၁။ ပြည်ထောင်စုစာရင်းစစ်ချုပ် ဦးမော်သန်းသည် ရန်ကုန်မြို့၊ ဗြိတိန်သံရုံးမှ Head of Prosperity ဖြစ်သူ Ms. Claire Kikham နှင့် PricewaterhouseCoopers (PwC) Consortium မှ အဖွဲ့ ခေါင်းဆောင်ဖြစ်သူ Mr. SubhrenduChatterjiတို့ ဦးဆောင်သော ကိုယ်စားလှယ် အဖွဲ့အား၂၀၁၉ ခုနှစ် ၊ ဇန်နဝါရီလ (၁၆) ရက်နေ့၊ နေ့လယ် ၂း၀၀ နာရီတွင် နေပြည်တော်ရှိ ပြည်ထောင်စု စာရင်းစစ်ချုပ်ရုံး ၊ အစည်းအဝေးခန်းမ၌ လက်ခံ တွေ့ဆုံခဲ့ ပါသည်။
၂။ ထိုသို့ တွေ့ဆုံရာတွင် လာမည့် (၃)နှစ် အတွင်း PwC မှ တစ်ဆင့် ဗြိတိန်အစိုးရက မြန်မာနိုင်ငံ အစိုးရအား နည်းပညာ အကူအညီပေးမည့် ကိစ္စ ၊ မြန်မာနိုင်ငံ၏ စာရင်းအတတ်ပညာဆိုင်ရာ သင်ကြားရေးစနစ်များ ၊ ဗြိတိန် အစိုးရမှ ကူညီ ပေးနိုင်မည့် နယ်ပယ်များနှင့် စပ်လျဉ်း၍ ဆွေးနွေးခဲ့ကြပါသည်။
၃။ အဆိုပါ တွေ့ဆုံဆွေးနွေးပွဲသို့ ပြည်ထောင်စု စာရင်းစစ်ချုပ်ရုံးမှ အမြဲတမ်းအတွင်းဝန်၊ ညွှန်ကြားရေးမှူးချုပ် (စစ်ဆေးရေးဦးစီးဌာန) ၊ ဒုတိယ အမြဲတမ်း အတွင်းဝန် ၊ ဒုတိယ ညွှန်ကြားရေးမှူးချုပ်များနှင့် တာဝန်ရှိသူများ တက်ရောက်ခဲ့ ကြပါသည်။