၁။ ၂၀၁၃ ခုနှစ်၊ သြဂုတ်လ (၈) ရက်နေ့ နေ့လည် ၂း၃၀ နာရီတွင် ပြည်ထောင်စုစာရင်းစစ်ချုပ်ရုံး၊ အစည်းအဝေးခန်းမ၌ အလယ်အလတ်အဆင့် စာရင်းကိုင်နှင့် ရုံးလုပ်ငန်းကျွမ်းကျင်မှုသင်တန်း အမှတ်စဉ်(၉၁)သင်တန်းဆင်းပွဲ အခမ်းအနားကျင်းပခဲ့ရာ ဒုတိယစာရင်းစစ်ချုပ် ဦးမျိုးမြင့်တက်ရောက်၍ သင်တန်းဆင်း လမ်းညွှန်အမှာစကား ပြောကြားခဲ့ပါသည်။
၂။ အဆိုပါ အခမ်းအနားသို့ ညွန်ကြားရေးမှူးချုပ်၊ ဒုတိယညွန်ကြားရေးမှူးချုပ်များ၊ ညွှန်ကြားရေးမှူးများ၊ ကထိကများနှင့် သင်တန်းသား/သင်တန်းသူ(၈၉)ဦးတက်ရောက် ကြပါသည်။
၃။ အခမ်းအနားတွင် ဒုတိယစာရင်းစစ်ချုပ် ဦးမျိုးမြင့်က အောက်ပါအချက်များကို လမ်းညွှန်မှာကြား ခဲ့ပါသည်-
- သင်တန်းကာလအတွင်း ပို့ချပေးခဲ့သည့် စာရင်းပညာရပ်များ၊စာရင်းနှင့်ဆက်စပ်နေသော ပညာရပ်များကို အသုံးချဆောင်ရွက်ခြင်းဖြင့် မိမိဝန်ကြီးဌာနအတွက် အကျိုးရှိသလို မိမိ အတွက်လည်း အကျိုးရှိမှာဖြစ်ကြောင်း
- သင်တန်းတက်ရောက်ပြီးဖြစ်၍ မသိရှိ မတတ်မြောက်သေးသည့် လုပ်ငန်းဆိုင်ရာ အချက်အလက်များကို သိရှိနားလည်လာနိုင်ပြီး ယခင်ကသင်တန်းမတက်ရောက် ရသေး သော အခြေအနေနဲ့ကွာခြားလာမှာကို အလုပ်လုပ်ရင်းနဲ့ သိသာလာမှာဖြစ်ကြောင်း
- သင်တန်းကရရှိတဲ့ ပညာရပ်တွေနဲ့ မိမိတို့လေ့လာဆည်းပူးထားတာတွေကို ပေါင်းစပ်ပြီး မိမိ ကိုယ်ကိုတိုးတက်အောင် စဉ်ဆက်မပြတ် ဆက်လက်လေ့လာ ကြိုးပမ်းလုပ်ဆောင်ကြ ရန် တိုက်တွန်းလိုကြောင်း
၄။ သင်တန်းဆင်းပွဲအခမ်းအနားကို နေ့လည် ၃း၀၀ နာရီတွင် ရုပ်သိမ်းခဲ့ပါသည်။