ပြည်ထောင်စုစာရင်းစစ်ချုပ်ရုံးရှိ ရုံးစာကြည့်တိုက်အား ဖွံ့ဖြိုးတိုးတက်စေရန်၊ စာကြည့်တိုက်လုပ်ငန်း ရေရှည်တည်တံ့ခိုင်မြဲစေရန်၊ စာဖတ်ခြင်းဖြင့် ဝန်ထမ်းများ၏ အတွေးအခေါ် အယူအဆများ မြင့်မားတိုးတက်စေရန် နှင့် စာကြည့်တိုက်လုပ်ငန်း ဆောင်ရွက်မှုများအား တတ်ကျွမ်းနားလည်ကြစေရန် ရည်ရွယ်ချက်ဖြင့် စာကြည့်တိုက်လုပ်ငန်းဆောင်ရွက်မှုသင်တန်း၊ အမှတ်စဉ်(၁/၂၀၂၀) ကို ပြည်ထောင်စုစာရင်းစစ်ချုပ်ရုံး၊ နေပြည်တော်ရှိ စုပေါင်းခန်းမ၌ ၂၂-၆-၂၀၂၀ ရက်နေ့မှစ၍ စတင်ဖွင့်လှစ်ခဲ့ ပါသည်။
ယင်းသင်တန်းအား ၂၂-၆-၂၀၂၀ ရက်မှ ၂၂-၇-၂၀၂၀ ရက်နေ့ထိ ဖွင့်လှစ်မည်ဖြစ်ပြီး နေပြည်တော်၊ အမျိုးသားစာကြည့်တိုက်ရှိ စာကြည့်တိုက်လုပ်ငန်း ကျွမ်းကျင်သူနည်းပြများမှ စာတွေ့လက်တွေ့ အပါအဝင် စာသင်ချိန်(၄၄)ချိန်အတွက် လာရောက်သင်ကြားပို့ချမည် ဖြစ်ပါသည်။
အဆိုပါသင်တန်းသို့ ပြည်ထောင်စုစာရင်းစစ်ချုပ်ရုံး၊ ရုံးအဖွဲ့(ဦးစီးရုံး)မှ ၂ ဦး၊ ရုံးအဖွဲ့(စီမံကိန်း နှင့်စာရင်းအင်းဌာနခွဲ (စာကြည့်တိုက်)) မှ ၅ ဦး၊ ရုံးအဖွဲ့ (ပြည်တွင်းပြည်ပဆက်ဆံရေးနှင့်သတင်း ပြန်ကြားရေးဌာနခွဲ၊ အုပ်ချုပ်ရေးနှင့်လူ့အရင်းအမြစ်စီမံခန့်ခွဲမှုဌာနခွဲ) မှ ၂ ဦး၊ ရုံးအဖွဲ့(ဌာနတွင်း စာရင်းစစ်နှင့်ဘဏ္ဍာရေးဌာနခွဲ) မှ ၂ ဦး၊ စီမံရေးရာ၊ လေ့ကျင့်ရေးနှင့်သုတေသနဦးစီးဌာန မှ ၄ ဦး၊ စုစုပေါင်း ၁၅ ဦး တက်ရောက်ကြပါသည်။