနနှင့် စစ်ဆေးရေးဦးစီးဌာနတို့မှ အမြဲတမ်းအတွင်းဝန်၊ ညွှန်ကြားရေးမှူးချုပ်၊ တာဝန်ရှိသူများနှင့် ရုံးချုပ်၊ နေပြည်တော်၊ တိုင်းဒေသကြီး/ ပြည်နယ် ညွှန်ကြားရေးမှူး ၂၃ ဦး တက်ရောက်ခဲ့ပါသည်။

၃။        အနာဂတ်ကာလ စစ်ဆေးရေးလုပ်ငန်းဆောင်ရွက်ရာတွင် ကောင်းမွန်သောရေးသားတင်ပြမှု၊ တွေးခေါ်မှုနှင့် စစ်ဆေးရေးအထောက်အထား အချက်အလက်များစုစည်းရရှိမှု၊ သုံးသပ်စိစစ်မှုနှင့်  စီမံရေးရာကိစ္စရပ်များကို ဆွေးနွေးသုံးသပ်ပြီး  ရုံးချုပ်နှင့်ဒေသများအကြား အတွေ့အကြုံဗဟုသုတများ  Sharing ပြုလုပ်နိုင်ရန်အတွက် ယခုဆွေးနွေးပွဲကျင်းပရခြင်းဖြစ်ကြောင်း အမြဲတမ်းအတွင်းဝန်မှ နှုတ်ခွန်းဆက်စကား ပြောကြားခဲ့ပါသည်။

၄။        အောက်ပါအချက်များနှင့် စပ်လျဉ်း၍ ရုံးချုပ်နှင့်ဒေသများမှ တာဝန်ရှိသူများက ဆွေးနွေးခဲ့ကြ ပါသည်။

• စစ်ဆေးရေးလုပ်ငန်းများအား နိုင်ငံတကာနှင့် ရင်ဘောင်တန်းဆောင်ရွက်နိုင်ရေးအတွက် တင်ပြသည့် စာရင်းစစ်အစီရင်ခံစာများ၏ အရည်အသွေးနှင့် ဖော်ပြရေးသားချက်များ ပြည့်စုံအားကောင်းခိုင်မာစေရန်နှင့် အချိန်မှန်တင်ပြနိုင်စေရေးအတွက် အစီအမံများ    ပြုလိုခြင်း၊
• နိုင်ငံတကာတွင် ကျင့်သုံးသည့် ISSAIs Based Standards များအရ ဆောင်ရွက်မှုနှင့် မိမိတို့လက်ရှိဆောင်ရွက်မှုများ၏ ကွာဟမှုအခြေအနေများနှင့် စစ်ဆေးရေးလုပ်ငန်းများ ဆောင်ရွက်ရာတွင်  Risk Area များအတွက် Planning Stage အား ကောင်းစွာပြင်ဆင် ဆောင်ရွက်ရန် လိုအပ်ခြင်း၊
• တိုင်းဒေသကြီး/ပြည်နယ်များ၏ ပြည်ထောင်စုမှ ရရှိသည့် Budget လိုငွေ၊ ထောက်ပံ့ငွေများ ရရှိမှု၊ သုံးစွဲမှုနှင့် အခွန်ဝေစုရရှိမှုများ၊ ဘဏ္ဍာငွေအရအသုံးဆိုင်ရာစစ်ဆေးချက် အစီရင်ခံစာတင်ပြမှု အခြေအနေနှင့်ဆိုင်သော အချက်အလက်များအား Sharing ပြုလုပ်၍ အပြန်အလှန်ဆွေးနွေးညှိနှိုင်းခြင်း၊
• လာမည့်ဘဏ္ဍာရေးနှစ်တွင် တိုင်းဒေသကြီး/ ပြည်နယ်များ၌ Video Conferencing အတွက် Budget တောင်းခံထားမှု၊ သုံးစွဲမှု၊ ပေးချေမှုနှင့် ဆောင်ရွက်ထားရမည့်လုပ်ငန်းစဉ်များ၊ ဝန်ထမ်းရေးရာစီမံခန့်ခွဲမှုကိစ္စရပ်များ ဆွေးနွေးခြင်း၊
• National IT Expert မှ OAG Exchange Email အသုံးပြုနည်း၊ File Transfer Protocol Server ကို အသုံးပြု၍ ရုံးချုပ်နှင့် တိုင်းဒေသကြီး/ ပြည်နယ်ရုံးများ သတင်းအချက်အလက်ဖလှယ်ခြင်း၊ တိုင်းဒေသကြီး/ ပြည်နယ်ရုံးများမှ ရုံးချုပ်သို့ Avirtual Poivate Network ဆက်သွယ်မှုကို အသုံးပြု၍ ဆက်သွယ်ခြင်းတို့ကို ရှင်းလင်းတင်ပြခြင်း၊

၅။        ဆွေးနွေးပွဲအခမ်းအနားကို ညနေ ၆:၀၀ နာရီ အချိန်တွင် ရုပ်သိမ်းခဲ့ပါသည်။