၁။ ၂၀၁၆ ခုနှစ် မေလ (၁၁)ရက်နေ့ နေ့လယ် ၁း၀၀ နာရီတွင် ရန်ကုန်မြို့၊ ဗြိတိန်သံရုံးမှ သံအမတ်ကြီး H.E Mr. Andrew Patrick ဦးဆောင်သော ကိုယ်စားလှယ်အဖွဲ့ သည် နေပြည်တော်ရှိ ပြည်ထောင်စု စာရင်းစစ်ချုပ်ရုံး ဧည့်ခန်းမ၌ ပြည်ထောင်စုစာရင်းစစ်ချုပ် ဦးမော်သန်းအား လာရောက်တွေ့ဆုံပါသည်။
၂။ ပြည်ထောင်စုစာရင်းစစ်ချုပ်နှင့် ဗြိတိန်ကိုယ်စားလှယ်အဖွဲ့တို့ တွေ့ဆုံရာ၌ မြန်မာနိုင်ငံတွင် စာရင်းပညာရှင်များ၏ စွမ်းဆောင်ရည်မြှင့်တင်နိုင်ရေးကိစ္စရပ်များ၊ International Financial Reporting Standards၊ International Public Sector Accounting Standards လက်ခံကျင့်သုံး နိုင်ရေးကိစ္စရပ်များနှင့် နိုင်ငံတကာစာရင်းပညာရှင်များ မြန်မာနိုင်ငံတွင် လုပ်ငန်းဆောင်ရွက်နိုင်မှု အခြေအနေတို့ကို ဆွေးနွေးခဲ့ကြပါသည်။
၃။ အဆိုပါ တွေ့ဆုံဆွေးနွေးမှုတွင် ပြည်ထောင်စုစာရင်းစစ်ချုပ်ရုံးမှ အမြဲတမ်းအတွင်းဝန်နှင့် တာဝန်ရှိသူများ တက်ရောက်ခဲ့ကြပါသည်။