၁။ ၂၀၁၃ခုနှစ်၊ဇူလိုင်လ(၁၈)ရက်နေ့မွန်းလွဲ(၂း၃၀)နာရီတွင် ပြည်ထောင်စုစာရင်းစစ်ချုပ်ရုံး အစည်းအဝေးခန်းမ၌အခြေခံစာရင်းကိုင်နှင့်ရုံးလုပ်ငန်းကျွမ်းကျင်မှုသင်တန်း အမှတ်စဉ်(၂၁၈) သင်တန်းဆင်းပွဲ အခမ်းအနားကျင်းပခဲ့ရာ ဒုတိယစာရင်းစစ်ချုပ်ဦးမျိုးမြင့် တက်ရောက်၍ သင်တန်းဆင်းလမ်းညွှန်အမှာစကား ပြောကြားခဲ့ပါသည်။
၂။ အဆိုပါအခမ်းအနားသို ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ ဒုတိယ ညွှန်ကြားရေးမှူး၊ ကထိကများနှင့် သင်တန်းသူ/သား(၉၆)ဦး တက်ရောက်ခဲ့ပါသည်။
၃။ အခမ်းအနားတွင် ဒုတိယစာရင်းစစ်ချုပ် ဦးမျိုးမြင့်မှ လမ်းညွှန်မှာကြားရာတွင်-
- သင်တန်းသူ/သားများအနေဖြင့်သင်တန်းကိုအဆင့်မြင့်မြင့်နှင့် အောင်မြင်ကြစေ လို ကြောင်း
- ဝန်ထမ်းဘဝဖြင့် အများအကျိုးအတွက် ဆောင်ရွက်ရင်း မိမိတာဝန်ကို ကျေပွန်အောင် ထမ်းဆောင်ကြစေလိုကြောင်း
- ရိုးသားဖြောင့်မတ်စွာဖြင့် ခေတ်ကို မျက်ခြေမပြတ်ဘဲ အမြဲတမ်း Update ဖြစ်နေရန် လိုအပ်ကြောင်းနှင့် မိမိကိုယ်မိမိ တည်ဆောက်နိုင်သူများ ဖြစ်ကြစေလိုကြောင်း လမ်းညွှန် မှာကြားခဲ့ပါသည်။
၄။ အခမ်းအနားကို မွန်းလွဲ(၃း၀၀)နာရီတွင် ရုပ်သိမ်းခဲ့ပါသည်။