မြန်မာသက္ကရာဇ် ၁၃၇၈ ခု၊ တန်ဆောင်မုန်းလဆန်း (၁၂)ရက်၊ ခရစ်သက္ကရာဇ် ၂၀၁၆ ခုနှစ် နိုဝင်ဘာလ(၁၁)ရက် နံနက် (၉ း ၃၀) အချိန်တွင် ပြည်ထောင်စုစာရင်းစစ်ချုပ်ရုံး စုပေါင်းခန်းမ၌ နဝမအကြိမ်မြောက် ကထိန်သင်္ကန်းဆက်ကပ်လှူဒါန်းကြပါသည်။
အဆိုပါ အခမ်းအနားသို့ ပြည်ထောင်စုစာရင်းစစ်ချုပ်၊ အမြဲတမ်းအတွင်းဝန်၊ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ ဒုတိယ ညွှန်ကြားရေးမှူးများနှင့် ဝန်ထမ်းများ တက်ရောက်ကြပါသည်။
အခမ်းအနားတွင် ပျဉ်းမနားမြို့ ဘုရားကြီးကျောင်းတိုက်နှင့်ရတနာဘုမ္မိသာရကျောင်းတိုက် များမှ သံဃာတော်(၁၁)ပါးတို့အား နဝမအကြိမ်မြောက် ကထိန်သင်္ကန်းနှင့်တကွ လှူဖွယ်ဝတ္တု ပစ္စည်း စုစုပေါင်းတန်ဖိုးကျပ် ၉,၇၇၅,၅၅၀/- ဆက်ကပ်လှူဒါန်းပြီး လှူဒါန်းမှုအစုစု တို့အတွက် ရေစက်သွန်းချ အမျှပေးဝေကြပါသည်။
ထို့နောက် ဗုဒ္ဓသာသနံ၊စိရံတိဌတု ဆုတောင်းဂါထာ(၃)ကြိမ် ရွတ်ဆို၍ အခမ်းအနားကို နံနက် (၁၁း၀၀) အချိန်တွင် ရုပ်သိမ်းခဲ့ပါသည်။ အခမ်းအနားအပြီးတွင် ဆရာတော်၊ သံဃာတော် များအား ပြည်ထောင်စုစာရင်းစစ်ချုပ်နှင့် ဝန်ထမ်းများက နေ့ဆွမ်းဆက်ကပ် လှူဒါန်းကြပါသည်။