ပြည်ထောင်စုစာရင်းစစ်ချုပ်ရုံး
သတင်းထုတ်ပြန်ချက်
၂၀၁၉ ခုနှစ်၊ အောက်တိုဘာလ ( ၁၇ ) ရက်
၁။ ၂၀၁၉ ခုနှစ်၊ အောက်တိုဘာလ ( ၁၇ ) ရက်နေ့ နံနက် ( ၁၀ : ၀၀ ) နာရီတွင် ပြည်ထောင်စုစာရင်းစစ်ချုပ်ရုံး စုပေါင်းခန်းမ၌ စာရင်းစစ် - ၁ များ လုပ်ငန်းခွင်ကျွမ်းကျင်မှု သင်တန်းအမှတ်စဉ် - ၃၅ သင်တန်းဖွင့်ပွဲအခမ်းအနားကျင်းပရာ ပြည်ထောင်စုစာရင်းစစ်ချုပ် တက်ရောက်၍ သင်တန်းဖွင့်အမှာစကား ပြောကြားခဲ့ပါသည်။
၂။ အဆိုပါအခမ်းအနားသို့ ပြည်ထောင်စုစာရင်းစစ်ချုပ်ရုံးမှ အမြဲတမ်းအတွင်းဝန်၊ ညွှန်ကြားရေးမှူးချုပ်နှင့် တာဝန်ရှိသူများ၊ သင်တန်းကထိကများနှင့် သင်တန်းသူ/ သင်တန်းသား ( ၁၂၃ ) ဦး တက်ရောက်ခဲ့ပါသည်။
၃။ အခမ်းအနားတွင် ပြည်ထောင်စုစာရင်းစစ်ချုပ်က -
- ဤသင်တန်းကို လူ့စွမ်းအားအရင်းအမြစ်အားကောင်းရေး၊ စာရင်းပညာတိုးတက်ပြန့်ပွားရေးနှင့် အသိပညာဗဟုသုတများ လက်ဆင့်ကမ်းပို့ချရေး ရည်ရွယ်ချက်များနဲ့ ဖွင့်လှစ်ကြောင်း၊
- ဤရုံးအနေဖြင့် အစိုးရဌာနအဖွဲ့အစည်းများ၏ လုပ်ငန်းအကောင်အထည်ဖော်ဆောင်ရွက်မှုများသည် ပြည်သူအတွက် ထိရောက်အကျိုးရှိစေရေး ထိန်းကျောင်းသည့် လုပ်ငန်းတာဝန်ကို ထမ်းဆောင်လျက်ရှိကြောင်း၊
- စာရင်းစစ်ဆေးရေးအဖွဲ့၏ ဦးဆောင်သူ Leader များဖြစ်သည့် စာရင်းစစ် - ၁ များ ၏ တွေးခေါ်မြော်မြင်နိုင်စွမ်းနှင့်ကျွမ်းကျင်မှုသည် အထူးအရေးကြီးကြောင်း၊
- စစ်ဆေးရေးလုပ်ငန်းစဉ်တစ်လျှောက်လုံး ပညာရှင်ပီသသော သတိသမ္ပဇဉ်ထားရှိ၍ အကြောင်းကိစ္စတစ်ရပ် ဖြစ်ပွားပေါ်ပေါက်ပါက ဖြစ်ပွားရသည့်အကြောင်းရင်းများ (Underlying Causes) နှင့် သက်ရောက်မှုကို အကဲဖြတ်နိုင်ရန်လိုကြောင်း၊
- ယခုသင်တန်းတွင် အဂတိလိုက်စားမှုတိုက်ဖျက်ရေးဆိုင်ရာ ဗဟုသုတများလည်း အသစ်ထည့်သွင်းထားပါကြောင်း၊
- စာရင်းစစ်-၁ များသည် လုပ်ငန်းဆောင်ရွက်ရာတွင် ရိုးဖြောင့်မှု(Integrity)၊ ဓမ္မဓိဋ္ဌာန်ကျမှု (Objectivity)၊ အတတ်ပညာပိုင်းဆိုင်ရာကျွမ်းကျင်မှု (Professional Competence)၊ လုံလောက်သောသတိသမ္ပဇဉ်ထားရှိမှု (Professional Due Care) နှင့် စာရင်းစစ်ကျင့်ဝတ်အရ ဆောင်ရန်ရှောင်ရန်များကို တိကျစွာပြုမူလိုက်နာဆောင်ရွက်မှု (Professional Behavior) စသည့်ကျင့်ဝတ်များကို စောင့်ထိန်းလိုက်နာရမည်ဖြစ်ကြောင်း၊
- ပြည်ထောင်စုစာရင်းစစ်ချုပ်ဥပဒေကပေးအပ်သော လုပ်ငန်းတာဝန်များကို ထိရောက်အကျိုးရှိစွာဖြင့် ကျေကျေပွန်ပွန်ဆောင်ရွက်သွားကြရန် တိုက်တွန်းကြောင်း၊
အခမ်းအနားကို နံနက် ( ၁၀ : ၃၀ ) နာရီတွင် ရုပ်သိမ်းခဲ့ပါသည်။