1. U Maw Than, Union Auditor General, received the delegation led by Mr. Marc de la Fouchardiere, Acting Executive Director of the European Chamber of Commerce (Euro Cham Myanmar) at the Call Room of the Office of the Auditor General of the Union, Nay Pyi Taw at 10:00 am on 6^th  June, 2019.
2. During the meeting, the delegates clarified the goals and activities of the Euro Cham Myanmar’s Anti-illict Trade Advocacy Group, their efforts to advocate combatting illicit trade, and challenges they were facing.
3. The Permanent Secretary, the Director General (Audit Department), the Deputy Permanent Secretary, the Deputy Director General and responsible persons from the Office of the Auditor General of the Union attended the meeting.

ပြည်ထောင်စုစာရင်းစစ်ချုပ်ရုံး

သတင်းထုတ်ပြန်ချက်

၂၀၁၉ ခုနှစ်၊ ဇွန်လ ( ၄ )   ရက်

၁။     ၂၀၁၉ ခုနှစ်၊ ဇွန်လ ( ၄ ) ရက်နေ့နံနက် ၉ : ၀၀ နာရီ၌ ပြည်ထောင်စုစာရင်းစစ်ချုပ်ရုံး၊ စုပေါင်းခန်းမတွင် လက်ထောက်ညွှန်ကြားရေးမှူးများမွမ်းမံသင်တန်းအမှတ်စဉ် (၁/၂၀၁၉) ဖွင့်ပွဲအခမ်းအနားကျင်းပခဲ့ရာ ပြည်ထောင်စုစာရင်းစစ်ချုပ် ဦးမော်သန်းတက်ရောက်၍ သင်တန်းဖွင့်လမ်းညွှန်အမှာစကား ပြောကြားခဲ့ပါသည်။

၂။         အဆိုပါအခမ်းအနားသို့ ပြည်ထောင်စုစာရင်းစစ်ချုပ်ရုံးမှ တာဝန်ရှိပုဂ္ဂိုလ်များ၊ သင်တန်းကထိကများနှင့် သင်တန်းသူ/ သင်တန်းသား (၇၇) ဦး တက်ရောက်ခဲ့ကြပါသည်။

၃။         အခမ်းအနားတွင် ပြည်ထောင်စုစာရင်းစစ်ချုပ်က အောက်ပါအတိုင်း လမ်းညွှန်မှာကြားခဲ့ပါသည်-

• စာရင်းစစ်ဆေးခြင်း၏ ရည်ရွယ်ချက်မှာ အဖွဲ့အစည်းများ၏ လုပ်ငန်းဆောင်ရွက်ချက်များသည် နိုင်ငံတော်နှင့်ပြည်သူအတွက် မည်သည့်အတိုင်းအတာပမာဏအထိ အကျိုးသက်ရောက်မှု ရှိ မရှိ စိစစ်သုံးသပ်နိုင်အောင် စစ်ဆေးခြင်းဖြစ်သည်ကို သိရှိနားလည်ထားရမည်ဖြစ်ကြောင်း၊
• စစ်ဆေးရေးလုပ်ငန်းများဆောင်ရွက်ကြရာတွင် သမရိုးကျတွေးခေါ်လုပ်ကိုင်ခြင်းအပြင် လိုအပ်သည့်အခြေအနေများတွင်  ဖောက်ထွက်တွေးခြင်း (Think out of the box) ဆိုတဲ့ အတွေးအမြင်သစ်များထားရှိလုပ်ကိုင်ရန်နှင့်  နိုင်ငံတကာကျင့်ထုံးများကိုလည်းမပြတ်လေ့လာရန် လိုအပ်ကြောင်း၊
• ခေတ်စနစ်အရ တိုးတက်ပြောင်းလဲလျက်ရှိသော ဥပဒေ၊ နည်းဥပဒေ၊ လုပ်ထုံးလုပ်နည်း၊ စည်းမျဉ်းများကို လက်လှမ်းမီသိရှိနိုင်ရေး မပြတ်ဖြည့်ဆည်းကြမှသာ စာရင်းစစ်ထင်မြင်ယူဆချက်၊ အကြံပြုချက်များကို မှန်ကန်မျှတသောအမြင်ဖြင့် သုံးသပ်နိုင်မည်ဖြစ်ကြောင်း၊
• မိမိတို့အဖွဲ့အစည်း၏ လုပ်ငန်းတစ်ခုတည်းကိုသာ ကျွမ်းကျင်မှုရှိရုံမျှသာမက ဆက်စပ်အဖွဲ့ အစည်းများ၏ ပြောင်းလဲလာမှုများကိုလည်း သိရှိနားလည်ရန်လိုအပ်ကြောင်း၊
• ဤရုံး၏ “ပြည်သူ့ဘဏ္ဍာစီမံခန့်ခွဲမှု တိုးတက်ကောင်းမွန်စေရေး ထိန်းကျောင်းပေး” ဟူသော ဆောင်ပုဒ်နှင့်အညီ ဌာနအဖွဲ့အစည်းများ၏ လုပ်ငန်းဆောင်ရွက်မှုများတွင် စည်းမျဉ်းမကျနမှု၊ ဌာနတွင်းကြီးကြပ်ကွပ်ကဲမှု အားနည်းချက်များ တွေ့ရှိပါက  အပြုအသဘောဝေဖန်ထောက်ပြ ခြင်း၊ ဓမ္မဓိဋ္ဌာန်ကျသော ရှုထောင့်အမြင်ဖြင့်အကြံပြုခြင်း ဆောင်ရွက်ပေးရန်လိုကြောင်း၊
• ဤသင်တန်းတွင် ကထိကများ၏အသိပညာဆင့်ပွားပေးခြင်း (Knowledge Transfer) အပိုင်းနဲ့ သင်တန်းသူ/သင်တန်းသား အချင်းချင်းအတွေ့အကြုံဖလှယ်ခြင်း (Experience Sharing) အပိုင်းများကို မျှမျှတတထည့်သွင်းပို့ချသွားမည် ဖြစ်ပါကြောင်း၊
• လက်ထောက်ညွှန်ကြားရေးမှူးများအနေဖြင့် ပြည်သူ့ဝန်ထမ်းများဖြစ်သည့်အားလျော်စွာ နိုင်ငံတော်နှင့်ပြည်သူ့အကျိုးအတွက် အလုပ်ကိုရိုးသားကြိုးစားလုပ်ကိုင်ကြရန်၊ ပြည်သူ့အကျိုးစီးပွား တိုးတက်စေရေးအတွက် ကျရာတာဝန်ကို ကျေပွန်စွာထမ်းဆောင်ခြင်းဖြင့် အလုပ်အကျွေးပြုကြရန်လိုအပ်ကြောင်း၊

၄။         သင်တန်းဖွင့်ပွဲအခမ်းအနားကို နံနက်  ၉  :  ၃၀ နာရီတွင် ရုပ်သိမ်းခဲ့ပါသည်။

ပြည်ထောင်စုစာရင်းစစ်ချုပ်ရုံး

သတင်းထုတ်ပြန်ချက်

ရက်စွဲ ၊ ၂၀၁၉ ခုနှစ် ဇွန်လ (၃)ရက်

၁။         ၂၀၁၉ ခုနှစ်၊ ဇွန်လ (၃)ရက်နေ့ နံနက် ၉ း ၀၀ နာရီ၌ မြန်မာနိုင်ငံစာရင်းကောင်စီရုံး သင်တန်း ကျောင်းခန်းမ ၊ ရန်ကုန်မြို့တွင် ၂၀၁၉ - ၂၀၂၀ ပညာသင်နှစ် ဒီပလိုမာစာရင်းကိုင် (ဒုတိယပိုင်း) သင်တန်း အမှတ်စဉ်-၃၉ သင်တန်းဖွင့်ပွဲအခမ်းအနား ကျင်းပခဲ့ရာ မြန်မာနိုင်ငံစာရင်းကောင်စီဉက္က ပြည်ထောင်စု စာရင်းစစ်ချုပ် တက်ရောက်၍ သင်တန်းဖွင့်လမ်းညွှန်အမှာစကားပြောကြားခဲ့ပါသည်။

၂။         အဆိုပါအခမ်းအနားသို့ မြန်မာနိုင်ငံစာရင်းကောင်စီအဖွဲ့ဝင်များ ၊  သင်တန်းကထိကများ ၊ သင်တန်း သား ၊ သင်တန်းသူများနှင့် မြန်မာနိုင်ငံစာရင်းကောင်စီရုံးမှ တာဝန်ရှိသူများ တက်ရောက်ကြပါသည်။

၃။         အခမ်းအနားတွင် မြန်မာနိုင်ငံစာရင်းကောင်စီဉက္ကဌ ပြည်ထောင်စုစာရင်းစစ်ချုပ်က အောက်ပါ အတိုင်း လမ်းညွှန်မှာကြားခဲ့ပါသည်-

- မြန်မာနိုင်ငံစာရင်းကောင်စီဟာ နိုင်ငံတော်၏ စီးပွားရေးဖွံ့ဖြိုးတိုးတက်မှုအတွက် အထောက်အကူ ပြုမည့် အရည်အချင်းပြည့်မီသော စာရင်းပညာရှင်များ ၊ စာရင်းပညာတတ်ကျွမ်းသူများ တိုးပွား လာစေရန်ရည်ရွယ်၍ လက်မှတ်ရပြည်သူ့စာရင်းကိုင်နှင့် ဒီပလိုမာစာရင်းကိုင်သင်တန်းများကို နှစ်စဉ် စဉ်ဆက်မပြတ် ဖွင့်လှစ်သင်ကြားပေးလျက်ရှိကြောင်း

- DA သင်တန်း အောင်မြင်သူများကို စာရင်းပညာတတ်ကျွမ်းသူများအဖြစ် အသိအမှတ်ပြုမှာဖြစ် ကြောင်း ၊ ၎င်းပြင် CPA သင်တန်းရဲ့ ဝင်ပေါက်တစ်ခုအဖြစ် ဖွင့်ပေးထားပါကြောင်း ၊ DA သင်တန်း အောင်မြင်သူများအနေဖြင့် CPA ကို တိုက်ရိုက်တက်ခွင့်ရကြမှာဖြစ်ကြောင်း

- ဒီအစီအစဉ်ဟာ စာရင်းပညာတတ်ကျွမ်းသူများကို စာရင်းပညာရှင်များဖြစ်ခွင့်ရအောင် ဆောင်ရွက်  ပေးနေတဲ့ မြန်မာနိုင်ငံစာရင်းကောင်စီရဲ့ ဆောင်ရွက်ချက်တစ်ခုဖြစ်ပြီး နိုင်ငံ၏လူ့စွမ်းအား အရင်းအမြစ်ဖွံ့ဖြိုးတိုးတက်ရေးအတွက် ကြိုးပမ်းချက်တစ်ရပ်လည်းဖြစ်ကြောင်း

- ၂၀၁၇ - ၂၀၁၈ ခုနှစ်မှ စတင်ပြီး ဒီပလိုမာစာရင်းကိုင်(ဒုတိယပိုင်း)ဘာသာရပ်များကို Module 1 ၊ Module 2 ခွဲခြားသတ်မှတ်ထားပါကြောင်း ၊ ကနဦးဖြေဆိုချိန်တွင် ဘာသာရပ်အားလုံးဖြေဆို ကြရမှာဖြစ်ပါကြောင်း ၊ အောင်စာရင်းကိုလည်း အမျိုးအစားခွဲခြားထုတ်ပြန်ပေးလျက်ရှိပါကြောင်း

- သတ်မှတ်ထားတဲ့သင်တန်းချိန်ကိုလည်း အချိန်မီတက်ရောက်ကြဖို့လိုပါကြောင်း ၊ သင်တန်း ကျောင်းမှာတက်ရောက်သူများအနေဖြင့် စာမေးပွဲဖြေဆိုခွင့်ရရှိရန် သင်တန်းချိန် ၆၀ % ပြည့်မီဖို့ လိုပါကြောင်း ၊ ဘာသာရပ်တစ်ခုတွင် ၆၀ % မပြည့်မီပါက ထိုနှစ်အတွက် ကျင်းပမည့်စာမေးပွဲကို ဝင်ရောက်ဖြေဆိုခွင့်ပြုမှာ မဟုတ်တဲ့အတွက် သင်တန်းချိန်များကို ပြည့်မီအောင် တက်ရောက် ကြပါလို့ အထူးမှာကြားလိုပါကြောင်း

- သင်တန်းသားများအနေဖြင့် မိမိတို့ရဲ့ စာရင်းပညာဗဟုသုတများ တိုးတက်စေရေးအတွက် စာရင်း ပညာနှင့်  တိုက်ရိုက်ဖြစ်စေ၊ သွယ်ဝိုက်၍ဖြစ်စေ အကျုံးဝင်သက်ဆိုင်တဲ့ စာအုပ်စာတမ်းများကို ရှာဖွေရယူဖတ်ရှုပြီး သက်ဆိုင်ရာအချက်အလက်များကို ကောက်နှုတ်စုဆောင်းကြပါ ၊ အချိန်နှင့် အမျှ ပြောင်းလဲတိုးတက်နေတဲ့ အခြေအနေများကို မျက်ခြေမပြတ်လေ့လာ မှတ်သားကြပါ၊ ဗဟုသုတကြွယ်ဝသူများထံချဉ်းကပ်၍ နည်းကောင်းလမ်းကောင်းများကို မေးမြန်းစုံစမ်းနာယူပြီး အတုယူမှတ်သားကြပါ ၊ မိမိတို့၏အရည်အချင်းများ တိုးတက်ဖြစ်ထွန်းလာစေရန် အစဉ်တစိုက် ကြိုးပမ်းကြပါလို့ အလေးအနက်ထား  မှာကြားလိုပါကြောင်း

- သင်တန်းကာလအတွင်း သင်တန်းစည်းကမ်းများနှင့်အညီ လေ့လာသင်ယူပြီး ထူးချွန်အောင်မြင် သော ၊အရည်အချင်းပြည့်ဝသည့် ကျင့်ဝတ်သိက္ခာနှင့်ပြည့်စုံသော၊ နိုင်ငံနှင့်ပြည်သူ့အကျိုးအတွက်  အားကိုးအားထားရသော စာရင်းပညာတတ်ကျွမ်းသူများဖြစ်အောင် ကြိုးပမ်းကြပါလို့ တိုက်တွန်း မှာကြားလိုပါကြောင်း

၄။         သင်တန်းဖွင့်ပွဲအခမ်းအနားကို နံနက် ၉ း ၃၀ နာရီတွင် ရုပ်သိမ်းခဲ့ပါသည်။