ပြည်ထောင်စုစာရင်းစစ်ချုပ်ရုံးနှင့် နော်ဝေနိုင်ငံစာရင်းစစ်ချုပ်ရုံးတို့ ပူးပေါင်း၍ Performance Audit ဆိုင်ရာ အလုပ်ရုံဆွေးနွေးပွဲကျင်းပခြင်း

၁။ ပြည်ထောင်စုစာရင်းစစ်ချုပ်ရုံးနှင့် နော်ဝေနိုင်ငံ စာရင်းစစ်ချုပ်ရုံးတို့ ပူးပေါင်း၍ လုပ်ငန်း အကောင်အထည်ဖော်ဆောင်ရွက်မှု စစ်ဆေးခြင်း ( Performance Audit) ဆိုင်ရာ အလုပ်ရုံ ဆွေးနွေးပွဲကို ပြည်ထောင်စု စာရင်းစစ်ချုပ်ရုံး၊ နေပြည်တော်၌ ၂၀၁၇ ခုနှစ်၊ ဇွန်လ (၁၉) ရက်နေ့မှ (၂၀) ရက်နေ့အထိ ကျင်းပပြုလုပ်ခဲ့ပါသည်။

၂။ အလုပ်ရုံ ဆွေးနွေးပွဲတွင် နော်ဝေနိုင်ငံ စာရင်းစစ်ချုပ်ရုံးမှ ကျွမ်းကျင်ပညာရှင်များက နိုင်ငံတကာစာရင်းစစ်ချုုပ်ရုံးများ၏ စံများ (International Standards of Supreme Audit Institutions, ISSAI) နှင့်အညီ Performance Audit ဆိုင်ရာ အဓိပ္ပ္ပာယ် ဖွင့်ဆိုပုံနှင့် ရည်ရွယ်ချက်များဖြစ်သည့် Economy (ခြိုးခြံချွေတာမှု)၊ Efficiency (စွမ်းဆောင်ရည်ရှိမှု)၊ Effectiveness (လုပ်ငန်းထိရောက်အောင်မြင်မှု) ၊ Goal Attainment (ရည်မှန်းချက်ကိုရရှိမှု) စသည့် အချက်များအပေါ် ရှင်းလင်းပေးခြင်း၊ ISSAI နှင့်အညီ ဆောင်ရွက်သည့် နည်းလမ်းများ ၊ နော်ဝေနိုင်ငံ စာရင်းစစ်ချုပ်ရုံးက ဆောင်ရွက်ခဲ့သည့် Case Study များ၊ စစ်ဆေးတွေ့ရှိချက်များ ၊အကြံပြုချက်များ ၊အစီရင်ခံစာပြုစုခြင်း ၊လုပ်ငန်းရလဒ်များ ၊ ယူဂန်ဒါနိုင်ငံတွင် ဆောင်ရွက်ခဲ့သည့် အတွေ့အကြုံ များ ၊ Performance Audit ဆောင်ရွက်ရာတွင် စစ်ဆေးသည့် ဌာနအဖွဲ့အစည်းသာမက သက်ဆိုင်သည့် လုပ်ငန်းဌာနများနှင့်လည်း ဆက်စပ်ဆောင်ရွက်ရပုံများ ၊ စာရင်းစစ်များအနေဖြင့် ဂရုပြုသိရှိသင့်သည်များကို ဆွေးနွေးခဲ့ ကြပြီး တက်ရောက်သူများ၏ အတွေ့အကြုံများနှင့် မေးမြန်းချက်များအပေါ် ၎င်းတို့၏ အမြင်များကို ပြန်လည်မျှဝေခဲ့ဲ့ကြပါသည်။

၃။ အလုပ်ရုံ ဆွေးနွေးပွဲကျင်းပခြင်းဖြင့် တက်ရောက်သူများသည် ISSAI နှင့်အညီ Performance Audit ဆောင်ရွက်ပုံများ၊ ကောင်းမွန်သည့် ကျင့်ထုံးများ ၊ သာဓကအနေဖြင့် Performance Audit ကို လက်တွေ့ထဲထဲဝင်ဝင် ဆောင်ရွက်နေသည့် နော်ဝေနိုင်ငံ စာရင်းစစ်ချုပ်ရုံး၏ လုပ်ကိုင်ပုံ နည်းစနစ်များ ၊ Case Study များ လေ့လာခြင်းမှ တွေ့ကြုံလာနိုင်သည့် အခက်အခဲများ ၊ ပူးပေါင်းဆောင်ရွက်ရခြင်းများ၊ ပြဿနာ တစ်ရပ်အပေါ် ရှုမြင်သုံးသပ်ပုံများကို သိရှိရခြင်းဖြင့် အသိအမြင် ၊ဗဟုသုတများ တိုးပွားကာ ၎င်းတို့အနေဖြင့် Performance Audit ဆောင်ရွက်ရာတွင် အဆိုပါ အချက်များကို အထောက်အကူပြု အသုံးချနိုင်မည်ဖြစ်ပါသည်။ အလုပ်ရုံဆွေးနွေးပွဲသို့ နော်ဝေနိုင်ငံ စာရင်းစစ်ချုပ်ရုံးမှ ကျွမ်းကျင်ပညာရှင်များ ၊ ပြည်ထောင်စု စာရင်းစစ်ချုပ်ရုံးနှင့် နေပြည်တော် ကောင်စီနယ်မြေအတွင်းရှိ စာရင်းစစ်ရုံးများမှ အရာထမ်း၊ အမှုထမ်း စုစုပေါင်း (၁၅၇) ဦး တက်ရောက် ခဲ့ကြပါသည်။