၁။ ၂၀၁၆ ခုနှစ်၊ စက်တင်ဘာလ(၇)ရက်နေ့ နံနက် ၁၀း၀၀ နာရီ၌ ပြည်ထောင်စုစာရင်းစစ်ချုပ်ရုံး၊ စုပေါင်းခန်းမတွင် အခြေခံစာရင်းကိုင်နှင့် ရုံးလုပ်ငန်း ကျွမ်းကျင်မှု အမှတ်စဉ်(၂၂၆)သင်တန်း သင်တန်းဆင်းပွဲအခမ်းအနား ကျင်းပ ခဲ့ရာ ပြည်ထောင်စုစာရင်းစစ်ချုပ် တက်ရောက်၍ သင်တန်းဆင်းလမ်းညွှန်အမှာ စကား ပြောကြားခဲ့ပါသည်။
၂။ အဆိုပါအခမ်းအနားသို့ ညွှန်ကြားရေးမှူးချုပ် (စစ်ဆေးရေးဦးစီးဌာန)၊ ဒုတိယ ညွန်ကြားရေးမှူးချုပ်များ၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ ကထိကများနှင့် သင်တန်းသား/သင်တန်းသူ (၁၄၃ ) ဦး တက်ရောက်ခဲ့ကြပါသည်။
၃။ အခမ်းအနားတွင် ပြည်ထောင်စုစာရင်းစစ်ချုပ်က အောက်ပါအချက်များကို လမ်းညွှန် မှာကြားခဲ့ပါသည်-
- သင်တန်းသားများအနေဖြင့် သင်တန်းကိုပြီးဆုံးအောင်တက်ရောက်ခဲ့သည့်အတွက် ချီးကျုး စကားပြောကြားချင်သလို စာမေးပွဲကိုလည်း အောင်မြင်စွာဖြေဆိုနိုင်လိမ့်မယ်လို့ ကြိုတင် ချီးကျုးစကားပြောကြားလိုကြောင်း၊
- မိမိတို့၏ဌာနတွင် တာဝန်ထမ်းဆောင်သည့်အခါ သင်တန်းကပို့ချပေးလိုက်သည့် စာတွေ့ ဗဟုသုတ အသိပညာများကို သက်ဆိုင်ရာကဏ္ဍများအလိုက် လက်တွေ့အသုံးချနိုင်လိမ့် မည်ဟု မျှော်လင့်ကြောင်း၊ လက်တွေ့အသုံးချနိုင်အောင် ကြိုးစားရန်အတွက်လည်း တိုက်တွန်းပြောကြားလိုကြောင်း၊
- သင်တန်းများပြီးဆုံးအောင်မြင်မှသာ ရာထူးတိုးမြှင့်မည်ဖြစ်သောကြောင့် မိမိတို့ရာထူး တိုးမြှင့်ရေးကို အထောက်အပံ့ဖြစ်စေရန် ရည်ရွယ်ချက်ဖြင့် လာတက်ကြတဲ့သူပဲဖြစ်ဖြစ်၊ ဌာနမှ တာဝန်ပေးစေလွှတ်သောကြောင့် တာဝန်အရလာတက်ကြတဲ့သူပဲဖြစ်ဖြစ် အချိန် ကုန် ငွေကုန်ခံပြီး သင်တန်းကိုလာတက်ကြရကြောင်း၊ ထို့ကြောင့်မိမိတို့အတွက်လည်း အကျိုးရှိ၊ ဌာနအတွက်လည်း အကျိုးရှိ၊ နိုင်ငံအတွက်လည်း အကျိုးရှိအောင် သင်ကြားပေးသည့် ပညာရပ်များကို လက်တွေ့လုပ်ငန်းခွင်တွင် အသုံးချစေလိုကြောင်း၊ သို့မှသာလျှင် လုပ်အားဆုံးရှုံးခံပြီး သင်တန်းစေလွှတ်ပေးသည့် မိခင်ဌာနများအနေဖြင့် ရည်မှန်းချက်များလည်း ပြည့်ဝနိုင်သလို နိုင်ငံအတွက်လည်း အကျိုးဖြစ်ထွန်း နိုင်မည် ဖြစ်ကြောင်း၊
- သင်တန်းပြီးဆုံးအောင်မြင်ပြီး နောက်ပိုင်းတွင်လည်း သင်တန်းကပို့ချပေးလိုက်သည့် ဘာသာရပ်များအားလုံးကို စဉ်ဆက်မပြတ်လေ့လာဆည်းပူးပြီး လုပ်ငန်းများဆောင်ရွက်ရာ တွင် စည်းမျဉ်းစည်းကမ်းများနှင့်အညီဆောင်ရွက်တတ်အောင် မိမိကိုယ်မိမိ ပြုစုပျိုးထောင် ကြရန်လိုအပ်ကြောင်း၊
- ဘဏ္ဍာရေးစည်းမျဉ်းမှ ပို့ချပေးလိုက်သည့် ငွေကြေးဆောင်ရွက်မှုဆိုင်ရာပြဋ္ဌာန်းချက်များ၊ ဘဏ္ဍာရေးကျင့်စဉ်ကြီးများ စသည့်စည်းမျဉ်းများကို လက်တွေ့လုပ်ငန်းခွင်နယ်ပယ်တွင် လက်တွေ့အသုံးချပြီးအသုံးစရိတ်များသုံးစွဲသည့်အခါ စည်းမျဉ်းစည်းကမ်းနှင့်မကိုက်ညီမှု များတွေ့ရှိခဲ့လျှင်လည်း တည့်မတ်ပြင်ဆင်ပေးကြပါရန် အထူးမှာကြားလိုကြောင်း၊
- အခြေခံစာရင်းပညာနှင့်ဦးစီးဌာနပညာ ဘာသာရပ်ဆိုင်ရာ ဗဟုသုတများကို မိမိတာဝန်ယူ ပြုစုရသည့် စာရင်းဇယားကိန်းဂဏန်းများကို အမှားအယွင်းကင်းရှင်းပြီး တိကျမှန်ကန်ပြည့်စုံသည့် ကိန်းဂဏန်းများ ပေါ်ထွက်လာအောင် စာရင်းပြုစု ပေးကြရန် တိုက်တွန်း မှာကြားလိုကြောင်း၊ စတိုပစ္စည်းစာရင်းထားနည်း ဘာသာရပ်မှ သင်ကြားပေးလိုက်သည့် စာတွေ့ ဗဟုသုတများကို အခြေခံပြီး မိမိတို့တာဝန်ယူရသည့် ဌာနအဖွဲ့အစည်းများ၏ လုပ်ငန်းစဉ်များတွင် မှန်မှန်ကန်ကန် စနစ်တကျ ဆောင်ရွက်ခြင်းဖြင့် နိုင်ငံတော်၏ ပျက်စီးဆုံးရှုံးမှုများကို အတိုင်းအတာ တစ်ခုအထိ ကာကွယ်နိုင်အောင် လက်တွေ့လိုက်နာကျင့်သုံး ဆောင်ရွက်ကြရန် တိုက်တွန်းမှာကြားလိုကြောင်း၊
- စာမေးပွဲကျင်းပမှုစနစ်နှင့်ပတ်သက်ပြီး ပြည်ထောင်စုစာရင်းစစ်ချုပ်ရုံးမှ ဖွင့်လှစ်သည့် သင်တန်းအားလုံးတွင် ကထိကနှင့်စာစစ်မှူးကို သီးခြားစီထားရှိကြောင်း၊ စာမေးပွဲကို သင်တန်းဆင်းအရည်အချင်း သတ်မှတ်ချက်အဆင့်အဖြစ် ထုတ်ပြန်ပြီး သက်ဆိုင်ရာ ဝန်ကြီးဌာနများကို ပေးပို့သွားမည်ဖြစ်ကြောင်း၊ သင်တန်းစာမေးပွဲကို တစ်ကြိမ်သာ ဖြေဆို ခွင့်ရှိသလို အခွင့်အရေးရရှိခိုက် ကြိုးစားကြရန် ပြောကြားလိုကြောင်း၊
- နိဂုံးချုပ်အနေဖြင့် သင်တန်းသူ / သင်တန်းသားများအားလုံး စာမေးပွဲကို ထူးချွန်စွာ အောင်မြင်ပြီး နောက်တစ်ဆင့်သင်တန်းများဖြစ်သည့် အလယ်အလတ်အဆင့်/ အဆင့်မြင့် စာရင်းကိုင်သင်တန်းများကိုလည်း တက်ရောက်နိုင်ကြပြီး မိမိတို့သည် နိုင်ငံ့ဝန်ထမ်းများ ဖြစ်တာနှင့်အညီ ဝန်ထမ်းများ စောင့်ထိန်းလိုက်နာရမည့် ကျင့်ဝတ်စည်းကမ်းများကို အလေးထားလိုက်နာကြရန်လိုအပ်သလို သင်တန်းစည်းမျဉ်း၊ စည်းကမ်းများကိုလည်း တိတိကျကျ လိုက်နာစောင့်ထိန်းကြပြီး နိုင်ငံ့အကျိုး၊ ပြည်သူ့အကျိုးကို ဆထက်ထမ်းပိုးတိုး ပြီး ဆောင်ရွက်နိုင်သည့် ဝန်ထမ်းကောင်းများ ဖြစ်ကြပါစေကြောင်း၊
၄။ သင်တန်းဆင်းပွဲအခမ်းအနားကို နံနက် ၁၀း၃၀ နာရီတွင် ရုပ်သိမ်းခဲ့ပါသည်။