၁။ ၂၀၁၇ ခုနှစ်၊ မေလ ( ၁၅ ) ရက်နေ့ နံနက် ( ၉း၃၀ ) နာရီ အချိန်တွင် ပြည်ထောင်စု စာရင်းစစ်ချုပ်ရုံး၊ စုပေါင်းခန်းမ၌ စာရင်းစစ်-၃ များ လုပ်ငန်းခွင်ကျွမ်းကျင်မှု အမှတ်စဉ် (၄၆) သင်တန်းဖွင့်ပွဲ အခမ်းအနား ကျင်းပခဲ့ရာ ပြည်ထောင်စု စာရင်းစစ်ချုပ် တက်ရောက်၍ သင်တန်းဖွင့် လမ်းညွှန်အမှာစကား ပြောကြားခဲ့ပါသည်။
၂။ အဆိုပါ အခမ်းအနားသို့ ညွှန်ကြားရေးမှူးချုပ် ( စစ်ဆေးရေးဦးစီးဌာန ) ၊ ဒုတိယ ညွှန်ကြားရေးမှူးချုပ်များ၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ ကထိကများနှင့် သင်တန်းသား / သင်တန်းသူ ( ၁၁၄ ) ဦး တက်ရောက်ခဲ့ပါသည်။
၃။ အခမ်းအနားတွင် ပြည်ထောင်စုစာရင်းစစ်ချုပ်မှ -
- ယခု ဖွင့်လှစ်သော သင်တန်းသည် လုပ်ငန်းခွင် ကျွမ်းကျင်မှှု သင်တန်းဖြစ်၍ စာရင်းစစ်-၃များ အတွက် အရေးကြီးသော သင်တန်းဖြစ်ကြောင်း၊
- စာရင်းစစ်-၃ များသည် အခြေခံ စာရင်းပညာ ကျွမ်းကျင်သူများဖြစ်ကြသော်လည်း လက်တွေ့လုပ်ငန်းခွင်တွင် လုပ်ဆောင်နိုင်ရန် ကျွမ်းကျင်မှုများ လိုအပ်နေသေးသည့်အတွက် သင်တန်းများ ဖွင့်လှစ်ရခြင်းဖြစ်ကြောင်း၊
- နိုင်ငံတကာတွင် အရည်အသွေးနှင့် ပတ်သက်၍ ရှေ့တန်းတင်နေသည့်ခေတ် ဖြစ်သဖြင့် Audit Management တွင် အရည်အသွေး ပြည့်စုံရန်လိုအပ်ကြောင်း၊
- နိုင်ငံတော် ကဏ္ဍစာရင်းစစ်များသည် စာရင်းများစစ်ဆေးရာတွင် ပြည်သူကိုယ်စား ပြု၍ စစ်ဆေးရခြင်းဖြစ်သဖြင့် တိုင်းပြည်ကို ပို၍ အကျိုးပြုနိုင်ကြောင်း၊
- လုပ်ငန်းနှင့် စပ်လျဉ်း၍ Technical Knowledge သည်လည်း အရေးကြီးသကဲ့သို့ ကျင့်ဝတ်ကိုလည်း စောင့်ထိန်းလိုက်နာဖို့ လိုအပ်ကြောင်း စသည်ဖြင့် မှာကြားခဲ့ပါသည်။
၄။ အခမ်းအနားကို နံနက်(၉း၄၅)နာရီတွင် ရုပ်သိမ်းခဲ့ပါသည်။