၁။ ၂၀၁၈ ခုနှစ်၊ ဒီဇင်ဘာလ ( ၂၇ ) ရက်နေ့ နံနက် ( ၉ း ၀၀ ) နာရီတွင် ပြည်ထောင်စု စာရင်းစစ်ချုပ်ရုံး စုပေါင်းခန်းမ၌ စာရင်းစစ် - ၁ များ လုပ်ငန်းခွင် ကျွမ်းကျင်မှု သင်တန်းအမှတ်စဉ် - ၃၄ သင်တန်း ဖွင့်ပွဲအခမ်းအနား ကျင်းပရာ ပြည် ထောင်စုစာရင်းစစ် ချုပ် တက်ရောက်၍ သင်တန်းဖွင့် အမှာစကား ပြောကြားခဲ့ပါ သည်။
၂။ အဆိုပါ အခမ်းအနားသို့ ပြည်ထောင်စု စာရင်းစစ်ချုပ်ရုံးမှ တာဝန်ရှိပုဂ္ဂိုလ်များ၊ သင်တန်းကထိကများနှင့် သင်တန်းသား/သင်တန်းသူ( ၁၁၂ )ဦး တက်ရောက်ခဲ့ပါသည်။
၃။ အခမ်းအနားတွင် ပြည်ထောင်စုစာရင်းစစ်ချုပ်က -
- ဤသင်တန်းကို အားကိုးအားထားပြုနိုင်သော ကျွမ်းကျင်ဝန်ထမ်းများ ပိုမို ပေါ်ထွက်လာရေး ၊ စာရင်းပညာရှင်များ တိုးပွားလာစေရေးနှင့် အသိပညာ ဗဟုသုတများ လက်ဆင့်ကမ်းပို့ချရေး ရည်ရွယ်ချက်များဖြင့် ဖွင့်လှစ်ခြင်း ဖြစ်ကြောင်း၊
- ယခင် သင်တန်း အပတ်စဉ်များတွင် ပို့ချခဲ့သည့် Financial Audit ၊ Performance Audit ၊ ဝန်ထမ်းစည်းမျဉ်း၊ ဘဏ္ဍာရေးစည်းမျဉ်း၊ အခွန်ဘာသာရပ်၊ အင်္ဂလိပ်စာစသည့် ဘာသာရပ်များအပြင် စာရင်းစစ် - ၁ များ သိသင့်သိ ထိုက်သော Project စစ်ဆေး ခြင်း၊ Budget စစ်ဆေးခြင်း၊ International Public Sector Accounting Standards, IPSAS နှင့် Compliance Audit ဘာသာရပ်များကိုလည်း ပို့ချပေးသွားမည်ဖြစ်ကြောင်း၊
- စာရင်းစစ်- ၁ များသည် စစ်ဆေးရေးအဖွဲ့၏ ခေါင်းဆောင်အဖြစ် တာဝန်ယူ ဆောင်ရွက်ကြရသည့်အတွက် အရေးပါသည့် တာဝန်ထမ်းဆောင်ကြရသူများဖြစ်ပြီး သတိသမ္ပဇဉ် အပြည့်ဖြင့် ဆောင်ရွက်ကြရန်၊ Professional Ethics များကို လိုက်နာကြရန်နှင့် ကျင့်ဝတ်စောင့်ထိန်း လိုက်နာကြသူများ ဖြစ်ရန် လိုအပ်ပါကြောင်း၊
- စစ်ဆေးရေး လုပ်ငန်းစဉ် တစ်လျှောက်လုံး စဉ်းစားချင့်ချိန်၍ သုံးသပ်ဆင်ခြင်ဉာဏ်ဖြင့် ချိတ်ဆက်တွေးခေါ် ဆောင်ရွက်ကြရန် မှာကြားလိုကြောင်း၊
- စစ်ဆေးရေး လုပ်ငန်းသည် နိုင်ငံ့အကျိုးနှင့် ပြည်သူ့အကျိုးကို ထမ်းဆောင် ခြင်းဖြစ်၍ မွန်မြတ်ကြောင်း၊
- စစ်ဆေးရေးလုပ်ငန်းများကို ပြောင်းလဲလာသည့်ခေတ်နှင့်အညီ ရင်ဘောင် တန်းနိုင်အောင် အထူးကြိုးစားကြရန် လိုအပ်ကြောင်းနှင့် ပြည်ထောင်စု စာရင်းစစ်ချုပ်ဥပဒေက အပ်နှင်းထားသောတာဝန်များကို ကျေကျေပွန်ပွန် ဆောင်ရွက်သွား ကြဖို့ တိုက်တွန်းပါကြောင်း လမ်းညွှန်မှာကြားခဲ့ပါသည်။
၄။ အခမ်းအနားကို နံနက်( ၉ း ၃၀ ) နာရီတွင် ရုပ်သိမ်းခဲ့ပါသည်။