၁။ ပြည်ထောင်စုစာရင်းစစ်ချုပ်ဦးမော်သန်းသည် CEO Mr.Winid Silamongkol ဦးဆောင် သော KPMG Advisory (Myanmar) Ltd မှ ကိုယ်စားလှယ်အဖွဲ့အား ၂၀၁၈ ခုနှစ် ဇန်နဝါရီလ (၃၀) ရက်နေ့၊ နံနက် ၁၀း၀၀ နာရီတွင် နေပြည်တော်ရှိ ပြည်ထောင်စုစာရင်းစစ်ချုပ်ရုံး၊ ဧည့်ခန်းမ၌ လက်ခံတွေ့ဆုံခဲ့ ပါသည်။
၂။ ထိုသို့တွေ့ဆုံရာတွင် မြန်မာနိုင်ငံဘဏ္ဍာရေးနှစ် ပြောင်းလဲမှုအခြေအနေ၊ မြန်မာနိုင်ငံ ဘဏ္ဍာရေးအစီရင်ခံခြင်းဆိုင်ရာစံများကို နိုင်ငံတကာဘဏ္ဍာရေး အစီရင်ခံခြင်းဆိုင်ရာ စံများသို့ မြှင့်တင်ရန်အခြေအနေ၊ မြန်မာနိုင်ငံ ကုမ္ပဏီများ ဥပဒေနှင့် ကော်ပိုရိတ်အုပ်ချုပ်မှု စနစ်၊ မြန်မာနိုင်ငံကုမ္ပဏီများဥပဒေ အသစ်၏ ယေဘုယျ အကျိုးသက်ရောက်မှုများ၊ ဤရုံး၊ မြန်မာနိုင်ငံ လက်မှတ်ရ ပြည်သူ့စာရင်းကိုင်များအသင်း နှင့် KPMG တို့ ပူးပေါင်းဆောင်ရွက်နိုင်မည့်နယ်ပယ်များ စသည့် ကိစ္စရပ်များကို ဆွေးနွေးခဲ့ကြပါသည်။
၃။ အဆိုပါတွေ့ဆုံဆွေးနွေးပွဲသို့ ပြည်ထောင်စုစာရင်းစစ်ချုပ်ရုံးမှ အမြဲတမ်း အတွင်းဝန်၊ ညွှန်ကြားရေးမှူးချုပ် (စစ်ဆေးရေး) နှင့် တာဝန်ရှိသူများတက်ရောက်ခဲ့ကြပါသည်။