၁။ ကိုယ်ပိုင်စာရင်းကိုင်လုပ်ငန်း P.A အဖြစ် စတင် မှတ်ပုံတင်ရန်အတွက် အောက်ပါ အထောက်အထားများ တင်ပြရန် လိုအပ်ပါသည်-
(က) စီးပွားရေးတက္ကသိုလ် မှ B.Com (သို့) B.Act အောင်လက်မှတ် (သို့) ဒီပလိုမာစာရင်း ကိုင် ဒုတိယပိုင်း အောင်လက်မှတ် မူရင်း+မိတ္တူ၊
(ခ) လက်မှတ်ရပြည်သူ့စာရင်းကိုင် ဒုတိယပိုင်း အောင်လက်မှတ် မူရင်း+မိတ္တူ၊
(ဂ) နိုင်ငံသားစိစစ်ရေး ကတ်ပြား မူရင်း+မိတ္တူ၊
(ဃ) မှတ်ပုံတင်စာရင်းကိုင် ဒုတိယပိုင်းစာမေးပွဲ အောင် လက်မှတ် မူရင်း+မိတ္တူ၊ နည်းခံလုပ်သက်အတွင်း လက်တွေ့ လုပ်ငန်းများကို ကျေနပ်ဖွယ်ရာဆောင်ရွက် ခဲ့ပြီးဖြစ်၍ နည်းခံလုပ်သက် အတွက် သက်ဆိုင်ရာထောက်ခံချက် ပူးတွဲ ပါရှိရမည် (သို့မဟုတ်) R.A အောင်မြင်၍ နည်းခံလုပ်သက်ပြီး မြောက်ပြီးမှတ်ပုံတင်စာရင်းကိုင် ကတ်ပြား၊ "မ''နံပါတ် Register ရေးသွင်းထားသူ၊ မှတ်ပုံတင်စာရင်းကိုင်လက်မှတ် မူရင်း+ မိတ္တူ တင်ပြရမည်။
(င) P.A ပြုလုပ်သူအတွက် ဝန်ထမ်းဖြစ်ခဲ့ပါက အစိုးရ အလုပ်မှ နုတ်ထွက်ကြောင်း အထောက်အထားတင်ပြရန်၊ ပင်စင်စားဖြစ်ပါက ပင်စင်ရုံးအမိန့်တင်ပြရန်၊
(စ) P.A မှတ်ပုံတင်လက်မှတ် မြန်မာ (သို့မဟုတ်) အင်္ဂလိပ် တစ်မျိုးပြုလုပ်ပါက မှတ်ပုံတင်ကြေး ကျပ် ၁၀,၀၀၀ ပေး သွင်းထားသည့်ပြေစာ နှင့် (၃)လအတွင်း ရိုက်ထားသော ပတ်(စ်)ပို့ ဓါတ်ပုံ(၂)ပုံ၊
(ဆ) P.A မှတ်ပုံတင်လက်မှတ် (မြန်မာ+အင်္ဂလိပ်) (၂) မျိုး ပြုလုပ်ပါက မှတ်ပုံ တင်ကြေး ကျပ် ၁၀,၅၀၀ ပေးသွင်းထား သည့်ပြေစာ နှင့် (၃) လ အတွင်း ရိုက်ထားသော ပတ်(စ်)ပို့ ဓါတ်ပုံ (၄)ပုံ၊
၂။ ကာယကံရှင်ကိုယ်တိုင် လာရောက်လျှောက်ထားရန် လိုအပ်ပါသည်။ ကိုယ်စားခွင့်မပြုပါ။
၃။ အပိုဒ်(၁)ပါ လိုအပ်ချက်များ ပြည့်စုံသူများအား PA မှတ်ပုံတင်လက်မှတ် ထုတ်ပေးပါမည်။
၄။ P.A မှတ်ပုံတင် သက်တမ်းတိုး ပြုလုပ်သူများအတွက် အောက်ပါအထောက်အထားများ တင်ပြရန် လိုအပ်ပါသည်-
(က) P.A ကတ်ပြားနောက်ကျောဇယားမကုန်သေးပါက မူရင်းတင်ပြရန်နှင့် နောက်ကျော ဘက်ဇယားကုန်နေပါက ယင်းကတ်ပြားမိတ္တူတင်ပြရန်၊
(ခ) P.A မှတ်ပုံတင်လက်မှတ် မြန်မာ (သို့မဟုတ်) အင်္ဂလိပ် တစ်မျိုးပြုလုပ်ပါက မှတ်ပုံတင်ကြေး ကျပ် ၁၀,၀၀၀ ပေးသွင်း ထားသည့်ပြေစာနှင့် (၃)လအတွင်း ရိုက်ထားသော ပတ်(စ်) ပို့ ဓါတ်ပုံ(၂)ပုံ၊
(ဂ) P.A မှတ်ပုံတင်လက်မှတ် (မြန်မာ+အင်္ဂလိပ်) (၂) မျိုးပြုလုပ်ပါက မှတ်ပုံတင်ကြေး ကျပ် ၁၀,၅၀၀ ပေးသွင်း ထားသည့်ပြေစာ နှင့် (၃) လအတွင်း ရိုက်ထားသော ပတ်(စ်)ပို့ ဓါတ်ပုံ (၄) ပုံ၊
(ဃ) P.A သက်တမ်းတိုးရန် နှစ်ပြတ်ခဲ့ပါက နှစ်ပြတ်ကြေး တစ်နှစ် ၄,၀၀၀ ကျပ်နှုန်းဖြင့် နှစ်ပြတ်သည့် အရေအတွက် အတိုင်း ပေးသွင်းရန်နှင့် P.A သက်တမ်းတိုးသည့် နှစ် အတွက် နှစ်စဉ်ကြေး မြန်မာတစ်မျိုး (သို့) အင်္ဂလိပ် တစ်မျိုး အတွက် ကျပ် ၁၀,၀၀၀နှင့် ဓါတ်ပုံ (၂) ပုံ၊ (သို့မဟုတ်) မြန်မာ+အင်္ဂလိပ် ပြုလုပ်ပါက ကျပ်၁၀,၅၀၀ နှင့် ပတ်(စ်)ပို့ ဓါတ်ပုံ (၄) ပုံ၊
(င) နှစ်စဉ်ဇန်နဝါရီလအတွင်း သက်တမ်းတိုးကာလ သတ်မှတ်ထားပါသဖြင့် ဇန်နဝါရီ လကုန်(၃၁) ရက်ထက် ကျော်မှ လာရောက်သက်တမ်းတိုးသူများ နောက်ကျကြေး ကျပ် ၄,၀၀၀ ပေးသွင်းရန်၊