၁။ ၂၀၁၆ ခုနှစ်၊ မေလ (၁၁) ရက်နေ့ နံနက် (၁၀း၀၀) နာရီတွင် ပြည်ထောင်စုစာရင်းစစ်ချုပ်ရုံး၊ စုပေါင်းခန်းမ၌ အလယ်အလတ်အဆင့်/ အဆင့်မြင့်စာရင်းကိုင်နှင့် ရုံးလုပ်ငန်းကျွမ်းကျင်မှု အမှတ်စဉ်(၉၆)သင်တန်းဖွင့်ပွဲအခမ်းအနား ကျင်းပရာ ပြည်ထောင်စုစာရင်းစစ်ချုပ် တက်ရောက် ၍ သင်တန်းဖွင့်အမှာစကား ပြောကြားခဲ့သည်။
၂။ အဆိုပါအခမ်းအနားသို့ အမြဲတမ်းအတွင်းဝန်၊ ညွှန်ကြားရေးမှူးချုပ်၊ စစ်ဆေးရေးဦးစီးဌာန၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ ဒုတိယညွန်ကြားရေးမှူးများ၊ ကထိကများ၊ သင်တန်းသား/သူ (၂၄၇)ဦး တက်ရောက်ခဲ့ပါသည်။
၃။ အခမ်းအနားတွင် ပြည်ထောင်စုစာရင်းစစ်ချုပ်မှ သင်တန်းဖွင့်အမှာစကားပြောကြားရာတွင်-
- နိုင်ငံတော်ကြီးအားစနစ်သစ်ဖြင့် ခေတ်မီဖွံ့ဖြိုးတိုးတက်တဲ့ နိုင်ငံတော်သစ်အဖြစ် တည်ဆောက်တဲ့ နေရာမှာ ဝန်ထမ်းအသီးသီးဟာ ပြည်သူလူထုအကျိုးစီးပွားကို ယခင်က ထက် ပိုမိုကာကွယ်စောင့်ရှောက်ပေးရမှာဖြစ်ပြီး မိမိတို့ အလုပ်တာဝန်များကို မှန်ကန် တိကျစွာ လိုက်နာဆောင်ရွက်ရာမှာ အထောက်အကူပြုနိုင်ဖို့အတွက် အလယ်အလတ်/ အဆင့်မြင့်သင်တန်းမှာ ကူးသန်းရောင်းဝယ်မှုဥပဒေ၊ ကူးသန်းရောင်းဝယ်မှုအထွေထွေ ဗဟုသုတ၊ စာရင်းကိုင်ပညာ၊ စာရင်းစစ်ဆေးခြင်း၊ တန်ဖိုးတွက်စာရင်းပညာ၊ ဘဏ္ဍာရေး စည်းမျဉ်း၊ ဝန်ထမ်းစည်းမျဉ်း၊ ဦးစီးဌာနစာရင်းပညာ၊ စာတိုချုံးနှင့်ရုံးစာရေးနည်း၊ ပြည်သူ့ ဘဏ္ဍာရေးနှင့် အခွန်ဘာသာရပ်များ သင်ကြားပို့ချပေးမှာ ဖြစ်ကြောင်း
- ဤဘာသာရပ်များသည် ကျယ်ပြန့်ပြီး ရုံးလုပ်ငန်းအတွက် အမှန်တကယ် လိုအပ်ကြောင်း
- အခွန်ဘာသာရပ်တွင် အချိန်နှင့်တပြေးညီ ပြောင်းလဲပြဌာန်းထားတဲ့ အခွန်ဥပဒေများကို သင်ကြားပေးနေခြင်းသည် တိုင်းပြည်၏ ဝင်ငွေဖြစ်တဲ့အတွက် အရေးပါတဲ့ သင်ကြား မှု ဖြစ်ကြောင်း
- ဒါကြောင့်မို့လို့ သင်တန်းသားများကလည်း ယခုသင်တန်းတွင် သင်ကြားပို့ချချက်များကို အပတ်တကုတ် လေ့လာဆည်းပူးရန် လိုကြောင်း
- သင်တန်းလာတက်ကြတဲ့ သင်တန်းသူ/သားများ၏ မိခင်ဌာနများအနေနဲ့ ဝန်ထမ်းတစ်ဦး ချင်းစီ၏ အရည်အသွေး တိုးတက်လာအောင် ဌာနဆိုင်ရာ လုပ်ငန်းများကို စွမ်းရည်ပြည့်၀ စွာ ဆောင်ရွက်နိုင်အောင်ဆိုတဲ့ ရည်ရွယ်ချက်များအပြင် စာရင်းပညာနားလည်တတ်ကျွမ်း ပြီး စည်းမျဉ်းစည်းကမ်းနဲ့အညီ အမှားအယွင်းမရှိ စာရင်းများ ရေးဆွဲနိုင်အောင်၊ မမှန်မကန် မှု လေလွင့်ဆုံးရှုံးမှုတွေမဖြစ်အောင် စသည့်ရည်ရွယ်ချက်များနဲ့ သင်တန်းသားများ ကို စေလွှတ်ခြင်းဖြစ်ကြောင်း
- သင်တန်းကျောင်းကြီးနဲ့ ကထိကတွေကလည်း တကယ်နားလည်တတ်ကျွမ်းပြီး အရည် အချင်းပြည့်ဝတဲ့ စာရင်းပညာရှင်တွေ ပေါ်ထွက်လာရန်ဆိုတဲ့ ရည်ရွယ်ချက်တွေ ထားရှိကြောင်း
- ဒါကြောင့် မိမိတို့ မိခင်ဌာနရဲ့ စေတနာ၊ သင်ကြားပို့ချသော ကထိကများရဲ့ စေတနာကို တုံ့ပြန်သောအားဖြင့် သင်တန်းစည်းကမ်းကို တိကျစွာ လိုက်နာပြီး ဘာသာရပ်ဆိုင်ရာ ဗဟုသုတတွေကို သေသေချာချာနားလည်ပြီး ကျွမ်းကျင်တတ်မြောက်တဲ့အထိ ကြိုးစား ပြီး လေ့လာသင်ယူသင့်ကြောင်း
- သင်တန်းဆင်းအရည်အချင်း သတ်မှတ်ချက်အဆင့်များကို အဆင့်ဖြင့် ထုတ်ပြန်မှာ ဖြစ်ပါ တယ်။ စာမေးပွဲကိုလည်း တစ်ကြိမ်သာ ဖြေဆိုခွင့်ရှိပြီး ဘာသာစုံ ပြီးဆုံးအောင် ဖြေဆိုမှ သင်တန်းပြီးဆုံးကြောင်း အောင်လက်မှတ်ရမှာ ဖြစ်တဲ့အတွက် အမှန်တကယ် ကြိုးစား အားထုတ်ကြဖို့ တိုက်တွန်းလိုကြောင်း
- သင်တန်းသူ/ သင်တန်းသားများဟာ ပြည်သူ့ဝန်ထမ်းများ ဖြစ်တဲ့အတွက် ဝန်ထမ်းများ စောင့်ထိန်းလိုက်နာရမယ့် ကျင့်ဝတ်သိက္ခာ၊ စည်းမျဉ်းစည်းကမ်းများအပြင် သင်တန်းကျောင်းက ချမှတ်ပေးတဲ့ စည်းကမ်းများကိုလည်း အလေးထား လိုက်နာကြပါလို့ မှာကြားရင်း နိဂုံးချုပ်ပါကြောင်း
၄။ အခမ်းအနားကို နံနက် (၁၁း၀၀) နာရီတွင် ရုပ်သိမ်းခဲ့ပါသည်။