ပြည်ထောင်စုစာရင်းစစ်ချုပ်ရုံး
စာရင်းစစ် - ၃ များ လုပ်ငန်းခွင်ကျွမ်းကျင်မှုသင်တန်း အမှတ်စဉ် - ၅၀
သင်တန်းသူ/ သားများ လွှတ်တော်လေ့လာရေးခရီးအစီအစဉ်
သတင်းထုတ်ပြန်ချက်
၂၀၂၀ ပြည့်နှစ်၊ ဖေဖော်ဝါရီလ ၁၈ ရက်
ပြည်ထောင်စုစာရင်းစစ်ချုပ်ရုံး၊ နေပြည်တော်သင်တန်းကျောင်းမှ လက်ထောက်ညွှန်ကြားရေးမှူး ဒေါ်သန္တာမော် ဦးဆောင်သည့် အုပ်ချုပ်သူအဖွဲ့နှင့် စာရင်းစစ် - ၃ များ လုပ်ငန်းခွင်ကျွမ်းကျင်မှု သင်တန်း အမှတ်စဉ် - ၅၀ သင်တန်းသူ / သားများ စုစုပေါင်း ၁၂၄ ဦးတို့သည် ၇ - ၂ - ၂၀၂၀ ရက်နေ့တွင် ကျင်းပသည့် ဒုတိယအကြိမ်ပြည်သူ့လွှတ်တော် ၁၅ ကြိမ်မြောက် ပုံမှန်အစည်းအဝေး ပဉ္စမနေ့ ကျင်းပမှုများကို လေ့လာခဲ့ကြပါသည်။ ပြည်သူ့လွှတ်တော်အစည်းအဝေးပြီးနောက် အမျိုးသား လွှတ်တော်သို့ ဆက်လက်သွားရောက်လေ့လာခဲ့ရာ အမျိုးသားလွှတ်တော်ရုံးတာဝန်ရှိသူများက လွှတ်တော်ရေးရာဗဟုသုတများ၊ လွှတ်တော်ရေးရာကော်မတီများ ဖွဲ့စည်းထားရှိမှု၊ လွှတ်တော်ကိုယ်စားလှယ်များ ဆောင်ရွက်သည့်လုပ်ငန်းများ စသည်တို့ကို ရှင်းလင်းပေးခဲ့ကြပြီး လေ့လာသူများက သိရှိလို၍ မေးမြန်းမှုများကို ပြန်လည်ဖြေကြား ပေးခဲ့ကြပါသည်။ ပုံမှန်အစည်းအဝေးကျင်းပမှုများနှင့် အမျိုးသားလွှတ်တော်ရုံးတို့မှ တာဝန်ရှိသူများက လွှတ်တော် အသီးသီး၏ လုပ်ငန်းဆောင်ရွက်ပုံ၊ လွှတ်ရေးရာဗဟုသုတများ၊ လွှတ်တော်အဆောက်အဦး ဖွဲ့စည်းမှုဆိုင်ရာ မှတ်သားဖွယ်ရာများကို ရှင်းလင်းပေးခဲ့ကြပြီး သင်တန်းသူ/ သားများကသိရှိလို၍ မေးမြန်းမှု များကိုလည်း ပြန်လည်ဖြေကြားပေးခဲ့ကြပါသည်။