ပြည်ထောင်စုစာရင်းစစ်ချုပ်ဦးမော်သန်း ခေါင်းဆောင်သည့်ကိုယ်စားလှယ်အဖွဲ့သည် နော်ဝေနိုင်ငံံစာရင်းစစ်ချုပ် Mr.Per-Kristian Foss ၏ ဖိတ်ကြားချက်အရ ပြည်ထောင်စုစာရင်းစစ်ချုပ်ရုံးနှင့် နော်ဝေနိုင်ငံံစာရင်းစစ်ချုပ်ရုံးတို့အကြား ၂၀၁၆ ခုနှစ်၊ အောက်တိုဘာလက ရေးထိုးထားသည့် နားလည်မှုစာချွန်လွှာ (MOU) အရ ဆက်လက်ပူးပေါင်းဆောင်ရွက်မည့်ကိစ္စရပ်များကို ဆွေးနွေးရန်နှင့် နော်ဝေနိုင်ငံံစာရင်းစစ်ချုပ်ရုံးတွင် ဆောင်ရွက်နေသည့်လုပ်ငန်းများနှင့် Modernization Programme များကို လေ့လာရန် ၂-၉-၂၀၁၈ ရက်နေ့ နံနက်ပိုင်းတွင် ရန်ကုန်မြို့မှထွက်ခွာခဲ့ပါသည်။ ပြည်ထောင်စုစာရင်းစစ်ချုပ်နှင့်အတူ ဒုတိယအမြဲတမ်းအတွင်းဝန် ဦးကြည်ဝင်း၊ ဒုတိယညွှန်ကြားရေးမှူးချုပ် ဒေါ်စန်းစန်းဝင်း၊ ညွှန်ကြားရေးမှူးများဖြစ်သည့် ဒေါ်စီစီချိန်နှင့် ဒေါ်ထားရီတို့ လိုက်ပါသွားကြသည်။
ကိုယ်စားလှယ်အဖွဲ့အား ရန်ကုန်တိုင်းဒေသကြီးစာရင်းစစ်ချုပ်ရုံး၊ မြန်မာနိုင်ငံံစာရင်းကောင်စီ်နှင့့်် မြန်မာနိုင်ငံံလက်မှတ်ရပြည်သူ့စာရင်းကိုင်များအသင်းတို့မှ တာဝန်ရှိသူများက ရန်ကုန်အပြည်ပြည်ဆိုင်ရာ လေဆိပ်၌ ပို့ဆာင်နှုတ်ဆက်ခဲ့ကြသည်။
ပြည်ထောင်စုစာရင်းစစ်ချုပ်ဦးမော်သန်းနှင့် တာဝန်ရှိသူများအား နော်ဝေနိုင်ငံံစာရင်းစစ်ချုပ်က ၃-၉-၂၀၁၈ ရက်နေ့တွင် ကြိုဆိုနှုတ်ခွန်းဆက်စကားပြောကြားပြီးနောက် ပြည်ထောင်စုစာရင်းစစ်ချုပ်ဦးဆောင်သော ကိုယ်စားလှယ်အဖွဲ့နှင့် နော်ဝေနိုင်ငံံ စာရင်းစစ်ချုပ်ရုံးမှ ကိုယ်စားလှယ်အဖွဲ့တို့သည် MOU အရ ရှေ့ဆက်လက် ဆောင်ရွက်မည့်အစီအစဉ်များကို ဆွေးနွေးခဲ့ကြပြီး နော်ဝေနိုင်ငံံစာရင်းစစ်ချုပ်ရုံး၌ အကောင်အထည်ဖော် ဆောင်ရွက်နေသည့် Modernization Programme ၊ Human Resource Programme ၊ ICT Strategy နှင့် Performance Audit Report များ လွှတ်တော်သို့ အစီရင်ခံတင်ပြခြင်း၊ Follow-up ဆောင်ရွက်သည့်အဆင့်များ၊ နော်ဝေနိုင်ငံစာရင်းစစ်ချုပ်က ဥက္ကဋ္ဌအဖြစ် ဆောင်ရွက်နေသည့် INTOSAI Development Initiative (IDI) ၏ လက်ရှိဆောင်ရွက်လျက်ရှိသည့် Programme ဆိုင်ရာ အချက်အလက်များကို လေ့လာသိရှိခဲ့ရပါသည်။
ပြည်ထောင်စုစာရင်းစစ်ချုပ်ဦးမော်သန်းနှင့် တာဝန်ရှိသူများသည် နော်ဝေနိုင်ငံံစာရင်းစစ်ချုပ်ရုံး၌ (၃) ရက်တာ လေ့လာပြီးနောက် ၇-၉-၂၀၁၈ ရက်နေ့ ညနေပိုင်းတွင် ရန်ကုန်မြို့သို့ ပြန်လည်ရောက်ရှိခဲ့ပြီး ရန်ကုန်တိုင်းဒေသကြီးစာရင်းစစ်ချုပ်နှင့် ရန်ကုန်တိုင်းဒေသကြီးစာရင်းစစ်ချုပ်ရုံး၊ မြန်မာနိုင်ငံံစာရင်းကောင်စီ်နှင့် မြန်မာနိုင်ငံံလက်မှတ်ရပြည်သူ့စာရင်းကိုင်များအသင်းတို့မှ တာဝန်ရှိသူများက ရန်ကုန်အပြည်ပြည်ဆိုင်ရာ လေဆိပ်၌ လာရောက်ကြိုဆိုခဲ့ကြပါသည်။
