ပြည်ထောင်စုစာရင်းစစ်ချုပ်ရုံး
သတင်းထုတ်ပြန်ချက်
၂၀၁၉ ခုနှစ်၊ ဒီဇင်ဘာလ ၂ ရက်
၁။ ၂၁၀၉ ခုနှစ်၊ ဒီဇင်ဘာလ ၂ ရက်နေ့ မွန်းလွဲ ( ၃ : ၀၀ )နာရီတွင် ပြည်ထောင်စုစာရင်းစစ်ချုပ်ရုံး စုပေါင်းခန်းမ၌ အခြေခံစာရင်းကိုင်နှင့် ရုံးလုပ်ငန်းကျွမ်းကျင်မှုသင်တန်း အမှတ်စဉ်- ၂၃၂ သင်တန်းဆင်းပွဲ အခမ်းအနားကျင်းပခဲ့ရာ ပြည်ထောင်းစုစာရင်းစစ်ချုပ် တက်ရောက်၍ သင်တန်းဆင်းလမ်းညွှန် အမှာစကားပြေားကြားခဲ့ပါသည်။
၂။ အဆိုပါအခမ်းအနားသို့ ပြည်ထောင်စုစာရင်းစစ်ချုပ်ရုံးမှ ညွှန်ကြားရေးမှူးချုပ်နှင့် တာဝန်ရှိပုဂ္ဂိုလ်များ၊ သင်တန်းကထိကများနှင့် သင်တန်းသား ၁၉၅ ဦး တက်ရောက်ခဲ့ကြပါသည်။
၃။ အခမ်းအနားတွင် ပြည်ထောင်စုစာရင်းစစ်ချုပ်က အောက်ပါအချက်များကို လမ်းညွှန်မှာကြားခဲ့ပါသည် -
- အခြေခံစာရင်းကိုင်နှင့် ရုံးလုပ်ငန်းကျွမ်းကျင်မှုသင်တန်းကို စာမေးပွဲရက်များ အပါအဝင် ၁၆- ၁၀-၂၀၁၉ ရက်နေ့ မှ ၁၃- ၁၂-၂၀၁၉ ရက်နေ့ထိ သင်တန်းကာလ ၂ လ ဖြင့် ဖွင့်လှစ်ခဲ့ပြီး ဤရုံးတွင် သင်တန်းသား ၁၉၅ ဦးနှင့် သာသနာရေးနှင့် ယဉ်ကျေးမှုဝန်ကြီးဌာန (နေပြည်တော်နှင့် ရန်ကုန်) တွင် ၁၁၀ ဦးအပြင် တိုင်း ဒေသကြီး/ ပြည်နယ်စာရင်းစစ်ချုပ်ရုံး ၄ ခု တို့တွင် ၃၉၀ ဦး စုစုပေါင်း ၆၉၅ ဦး တက်ရောက်ခဲ့ကြောင်း၊
- သင်တန်းတွင် ပို့ချသည့် ဘာသာရပ်များမှာ သင်တန်းသားများ သိသင့်သိထိုက်သည်များကို အခြေခံမှစ၍ ခြုံငုံပါဝင်အောင် ပို့ချခဲ့ကြောင်း၊
- ဝန်ထမ်းများတစ်ဦးချင်းစီ၏ အရည်အသွေးတိုးတက်မှုသည် မိမိအတွက်သာမက မိမိတို့၏အဖွဲ့အစည်းအတွက် အကျိုးရှိသည့်အပြင် နိုင်ငံတော်အတွက်လည်း အကျိုးရှိပါကြောင်း၊
- မိမိတို့လေ့လာသင်ယူခဲ့သည့် ဘာသာရပ်များကို လုပ်ငန်းခွင်တွင် အကျိုးရှိအောင် အသုံးချကြစေလိုပြီး စဉ်ဆက်မပြတ်လေ့လာဆည်းပူးရန်လိုကြောင်း၊
- သင်တန်းသူ/သင်တန်းသားများသည် နိုင်ငံ့ဝန်ထမ်းများဖြစ်သည်နှင့်အညီ စောင့်ထိန်းရမည့် ဝန်ထမ်းကျင့်ဝတ်စည်းကမ်းများကို လိုက်နာစောင့်ထိန်းကြပြီး နိုင်ငံ့အကျိုး၊ ပြည်သူ့အကျိုးကို ဆထက်ထမ်းပိုးတိုး၍ ဆောင်ရွက်နိုင်သော ဝန်ထမ်းကောင်းများ ဖြစ်ကြစေလိုကြောင်း၊
၄။ အခမ်းအနားကို မွန်းလွဲ ၃ : ၃၀ နာရီတွင် ရုပ်သိမ်းခဲ့ပါသည်။