ပြည်ထောင်စုစာရင်းစစ်ချုပ် ဦးမော်သန်း
ရှမ်းပြည်နယ်(မြောက်ပိုင်း) ကျောက်မဲခရိုင်၊ လားရှိုးခရိုင်နှင့် မူဆယ်ခရိုင်အတွင်းရှိ ခရိုင်/ မြို့နယ် စာရင်းစစ်ဝန်ထမ်းများနှင့်တွေ့ဆုံ
ပြည်ထောင်စုစာရင်းစစ်ချုပ်သည် ပြည်ထောင်စုစာရင်းစစ်ချုပ်ရုံး အမြဲတမ်းအတွင်းဝန် လိုက်ပါလျက် ၁၁-၆-၂၀၁၉ မှ ၁၄-၆-၂၀၁၉ ထိ ရှမ်းပြည်နယ်(မြောက်ပိုင်း) ကျောက်မဲခရိုင်၊ လားရှိုး ခရိုင်နှင့် မူဆယ်ခရိုင်အတွင်းရှိ ခရိုင်/ မြို့နယ်စာရင်းစစ်ရုံးဝန်ထမ်းများနှင့်တွေ့ဆုံ၍ လုပ်ငန်းဆိုင်ရာ ကိစ္စရပ်များကို လမ်းညွှန်မှာကြားခဲ့ပါသည်။
ရှေးဦးစွာ ပြည်ထောင်စုစာရင်းစစ်ချုပ်က ရုံးများ၏ စီမံရေးရာနှင့် စစ်ဆေးရေးလုပ်ငန်းအခြေ အနေကို သိရှိရန်လာရောက်ခြင်းဖြစ်ကြောင်း၊ စာရင်းကိုင်စာရင်းစစ်လုပ်ငန်းသည် အပြစ်ကင်းစင် သော လုပ်ငန်းဖြစ်ပြီး၊ မွန်မြတ်ကောင်းမွန်သော အသက်မွေးဝမ်းကြောင်းဖြစ်ကြောင်း၊ ဤအလုပ်ကို အထောက်အကူရရှိစေရန် အောက်ပါအချက်များကို မှာကြားလိုကြောင်း ပြောကြားပါသည်။
မှာကြားလိုသည့် ပထမအချက်မှာ အဆင့်ဆင့်အကြီးအကဲများမှ ဝန်ထမ်းများအပေါ် ထားရှိ သည့် မျှော်လင့်ချက်များကို အသိပေးလိုကြောင်း၊ ၎င်းတို့မှာ တစ်ဦးချင်းဖြစ်စေ၊ အဖွဲ့အစည်းအလိုက် ဖြစ်စေ၊ အားကိုးလောက်သည့် ယုံကြည်မှုရရှိလိုခြင်း၊ နာမည်ကောင်းရရှိစေရန် ရိုးသားကြိုးစားစေ ခြင်း၊ အကောင်းမြင်ဝါဒကို စွဲကိုင်ထားစေလိုခြင်း၊ ကြီးပွားတိုးတက်လိုသည့် စိတ်ရှိပြီး၊ ရာထူးတိုး ချင်စိတ်ရှိရန်လိုခြင်း၊ ကိုယ့်အလုပ်ကို ကျွမ်းကျင်မှုရှိစေလိုခြင်း၊ အလုပ်အပေါ် တာဝန် ယူမှု၊ တာဝန် ခံမှုရှိရမည်ဖြစ်ခြင်း၊ ကတိသစ္စာတည်မြဲစေလိုခြင်း တို့ကို ပြောကြားခဲ့ပါသည်။
ဒုတိယအချက်အနေဖြင့် စာရင်းပညာလောကမှာ ပညာရှင်များ၊ ပညာသည်များ ကျင့်ဝတ်(၅) ခုဖြစ်သည့် ဖြောင့်မတ်၊ တည်ကြည်၊ သိက္ခာ၊ သမာဓိ ရှိခြင်း၊ နည်းပညာရပ်ဆိုင်ရာနှင့်ပတ်သက်၍ ကျွမ်းကျင်မှုရှိခြင်း၊ လုပ်ငန်းဆောင်ရွက်ရာတွင် အစစအရာရာ လုံ့လဝိရိယထားရှိခြင်း၊ ပွင့်လင်း မြင်သာမှု ရှိရမည်ဆိုသော်လည်း ဥပဒေဘောင်အတွင်း ထုတ်ဖော်မပြောရမည့် ကိစ္စရပ်များကို လျှို့ဝှက်ထိန်းသိမ်းရမည်ဖြစ်ခြင်း၊ ကိုယ့်အဖွဲ့ အကျိုးစီးပွား၊ စစ်ဆေးခံအဖွဲ့အစည်း အကျိုးစီးပွား၊ ပြည်သူလူထုအကျိုးစီပွားတို့ကို လုပ်ကိုင်ဆောင်ရွက်ရန်လိုကြောင်း ပြောကြားခဲ့ပါသည်။ ထို့အပြင် မြန်မာ့ယဉ်ကျေးမှုဘောင်အတွင်း ငါးပါးသီလ လုံခြုံစေပြီး အချင်းချင်း မေတ္တာ၊ ဂရုဏာ ထားရန် လိုအပ်ကြောင်း ပြောကြားပါသည်။
တတိယအချက်အနေဖြင့် ဗလငါးတန်ဖြစ်သည့် ကာယဗလ၊ မိတ္တဗလ၊ ဉာဏဗလ၊ စိတ္တဗလ၊ ဘောဂဗလတို့ဖြင့် ပြည့်စုံအောင်နေလျှင် ကြီးပွားတိုးတက်မည်ဖြစ်ကြောင်းနှင့် စတုတ္ထအချက် အနေ ဖြင့် မိမိတို့ရုံး ဝန်ထမ်းအချင်းချင်း တစ်ဦးနှင့်တစ်ဦးကိုယ့်အထက်၊ ကိုယ့်အောက် အပြန်အလှန် လေးစားရန်လိုအပ်ကြောင်း လမ်းညွှန်မှာကြားပါသည်။
အလုပ်ကို ပျော်ပျော်ရွှင်ရွှင်၊ စည်းစည်းလုံးလုံးနှင့် ဆောင်ရွက်ရန်လိုခြင်း၊ မွေ့လျော်အောင် နေရန်လိုအပ်ခြင်း၊ ကိုယ်ရောက်တဲ့အရပ်မှာ ကိုယ့်အရပ်လို သဘောထားပြီး အဝေးမှရောက်ရှိလာ သောဝန်ထမ်းများကိုလည်း ဒေသခံများမှ နွေးထွေးပျူငှာစွာ ဆက်ဆံရန်လိုခြင်း၊ ကိုယ်ရောက်နေ သည့်ကာလအတွင်း ဒေသန္တရ ဗဟုသုတများ၊ ဓလေ့စရိုက် ယဉ်ကျေးမှုများကို လေ့လာစေလို ကြောင်း ပြောကြားခဲ့ပါသည်။
ပြည်ထောင်စုစာရင်းစစ်ချုပ်ရုံး ဆောင်ပုဒ်ဖြစ်သည့် “ပြည်သူ့ဘဏ္ဍာစီမံခန့်ခွဲမှုတိုးတက် ကောင်းမွန်စေရေး ထိန်းကျောင်းပေး” ဆိုသည်နှင့်အညီ ပြည်ထောင်စုစာရင်းစစ်ချုပ်ဥပဒေအရ စစ်ဆေးခြင်းတွင် တီထွင်ဆန်းသစ်မှုများ မြှင့်တင်ခြင်း၊ ပြုပြင်ပြောင်းလဲမှုများလိုက်လျောညီထွေမှု ရှိရန်လိုခြင်း၊ စီမံကိန်းနှင့်ဘဏ္ဍာရေးဝန်ကြီးဌာနမှ နောက်ဆုံးထုတ်ပြန်ထားသော ညွှန်ကြားချက် များ၊ အရအသုံးဥပဒေများ၊ ကြွေးမြီဥပဒေများ၊ အခွန်အကောက်ဥပဒေများ၊ မြေပြင်အခြေအနေနှင့် လိုက်လျောမှုရှိမရှိစစ်ဆေးရန်လိုကြောင်း၊ သက်ဆိုင်ရာအဖွဲ့အစည်းများသည် ရငွေများကို ပြည့်ဝ အောင်ရရှိစေရေး၊ အသုံးစရိတ်များကို ခြိုးခြိုးခြံခြံသုံးစွဲစေရေးနှင့် လုပ်ငန်းဆောင်ရွက်ချက်များသည် စွမ်းရည်ပြည့်ဝပြီး ထိရောက်အောင်မြင်မှု ရှိမရှိ စစ်ဆေးရမည်ဖြစ်ကြောင်းကို လမ်းညွှန်ပြောကြားခဲ့ ပါသည်။
နိဂုံးချုပ်အနေဖြင့် တိုင်းဒေသကြီး၊ ပြည်နယ်၊ ခရိုင်၊ မြို့နယ်အားလုံး စည်းလုံးညီညွတ်စွာနှင့် ပေးထားသည့် တာဝန်များကို လိုလိုလားလားဆောင်ရွက်ရန် ၊ မိမိကိုယ်တိုင် မွေ့လျော်ပျော်အောင် နေရန်လိုကြောင်း၊ စိတ်ချမ်းသာပျော်ရွှင်မှုရှိတဲ့ သူနှင့် ပျော်ရွှင်မှုမရှိတဲ့သူတွေကြား လုပ်ငန်းဆောင် ရွက်မှု 25% ကွာခြားနိုင်ကြောင်းတွေ့ရသည့်အတွက် ပြည်ထောင်စုသမ္မတမြန်မာနိုင်ငံတော် အတွင်း ရှိ မည်သည့်အရပ်ဒေသတွင်မဆို ကိုယ့်အရပ်ဒေသလို့ မှတ်ယူနေထိုင်ကြစေလိုကြောင်း လမ်းညွှန် ပြောကြားခဲ့ပါသည်။
ယင်းနောက် ပြည်ထောင်စုစာရင်းစစ်ချုပ်ရုံး ၊ အမြဲတမ်းအတွင်းဝန်မှ မှာကြားရာတွင် ပြည်ထောင်စုစာရင်းစစ်ချုပ်ဥပဒ ၂၀၁၈ ပြင်ဆင်ချက်အရ လုပ်ငန်းတာဝန်များ ပိုမိုကြီးမားလာ ကြောင်း၊ စစ်ဆေးရေးလုပ်ငန်းများဆောင်ရွက်ရာတွင် ရိုးသားဖြောင့်မတ်သည့် စိတ်ဓာတ်နှင့်စစ်သင့် စစ်ထိုက်သည့် ဧရိယာမှန်ကန်စွာ ရွေးချယ်စစ်ဆေးရမည်ဖြစ်ကြောင်း၊ စစ်ဆေးတွေ့ရှိချက်အစီရင်ခံ စာရေးသားရာတွင် ကျစ်လစ်သိပ်သည်းစွာဖြင့် မချွင်းမချန် ရေးသားရန်လိုကြောင်း၊ ရုံးချုပ်တွင် Performance Audit ကို ဆောင်ရွက်နေပြီဖြစ်ကြောင်း၊ ဝန်ထမ်းများ ပညာရပ်ဆိုင်ရာများ တိုးတက် ရန်လိုအပ်သဖြင့် စာများများဖတ်ရန်၊ ဗဟုသုတကြွယ်ဝရန်လိုကြောင်း၊ ပြည်ထောင်စုစာရင်းစစ်ချုပ် ရုံး၏ ဆောင်ပုဒ်နှင့်အညီ ဆောင်ရွက်ရန်နှင့် ဝန်ထမ်းတစ်ဦးချင်းမှစ၍ ကျင့်ဝတ်သိက္ခာရှိပြီး အားလုံး ၏ စံပြဖြစ်ရန်လိုကြောင်း ပြောကြားခဲ့ပါသည်။