၁။ ပြည်ထောင်စုစာရင်းစစ်ချုပ် ဦးမော်သန်းသည် ရန်ကုန်မြို့၊ စင်ကာပူနိုင်ငံသံရုံးမှ သံအမတ်ကြီး H.E. Ms.Vanessa Chan Yuen Ying ဦးဆောင်သော ကိုယ်စားလှယ်အဖွဲ့ အား ၂၀၁၈ ခုနှစ်၊ ဖေဖော်ဝါရီလ (၁၃) ရက်နေ့၊ နံနက် ၁၀း၀၀ နာရီတွင် နေပြည်တော်ရှိ ပြည်ထောင်စုစာရင်းစစ်ချုပ်ရုံး၊ ဧည့်ခန်းမ၌ လက်ခံတွေ့ဆုံခဲ့ပါသည်။
၂။ ထိုသို့တွေ့ဆုံရာတွင် ဤရုံး၏ ဆောင်ရွက်နေသည့် စစ်ဆေးရေးလုပ်ငန်းစဉ်များ၊ ဝန်ထမ်းများ၏စွမ်းရည်မြှင့်တင်ရေးအတွက် ဖွင့်လှစ်သင်ကြားနေသည့် သင်တန်းဆိုင်ရာ ကိစ္စရပ်များ၊ စင်ကာပူ ပူးပေါင်းဆောင်ရွက်မှုအစီအစဉ်အရ ရန်ကုန်မြို့တွင် ၁ ပတ်ကြာ၊ ၂ ပတ်ကြာ သင်တန်းများ ဖွင့်လှစ်ပေးနေမှုများ စသည်တို့နှင့်စပ်လျဉ်း၍ ဆွေးနွေးခဲ့ကြပါ သည်။
၃။ အဆိုပါတွေ့ဆုံဆွေးနွေးပွဲသို့ ပြည်ထောင်စုစာရင်းစစ်ချုပ်ရုံးမှ ညွှန်ကြားရေးမှူးချုပ် (စစ်ဆေးရေး) နှင့် တာဝန်ရှိသူများ တက်ရောက်ခဲ့ပါသည်။