ပြည်ထောင်စုစာရင်းစစ်ချုပ်ရုံး
သတင်းထုတ်ပြန်ချက်
၁။ ၂၀၁၉ ခုနှစ်၊ ဇွန်လ ၁၀ ရက်နေ့ နံနက် ၉ : ၀၀ နာရီ၌ ပြည်ထောင်စုစာရင်းစစ်ချုပ်ရုံး၊ စုပေါင်းခန်းမတွင် အဆင့်မြင့်/အလယ်အလတ်အဆင့်စာရင်းကိုင်နှင့်ရုံးလုပ်ငန်းကျွမ်းကျင်မှုသင်တန်း အမှတ်စဉ် - ၉၉ သင်တန်းဖွင့်ပွဲအခမ်းအနား ကျင်းပခဲ့ရာ ပြည်ထောင်စုစာရင်းစစ်ချုပ်တက်ရောက်၍ သင်တန်းဖွင့်အမှာစကားပြောကြားခဲ့ပါသည်။
၂။ အဆိုပါအခမ်းအနားသို့ ပြည်ထောင်စုစာရင်းစစ်ချုပ်ရုံးမှ တာဝန်ရှိပုဂ္ဂိုလ်များ၊ သင်တန်း ကထိကများနှင့် သင်တန်းသူ/သား ( ၂၇၅ ) ဦး တက်ရောက်ခဲ့ကြပါသည်။
၃။ အခမ်းအနားတွင် ပြည်ထောင်စုစာရင်းစစ်ချုပ်က အောက်ပါအချက်များကို လမ်းညွှန်မှာကြားခဲ့ပါသည်-
- နိုင်ငံတော်အဖွဲ့အစည်းများမှ ဝန်ထမ်းများကို အခြေခံအဆင့်၊ အလယ်အလတ်အဆင့်နှင့် အဆင့်မြင့်စာရင်းကိုင်နှင့်ရုံးလုပ်ငန်းကျွမ်းကျင်မှုသင်တန်းဆိုပြီး အဆင့် ( ၃ ) ဆင့်ခွဲခြားကာ လေ့ကျင့်သင်ကြားပေးလျက်ရှိကြောင်း၊
- နိုင်ငံဝန်ထမ်းများအနေဖြင့် ပြည်သူ့အကျိုးစီးပွားကို ဖော်ဆောင်ရာတွင်ထိရောက်မှုရှိစေရန်နှင့် မိမိတို့၏အလုပ်တာဝန်များကို လုပ်ရည်ကိုင်ရည်ပြည့်ဝစွာ ဆောင်ရွက်နိုင်ရန် အထောက်အကူပြုနိုင်သည့် ဘာသာရပ်များကို သင်ကြားပို့ချပေးခြင်းဖြစ်ကြောင်း၊
- သင်တန်းမှသင်ကြားပေးလိုက်သော ဘာသာရပ်အားလုံးသည် သင်တန်းသူ/သားများ သိသင့်သိထိုက်၍ ထိုက်သင့်သောကျွမ်းကျင်မှုရရှိအောင် ခြုံငုံမိအောင် လေ့ကျင့်သင်ကြားပေးမည်ဖြစ်ကြောင်း၊
- မိမိအလုပ်ကို ကျွမ်းကျင်အောင်မြင်စွာလုပ်ကိုင်နိုင်ခြင်းအားဖြင့် မိမိမှာအကျိုးရှိသကဲ့သို့ မိမိတို့၏အဖွဲ့အစည်း၊ မိမိတို့၏နိုင်ငံမှာလည်း အကျိုးရှိသည်သာမက သင်ကြားပို့ချပေးသည့်ကထိကများ၏ စေတနာကိုလည်း အလေးထားရာရောက်ပါကြောင်း၊
- လုပ်ငန်းဆောင်ရွက်ရာတွင် စာရင်းပညာနားလည်တတ်ကျွမ်းပြီး စည်းမျဉ်းစည်းကမ်းနှင့်အညီ စာရင်းများအမှားအယွင်းမရှိ ရေးဆွဲနိုင်ခြင်းဖြင့် မမှန်မကန်မှု၊ လေလွင့်ဆုံးရှုံးမှုများမဖြစ်အောင် လုပ်ဆောင်ကြရန် မှာကြားလိုကြောင်း၊
- နိဂုံးချုပ်အနေဖြင့် သင်တန်းသူ/သားများအားလုံးသည် ပြည်သူ့ဝန်ထမ်းများဖြစ်သည့်အတွက် ဝန်ထမ်းများစောင့်ထိန်းလိုက်နာရမည့် ကျင့်ဝတ်သိက္ခာ၊ စည်းမျဉ်းစည်းကမ်းများကို အလေးထားလိုက်နာကြရန်၊ မိမိတို့သင်ကြားခဲ့သည့် ပညာရပ်များကို အသုံးချ၍ နိုင်ငံတော်နှင့်ပြည်သူများ၏အကျိုးကို ဖြည့်ဆည်းဆောင်ရွက်ပေးနိုင်သော ဝန်ထမ်းကောင်းများ ဖြစ်ကြစေလိုကြောင်း။
၄။ သင်တန်းဖွင့်ပွဲ အခမ်းအနားကို နံနက် ၉ : ၃၀ နာရီအချိန်တွင် ရုပ်သိမ်းခဲ့ပါသည်။