စာရင်းစစ်- ၃ များလုပ်ငန်းခွင်ကျွမ်းကျင်မှုသင်တန်း အမှတ်စဉ်- ၄၉ သင်တန်းသူ/ သားများ လွှတ်တော်လေ့လာရေးခရီးအစီအစဉ်

ပြည်ထောင်စုစာရင်းစစ်ချုပ်ရုံး

စာရင်းစစ်- ၃ များလုပ်ငန်းခွင်ကျွမ်းကျင်မှုသင်တန်း အမှတ်စဉ်- ၄၉

သင်တန်းသူ/ သားများ လွှတ်တော်လေ့လာရေးခရီးအစီအစဉ်

သတင်းထုတ်ပြန်ချက်

၂၀၁၉ ခုနှစ်၊ ဩဂုတ်လ  ၂၆ ရက်

ပြည်ထောင်စုစာရင်းစစ်ချုပ်ရုံး၊ နေပြည်တော်သင်တန်းကျောင်းမှ အုပ်ချုပ်သူ ကျောင်းအုပ်ကြီး ဒေါ်ဥမ္မာ (ဒုတိယညွှန်ကြားရေးမှူး) ဦးဆောင်သည့် စာရင်းစစ်- ၃ များ လုပ်ငန်းခွင်ကျွမ်းကျင်မှု သင်တန်း အမှတ်စဉ်- ၄၉ သင်တန်းသူ/ သား စုစုပေါင်း ၉၃ ဦးတို့သည် ၂၂-၈-၂၀၁၉ ရက်နေ့ ကျင်းပသည့် ဒုတိယအကြိမ်ပြည်သူ့လွှတ်တော် ၁၃ ကြိမ်မြောက်ပုံမှန်အစည်းအဝေးကျင်းပမှုများနှင့် အမျိုးသားလွှတ်တော်တို့တွင် လွှတ်တော်လုပ်ငန်းဆိုင်ရာများကို လေ့လာခဲ့ကြပါသည်။ လေ့လာရေးခရီးတွင် ပြည်သူ့လွှတ်တော်ရုံးနှင့် အမျိုးသားလွှတ်တော်ရုံးတို့မှ တာဝန်ရှိသူများက လွှတ်တော်အသီးသီး၏ လုပ်ငန်းဆောင်ရွက်ပုံ၊ လွှတ်တော်ရေးရာဗဟုသုတများ၊ လွှတ်တော်အဆောက်အဦ ဖွဲ့စည်းမှုဆိုင်ရာ မှတ်သားဖွယ်ရာများကို ရှင်းလင်းပေးခဲ့ကြပြီး သင်တန်းသူ/ သားများကသိရှိလို၍ မေးမြန်းမှုများကိုလည်း ပြန်လည်ဖြေကြားပေးခဲ့ကြပါသည်။