၁။ ပြည်ထောင်စုစာရင်းစစ်ချုပ် ဦးမော်သန်းသည် ဂျာမန်အပြည်ပြည်ဆိုင်ရာ ပူးပေါင်းဆောင်ရွက်ရေးအဖွဲ့ (GIZ) မှ Mr.Armin Hofmann ဦးဆောင်သောအဖွဲ့အား ၂၀၂၀ ပြည့်နှစ်၊ ဖေဖော်ဝါရီလ (၁၀) ရက်နေ့၊ နေ့လယ် ၂:၀၀ နာရီတွင် ပြည်ထောင်စုစာရင်းစစ်ချုပ်ရုံး၊ ဧည့်ခန်းမ၌ လက်ခံတွေ့ဆုံခဲ့ပါသည်။
၂။ ထိုသို့တွေ့ဆုံဆွေးနွေးရာတွင် GIZ အထောက်အပံ့ဖြင့် အကောင်အထည်ဖော်ဆောင်ရွက် လျက်ရှိသည့် ဘဏ်လုပ်ငန်းနှင့် ဘဏ္ဍာရေးကဏ္ဍ ဖွံ့ဖြိုးတိုးတက်ရေးစီမံချက်ကို ဘဏ်လုပ်ငန်းကဏ္ဍ ဘဏ္ဍာရေးအစီရင်ခံခြင်းစံများ အကောင်အထည်ဖော်ရေးကော်မတီ (BFRIC) မှ တစ်ဆင့် ဆောင်ရွက်နေမှုများ၊ အဆိုပါကော်မတီကို ပိုမိုအားကောင်းလာစေရန် အကြံပြုချက်များ၊ လာမည့် (၃) နှစ်အတွင်း စီမံချက်အား ဆက်လက် အကောင်အထည်ဖော်ဆောင်ရွက်ရာတွင် လိုအပ်ချက်များနှင့်စပ်လျဉ်း၍ ဆွေးနွေးခဲ့ကြပါသည်။
၃။ အဆိုပါဆွေးနွေးပွဲသို့ ပြည်ထောင်စုစာရင်းစစ်ချုပ်ရုံးမှ အမြဲတမ်းအတွင်းဝန်၊ ညွှန်ကြားရေးမှူးချုပ်(စစ်ဆေးရေး) နှင့် တာဝန်ရှိသူများ တက်ရောက်ခဲ့ကြပါသည်။