၁။ ၂၀၁၃ ခုနှစ်၊ ဇူလိုင်လ (၂၆)ရက် နံနက် ၉း၀၀ နာရီတွင် ပြည်ထောင်စုစာရင်းစစ်ချုပ်ရုံး၊ အစည်းအဝေး ခန်းမ၌ အဆင့်မြင့်စာရင်းကိုင်နှင့်ရုံးလုပ်ငန်း ကျွမ်းကျင်မှုသင်တန်း အမှတ်စဉ်(၉၁)သင်တန်းဆင်းပွဲ အခမ်းအနားကျင်းပခဲ့ရာ ဒုတိယစာရင်းစစ်ချုပ်ဦးမျိုးမြင့် တက်ရောက်၍သင်တန်းဆင်းလမ်းညွှန်အမှာစကား ပြောကြားခဲ့ပါသည်။
၂။ အဆိုပါအခမ်းအနားသို့ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ ကထိကများနှင့် သင်တန်းသား/သူ (၅၈) ဦးတက်ရောက်ကြပါသည်။
၃။ အခမ်းအနားတွင် ဒုတိယစာရင်းစစ်ချုပ် ဦးမျိုးမြင့် က အောက်ပါအချက်များကို လမ်းညွှန်မှာကြား ခဲ့ပါသည်-
- သင်တန်းကာလအတွင်းမှာ တာဝန်ယူသင်ကြားပေးတဲ့ ကထိကများအားလုံးကို သင်တန်းသားများကိုယ်စားကျေးဇူးတင်ရှိပါကြောင်း၊ သင်တန်းကာလပြီးဆုံးသည်အထိ စာရင်းစစ် ချုပ်ရုံးမှ ကထိကများနှင့်အတူ ပြင်ပဌာနမှ ကထိကများလည်း ပူးပေါင်းပါဝင်သင်ကြားပေးခဲ့ကြောင်း
- သင်တန်းသားများကလည်း သင်တန်းကာလ(၃)လအတွင်းမှာ သင်ကြားပေးခဲ့သည်များကို အသုံးချပြီး စာမေးပွဲကိုလည်း အဆင့်မြင့်မြင့် အောင်မြင်စေရန် ကြိုးစားရမှာဖြစ်ကြောင်း၊ သင်တန်းမှ သင်ကြားပေးခဲ့သည်များမှာ လက်တွေ့လုပ်ငန်းနယ်ပယ်၌ အနည်းနှင့်အများ အသုံးတည့်မှာ ဖြစ်ကြောင်း
- ပြောင်းလဲနေမှုများကို မျက်ခြေမပြတ်၊ စဉ်ဆက်မပြတ်လေ့လာဆည်းပူးနေကြရန်ဖြစ်ကြောင်း
- ဗဟုသုတများကြွယ်ဝသည့် ဝန်ထမ်းများဖြစ်အောင်ကြိုးစား၍ ဌာနမှအားထားရပြီး စွမ်းရည်ထက် မြက်သည့် ဝန်ထမ်းများဖြစ်ရန် အစဉ်တစိုက်ကြိုးစားနေကြရန်လိုအပ်ကြောင်း
၄။ သင်တန်းဆင်းပွဲအခမ်းအနားကို နံနက် ၁၀း၀၀ နာရီတွင် ရုပ်သိမ်းခဲ့ပါသည်။

၁။ ၂၀၁၃ ခုနှစ်၊ ဇူလိုင်လ(၂၃)ရက် နံနက် ၉း၀၀နာရီတွင် ပြည်ထောင်စုစာရင်းစစ်ချုပ်ရုံး အစည်းအဝေးခန်းမ၌ စာရင်းစစ်များလုပ်ငန်းခွင်ကျွမ်းကျင်မှု သင်တန်းအမှတ်စဉ် (၃၉) သင်တန်းဖွင့်ပွဲ အခမ်းအနားကျင်းပရာ ဒုတိယစာရင်းစစ်ချုပ်ဦးမျိူးမြင့်မှ သင်တန်းဖွင့် လမ်းညွှန် အမှာစကားပြောကြားခဲ့ပါသည်။
၂။ အဆိုပါအခမ်းအနားသို့ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ ကထိကများနှင့် သင်တန်းသား/သူ (၈၅)ဦး တက်ရောက်ကြပါသည်။
၃။ အခမ်းအနားတွင်ဒုတိယစာရင်းစစ်ချုပ်ဦးမျိုးမြင့်က လမ်းညွှန်မှာကြားရာတွင်-
- စာရင်းပညာသည် အမြဲရှင်သန်တိုးတက်ပြောင်းလဲနေပြီး ထိုပြောင်းလဲမှုနှင့်အညီ နည်းစနစ်များ Procedure များ၊ Approach များကို Updateဖြစ်ရန်အတွက် ယခုကဲ့သို့ မွမ်းမံသင်တန်းများ ဖွင့်လှစ် ပေးရခြင်းဖြစ်ကြောင်း
- စာရင်းစစ်များသည် စာရင်းကိုင်များပြုစုပြီးသော စာရင်းများကို စစ်ဆေးရခြင်းဖြစ်ရာအမှား၊ အမှန် ထောက်ပြနိုင်ရန်အတွက် အသိပညာ၊ ဗဟုသုတ၊ အတွေးအခေါ်များ များပြားရန်လိုကြောင်း၊ ထိုကြောင့် သင်တန်းမှ သင်ကြားပေးသည်များကို အပတ်တကုတ် လေ့လာဆည်းပူးကြရန်လိုကြောင်း
- စစ်ဆေးရမည့်အဖွဲ့အစည်းများနှင့် ဆက်ဆံရာတွင်လည်း စာရင်းစစ်များသည်လုပ်ငန်းသဘော၊ သဘာဝအရ စစ်ရမေးရသည်ဖြစ်ရာ ဝန်ထမ်းအချင်းချင်း လေးလေးစားစားဖြင့် လူကြီးလူကောင်းဆန်စွာ ဆက်ဆံကြရမည်ဖြစ်ကြောင်း
- စာရင်းစစ်များသည် မိမိတို့၏ စာရင်းစစ်တာဝန်ကိုပါ ကျေပွန်ရမည့်အပြင် မိမိအထက်အဆင့် စာရင်းစစ်မှူးများ၏ လုပ်ငန်းတာဝန်များကိုပါ ထမ်းဆောင်နိုင်သည့် အရည်အချင်းများ ပြည့်ဝစေရန် ကြိုးပမ်းဆောင်ရွက်ခြင်းဖြင့်  ဝန်ထမ်းဘဝ တစ်လျှောက် အောင်မြင်တိုးတက်မှုများ ရရှိနိုင်လာမည်ဖြစ်ကြောင်း မှာကြားခဲ့ပါသည်။
၄။ သင်တန်းဖွင့်ပွဲ အခမ်းအနားကို နံနက် ၁၀း၀၀ နာရီတွင် ရုပ်သိမ်းခဲ့ပါသည်။

၁။ ၂၀၁၃ ခုနှစ်၊ ဇူလိုင်လ(၁)ရက် နံနက် ၁၁း၀၀ နာရီတွင်ပြည်ထောင်စုစာရင်းစစ်ချုပ်ရုံး၊  အစည်း
  အဝေးခန်းမ၌အင်္ဂလိပ်ဘာသာစကားသင်တန်းဖွင့်ပွဲ အခမ်းအနား ကျင်းပခဲ့ရာပြည်ထောင်စုစာရင်း
စစ်ချုပ် ဦးသိန်းထိုက် တက်ရောက်၍ သင်တန်းဖွင့်လမ်းညွှန်အမှာစကားပြောကြားခဲ့ပါသည်။ 
၂။ အဆိုပါအခမ်းအနားသို့ ဒုတိယစာရင်းစစ်ချုပ်၊ ဒုတိယညွှန်ကြားရေးမှုးချုပ်များ၊ညွှန်ကြားရေး
မှုးများ၊ ဒုတိယညွှန်ကြားရေးမှုးများ၊ ကထိကနှင့်သင်တန်းသူ/သင်တန်းသား(၂၀)ဦးနှင့်ဝန်ထမ်း
များတက်ရောက်ကြပါသည်။
၃။ အခမ်းအနားတွင် ပြည်ထောင်စုစာရင်းစစ်ချုပ် ဦးသိန်းထိုက် က အောက်ပါအချက်များကို
လမ်းညွှန်မှာကြားခဲ့ပါသည်-
- ယခုဖွင့်လှစ်တဲ့ အင်္ဂလိပ်သာသာသင်တန်းကို ပြည်ထောင်စုစာရင်းစစ်ချုပ်ရုံး ဝန်ထမ်းများ တာဝန်ထမ်ဆောင်ရာမှာ လုပ်ငန်းလိုအပ်ချက်အရ Language တစ်ခုအနေနှင့် သင်ကြား
ပေးခြင်းဖြစ်ကြောင်း၊ နယ်ပယ်ပေါင်းစုံတွင် အင်္ဂလိပ်ဘာသာသည် အရေးပါလျက်ရှိသည့်အတွက် မိမိတို့နိုင်ငံ၏ပုံရိပ်ကို အပြည်ပြည်ဆိုင်ရာနယ်ပယ်ကဏ္ဍအစုံတွင် မြှင့်တင်နိုင်ရန် အင်္ဂလိပ်ဘာသာကို အသုံးပြုဆောင်ရွက်ရမှာဖြစ်၍ လေ့လာထားရမှာဖြစ်ကြောင်း
- ၂၀၁၂ ခုနှစ်မှစ၍ စီးပွားရေးအပြာင်းအလဲ၊ အုပ်ချုပ်ရေးအပြောင်းအလဲများအရှိန်အဟုန်မြှင့် ဆောင်ရွက်လာသည့်အတွက် နိုင်ငံခြားသားများနှင့် ထိတွေ့ဆက်ဆံရသည့် ကိစ္စများစွာရှိလာကြောင်း၊ မြန်မာနိုင်ငံသည် ၂၀၁၄ ဇန်နဝါရီမှ ဒီဇင်ဘာလအထိ ASEAN ဥက္ကဌအဖြစ် တာဝန်ယူဆောင်ရွက်ရမည်ဖြစ်ကြောင်း၊ ASEAN ဆိုင်ရာ Conference,Meeting, Seminar, Forum များကို ရာနှင့်ချီ၍ ကျင်းပရမည်ဖြစ်ကြောင်း၊ ပြည်ထောင်စုစာရင်းစစ်ချုပ်ရုံးမှလည်း ဘာသာရပ်ဆိုင်ရာ အစည်းအဝေးများ၊ ဆွေးနွေးပွဲများတာဝန်ယူကျင်းပရမည်ဖြစ်ကြောင်း၊ ပြည်တွင်းမှာ ကျင်းပမည့် နိုင်ငံ တကာအဆင့်မီ အစည်းအဝေးများ၊ ဆွေးနွေးပွဲများကျင်းပသည့် အခမ်းအနားများတွင် မိမိတို့ရုံးမှဝန်ထမ်း များအနေဖြင့် အင်္ဂလိပ်ဘာသာစကားကို သွက်လက်ချက်ခြာစွာပြောဆို ဦးဆောင်ပါဝင်နိုင်ရေးအတွက် ဝဿန် Education Centre နှင့်ပူပေါင်း၍ ယခုကဲ့သို့ Language သင်တန်းကို ဖွင့်လှစ်သင်ကြား ပေးခြင်းဖြစ်ကြောင်း
- ယခုသင်တန်းသည် သင်တန်းသားများအတွက် အင်္ဂလိပ်သာသာနှင့်ပတ်သက်သည့် ရှိထားသည့်အရည်အချင်းကို အရှိန်အဟုန်ဖြင့် မြှင့်တင်ပေးခြင်းဖြစ်၍ (၃)လတာကာလအတွင်း Lecturer သင်ကြားပေးသည်ထက် မိမိကိုယ်တိုင် ပိုတော်ပိုကျွမ်းကျင်မှုရှိအောင် ကြိုးစားသင်ယူကြစေလိုကြောင်း
- သင်ကြားပေးသည့် ဝဿန် Education Centre မှ Lecturer မှလည်း သင်တန်းသားများကို အစဉ်အဆက်မှသင်ကြားပေးခဲ့သော တပည့်များကဲ့သို့ မှတ်ယူပြီး Listening နှင့် Speaking 2 Skills ကို ဖိဖိစီးစီးဖြင့် သင်ကြားပေးရန် အပ်နှံပါကြောင်း၊ ရုံးဝန်ထမ်းများအတွက် Capacity Building မြှင့်တင်ရာမှာ English Language ကျွမ်းကျင်မှုသည်လည်း တစ်ခုအပါအဝင်ဖြစ်၍ ဤရုံးကလည်း လိုအပ်သည်များကို ပံ့ပိုးပေးမည်ဖြစ်ကြောင်း၊
၄။ သင်တန်းဖွင့်ပွဲအခမ်းအနားကို နံနက် ၁၁း၄၅ နာရီတွင် ရုပ်သိမ်းခဲ့ပါသည်။

၁။ ၂၀၁၃ ခုနှစ်၊မေလ(၁၃)ရက် နေ့လညျ ၂း၃၀ နာရီတွင် ပြည်ထောင်စုစာရင်းစစ်ချုပ်ရုံး၊ အစည်းအဝေး ခန်းမ၌ စာရင်းစစ်မှူးများလုပ်ငန်းခွင်ကျွမ်းကျင်မှုသင်တန်း အမှတ်စဉ်(၂၇) သင်တန်းဖွင့်ပွဲအခမ်းအနား ကျင်းပခဲ့ရာ ပြည်ထောင်စုစာရင်းစစ်ချုပ် ဦးသိန်းထိုက် တက်ရောက်၍ သင်တန်းဖွင့်လမ်းညွှန်အမှာစကား ပြောကြားခဲ့ ပါသည်။

၂။ အဆိုပါအခမ်းအနားသို့ ဒုတိယစာရင်းစစ်ချုပ်၊ ညွန်ကြားရေးမှူးချုပ်၊ ဒုတိယညွှန်ကြားရေးမှူးချုပ်၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ ကထိကများနှင့် သင်တန်းသား/သင်တန်းသူ(၁၁၄)ဦး တက်ရောက်ကြပါသည်။

၃။ အခမ်းအနားတွင် ပြည်ထောင်စုစာရင်းစစ်ချုပ် ဦးသိန်းထိုက် မှ အောက်ပါအချက်များကို မှာကြားခဲ့ပါ သည်-
- သင်တန်းသားစာရင်းစစ်မှူးများသည် အဖွဲ့အစည်းတစ်ခုအား မစစ်ဆေးမီစစ်ဆေးရေး အစီအစဉ် Audit Programme ရေးဆွဲရာ၌ မိမိစစ်ဆေးရမည့်အဖွဲ့အစည်း၏ လုပ်ငန်း သဘောတရားကို ကျေညက်စွာသိရှိနားလည်ထားရန်လိုအပ်ကြောင်းနှင့် လက်တွေ့သတိ ထားပြီး စစ်ဆေးဆောင်ရွက်ရမည့် အလုပ်တာဝန်များကျန်ရှိနေသည်ကို သတိပြုရန် လိုအပ် ကြောင်း၊
- သင်တန်းသားစာရင်းစစ်မှူးများသည် ပြည်သူ့ဘဏ္ဍာငွေမှ ခွဲဝေချထားပေးငွေများကို ထဲထဲ ဝင်ဝင်စစ်ဆေးရသော အဖွဲ့အစည်းဖြစ်၍ စာရင်းစစ်စံနှုှန်းများဖြင့် စစ်ဆေးရမည့် အဖွဲ့အစည်း အတွက် စေတနာကောင်းကောင်းထား၍ စစ်ဆေးရန် လိုအပ်ကြောင်းနှင့် မိမိတို့သည် နိုင်ငံ့ဝန်ထမ်းများပီပီ စစ်ဆေးရမည့်အဖွဲ့အစည်းများအား မိမိတတ်သည့်ပညာဖြင့် အကူအညီ ပေးရမည်ဟု စိတ်တွင်မှတ်ယူထားရန်လိုအပ်ကြောင်း
- သင်တန်းသား/သူများအနေဖြင့် ဘာသာရပ်ဆိုင်ရာကထိကများမှ သင်ကြားပေး သည်များကို အလေးအနက်ထားသင်ယူပြီး စာတွေနှင့်လက်တွေ့ပေါင်းစပ်ပါက အမှန်တကယ်ကျွမ်းကျင်၍  အရည်အချင်းပြည့်ဝသော စာရင်းစစ်မှူးများ ဖြစ်လာနိုင်ကြောင်း
- သင်တန်းသားစာရင်းစစ်မှူးများသည် ဒေသအသီးသီးမှ ဝန်ထမ်းများဖြစ်၍ စစ်ဆေးရေးအတွေ့ အကြုံများ၊ မိမိတို့၏ အားသာချက်အားနည်းချက်များကို ဤသင်တန်းတွင် အပြန်အလှန် ဆွေးနွေးတင်ပြမှုမျိုး ပြုလုပ်သင့်ကြောင်း
- စည်းကမ်းစနစ်သည် လူတစ်ဦး၏ဘဝတည်ဆောက်ရေးအတွက် လွန်စွာအရေးကြီး၍ နိုင်ငံ့ တာဝန်ကို မြင့်မြင့်မားမားထမ်းဆောင်နိုင်ဖို့၊ အောင်မြင်တိုးတက်ဖို့အတွက် စည်းကမ်း စနစ်ကောင်းရှိမှသာ ကြီးပွားတိုးတက်မည်ဖြစ်ကြောင်းနှင့် သင်တန်းသားများသည် အောင်မြင် ကြီးပွားတိုးတက်မှုရလိုလျှင် စည်းကမ်းစနစ်ရှိပါဟု အထူးတိုက်တွန်းလိုကြောင်း  

၄။ သင်တန်းဖွင့်ပွဲအခမ်းအနားကို ညနေ ၄း၃၀ နာရီတွင် ရုပ်သိမ်းခဲ့ပါသည်။