ပြည်ထောင်စုစာရင်းစစ်ချုပ်ရုံး

သတင်းထုတ်ပြန်ချက်

၂၀၁၉ ခုနှစ်၊ မတ်လ (   ၁  ) ရက်

၁။        ၂၀၁၉ ခုနှစ်၊ မတ်လ (၁) ရက်နေ့ နံနက် (၉ : ၀၀) နာရီအချိန်တွင် ပြည်ထောင်စုစာရင်းစစ်ချုပ် ရုံး၊ စုပေါင်းခန်းမ၌ စာရင်းစစ်-၁ များ လုပ်ငန်းခွင်ကျွမ်းကျင်မှုသင်တန်း အမှတ်စဉ်-၃၄ သင်တန်း ဆင်းပွဲအခမ်းအနားကျင်းပရာ ပြည်ထောင်စုစာရင်းစစ်ချုပ်တက်ရောက်၍ သင်တန်းဆင်းအမှာစကား ပြောကြားခဲ့ပါသည်-

၂။         အဆိုပါအခမ်းအနားသို့ ပြည်ထောင်စုစာရင်းစစ်ချုပ်ရုံးမှ တာဝန်ရှိပုဂ္ဂိုလ်များ၊ သင်တန်း ကထိကများနှင့် သင်တန်းသား/သူ ( ၁၁၂ ) ဦး တက်ရောက်ခဲ့ပါသည်။

၃။        အခမ်းအနားတွင် ပြည်ထောင်စုစာရင်းစစ်ချုပ်က အောက်ပါတို့ကို လမ်းညွှန်မိန့်ကြားခဲ့ပါသည်-

• စာရင်းစစ် - ၁ များသည် စစ်ဆေးရေးအဖွဲ့များတွင် အဖွဲ့ခေါင်းဆောင်အဖြစ် ဆောင်ရွက် ကြသည့်အတွက် လုပ်ငန်းကျွမ်းကျင်မှုနှင့် စွမ်းဆောင်ရည်ပြည့်ဝစွာ ဆောင်ရွက်ကြရန် လိုအပ်ကြောင်း၊
• သင်တန်းမှ ပို့ချလိုက်သည့် အတတ်ပညာ၊ ဗဟုသုတများဖြင့်သာရပ်မနေဘဲ ကိုယ်တိုင် လေ့လာဆည်းပူးခြင်း( Self Education ) လုပ်ရန်လိုအပ်ကြောင်း၊
• ကိုယ်ကျင့်တရားကောင်းမွန်သော ဝန်ထမ်းကောင်းများအဖြစ် နိုင်ငံ၏အကျိုးစီးပွားများကို ကာကွယ်စောင့်ရှောက်နိုင်သောသူများ ဖြစ်စေလိုကြောင်း၊
• ခေါင်းဆောင်မှုပေးရမည့်ရာထူး၌ ခေါင်းဆောင်မှုစွမ်းရည်ရှိရန် လိုအပ်ကြောင်း၊ Creative Thinking ကောင်းအောင် ပျိုးထောင်စေလိုကြောင်း၊
• စစ်ဆေးရေးအဖွဲ့များတွင် ခေါင်းဆောင်ဖြစ်သည့် စာရင်းစစ် - ၁ များသည် စာရင်းစစ် - ၃ များကို သင့်တင့်မျှတစွာ တာဝန်ခွဲဝေပေးရန် လိုအပ်ကြောင်း၊
• Team Work ဖြင့် လုပ်ကိုင်ဆောင်ရွက်တတ်ရန် လိုအပ်ကြောင်း၊
• စာရင်းစစ်ဆေးရေးလုပ်ငန်းများကို ရိုးသားဖြောင့်မတ်စွာဖြင့် ဥပဒေ၊ စည်းကမ်း၊ ကျင့်ဝတ် ဘောင်အတွင်း ရိုးရိုးသားသား သိက္ခာရှိရှိဖြင့် စာရင်းစစ်ဝန်ထမ်းကောင်းများအဖြစ် ပြုမူ နေထိုင်ကြရန် တိုက်တွန်းလိုကြောင်း၊

၄။အခမ်းအနားကို နံနက် ( ၉ : ၃၀ ) နာရီ အချိန်တွင် ရုပ်သိမ်းခဲ့ပါသည်။

U Maw Than, the Auditor General of the Union, received the delegation from the World Bank led by Mr. Serdar Yilmaz, Lead Public Sector Specialist, at the Call Room of the Office of the Auditor General of the Union, Nay Pyi Taw at 9:30 a.m on 1st February, 2019.
During this meeting, they discussed the matters concerning the transition of Public Sector Accounting Standards and Financial Reporting in accordance with International Public Sector Accounting Standards-IPSAS and International Financial Reporting Standards – IFRS.
The Director General (Audit Department), the Deputy Permanent Secretary, the Deputy Director General and responsible persons from the Office of the Auditor General of the Union attended the meeting. 

၁။      ပြည်ထောင်စုစာရင်းစစ်ချုပ် ဦးမော်သန်းသည် International Federation of  Accountants (IFAC) မှ Technical Manager ဖြစ်သူ Ms. Marta Russell ၊ Association of Chartered Certified Accountants (ACCA) မှ Head of Capacity Building ဖြစ်သူ Ms. Mahalah Groves နှင့် Myanmar Institute of Certified Public Accountants (MICPA) မှ ဥက္ကဋ္ဌ ဦးဝမ်းတင်တို့ ဦးဆောင်သောကိုယ်စားလှယ်အဖွဲ့အား ၂၀၁၉ ခုနှစ်၊ ဇန်နဝါရီလ (၃၀) ရက်နေ့၊ နံနက် ၁၀:၀၀ နာရီတွင် နေပြည်တော်ရှိ ပြည်ထောင်စုစာရင်းစစ်ချုပ်ရုံး၊ အစည်းအဝေးခန်းမ၌ လက်ခံတွေ့ဆုံခဲ့ပါသည်။

၂။      ထိုသို့တွေ့ဆုံရာတွင် MICPA အား IFAC အဖွဲ့ဝင်အဖြစ် လက်ခံနိုင်ရေး ဆောင်ရွက်နေမှုများ၊ MICPA က အကောင်အထည်ဖော်ဆောင်ရွက်မည့် မဟာဗျူဟာ (၂၀၁၉-၂၀၂၃) နှင့် အဆိုပါမဟာဗျူဟာ ရေးဆွဲရာတွင် ACCA က အကူအညီပေးမှုများ၊ MICPA ၏ လက်ရှိဆောင်ရွက်နေမှုများနှင့် စပ်လျဉ်း၍ ဆွေးနွေးခဲ့ကြပါသည်။

၃။      အဆိုပါ တွေ့ဆုံဆွေးနွေးပွဲသို့ ပြည်ထောင်စုစာရင်းစစ်ချုပ်ရုံးမှ အမြဲတမ်းအတွင်းဝန်၊ ညွှန်ကြားရေးမှူးချုပ် (စစ်ဆေးရေးဦးစီးဌာန)၊ ဒုတိယအမြဲတမ်းအတွင်းဝန်၊ ဒုတိယညွှန်ကြားရေးမှူးချုပ်များနှင့် တာဝန်ရှိသူများ တက်ရောက်ခဲ့ကြပါသည်။