ပြည်ထောင်စုစာရင်းစစ်ချုပ်ရုံး
သတင်းထုတ်ပြန်ချက်
၂၀၁၉ ခုနှစ်၊ ဒီဇင်ဘာလ ၂၀ ရက်
၁။ ၂၀၁၉ ခုနှစ်၊ ဒီဇင်ဘာလ ၁၈ ရက်နေ့ မွန်းလွဲ ၃ : ၀၀ နာရီတွင် ပြည်ထောင်စုစာရင်းစစ်ချုပ်ရုံး၊ စုပေါင်းခန်းမတွင် ဒုတိယညွှန်ကြားရေးမှူးများမွမ်းမံသင်တန်းအမှတ်စဉ် ( ၁ / ၂၀၁၉ ) သင်တန်းဆင်းပွဲ အခမ်းအနားကျင်းပခဲ့ရာ ပြည်ထောင်စုစာရင်းစစ်ချုပ် တက်ရောက်၍ သင်တန်းဆင်းလမ်းညွှန်အမှာစကား ပြောကြားခဲ့ပါသည်။
၂။ အဆိုပါအခမ်းအနားသို့ ပြည်ထောင်စုစာရင်းစစ်ချုပ်ရုံးမှ အမြဲတမ်းအတွင်းဝန်၊ ညွှန်ကြားရေးမှူးချုပ်နှင့် တာဝန်ရှိပုဂ္ဂိုလ်များ၊ သင်တန်းကထိကများနှင့် သင်တန်းသူ/ သင်တန်းသား ၆၂ ဦး တက်ရောက်ခဲ့ကြပါသည်။
၃။ အခမ်းအနားတွင် ပြည်ထောင်စုစာရင်းစစ်ချုပ်က အောက်ပါအတိုင်း လမ်းညွှန်မှာကြားခဲ့ပါသည် -
- ယခုသင်တန်းသည် ကထိကများ၏ အတွေ့အကြုံ၊ အသိပညာနှင့် သင်တန်းသားများ၏ အတွေ့အကြုံ၊ အသိပညာများ ပေါင်းစည်းဖလှယ်ရေး၊ မွမ်းမံသင်တန်းများဖွင့်လှစ်ခြင်းဖြင့် ဝန်ထမ်းများစွမ်းဆောင်ရည် ပိုမိုအားကောင်းရေးနှင့် စစ်ဆေးရေးလုပ်ငန်းကို ထိရောက်အကျိုးရှိစွာ ဆောင်ရွက်ခြင်းဖြင့် နိုင်ငံနှင့်ပြည်သူ့အကျိုးစီးပွားကို မြှင့်တင်နိုင်ရန် ရည်ရွယ်ပါကြောင်း၊
- ပြည်ထောင်စုစာရင်းစစ်ချုပ်ဥပဒေကို ပြင်ဆင်သည့်ဥပဒေ (၂၀၁၈)အရ နိုင်ငံတော်၏ အရအသုံး စာရင်းများစစ်ဆေးခြင်း၊ လုပ်ငန်းဆောင်ရွက်မှုစစ်ဆေးခြင်း၊ ဝန်ထမ်းဖွဲ့စည်းပုံ၊ ခန့်ထားခြင်း နှင့် လုပ်ငန်းတာဝန်ဆီလျော်မျှတမှုနှင့် အခြားတာဝန်များအပါအဝင် ထမ်းဆောင်ရမည့်တာဝန်များ ပိုမိုကျယ်ပြန့်လာပါကြောင်း၊
- ဥပဒေအရပေးအပ်ထားသည့်တာဝန်ကို ထိထိရောက်ရောက်ဆောင်ရွက်နိုင်ရန် မဟာဗျူဟာစီမံ ချက်( ၂၀၁၈ - ၂၀၂၂) ချမှတ်၍ အဆင့်အလိုက် အကောင်အထည်ဖော်ဆောင်ရွက်လျက်ရှိကြောင်း၊
- ခေတ်စနစ်အရ နည်းပညာတိုးတက်မှုမြန်နှုန်းနှင့်အတူ သတင်းအချက်အလက် ပြောင်းလဲဖြစ်ပေါ် မှုများကို လက်လမ်းမီသိရှိကာ ပေါင်းစပ်ဆောင်ရွက်နိုင်သည့် အရည်အချင်းလိုအပ်ကြောင်း၊
- ပြောင်းလဲလျက်ရှိတဲ့ ခေတ်ရေစီးအရ အသစ်ဖြစ်သော ဗဟုသုတများ၊ အတွေးအမြင်သစ်များကို မျက်ခြည်မပြတ်လက်လှမ်းမီသိရှိနေရန် ကြိုးစားခြင်းဖြင့် တစ်ဦးနှင့်တစ်ဦး၊ အဖွဲ့အစည်း တစ်ခုနှင့်တစ်ခု ချိတ်ဆက်ဆောင်ရွက်ရာတွင် ဗဟုသုတအလှမ်းကွာဟမှုမျိုး (Knowledge Gap) မရှိဘဲ လုပ်ငန်းကို ပို၍ ထိထိရောက်ရောက် လုပ်ကိုင်နိုင်စွမ်းရှိမည် ဖြစ်ပါကြောင်း၊
- မိမိတို့ တစ်ဦးချင်းစီ၏ အရည်အသွေးမြှင့်တင်ခြင်း၊ တာဝန်ကျေပွန်ခြင်း၊ စည်းကမ်းကောင်းမွန် ခြင်းဖြင့် မိမိတို့ရုံး၏ ဂုဏ်သတင်းကို ဆောင်ကြဉ်းနိုင်သော နိုင်ငံ့ဝန်ထမ်းကောင်းများ ဖြစ်ကြ ပါစေလို့ တိုက်တွန်းကြောင်း၊
၄။ သင်တန်းဆင်းပွဲအခမ်းအနားကို မွန်းလွဲ ၃ : ၃၀ နာရီတွင် ရုပ်သိမ်းခဲ့ပါသည်။